ಟ್ರೈನಿಂಗ್ ಮುಗಿಸಿ ಬಂದ ಅಂಬರೀಶ್ ಲುಕ್ ನೋಡಿ

ವಯಸ್ಸಾಗಿರೋ ಅಂಬಿ ನೋಡಿ

'ವೀರ ಪರಂಪರೆ' ಸಿನಿಮಾದ ನಂತರ ಅಂಬರೀಶ್ ಹಾಗೂ ಸುದೀಪ್ ಒಟ್ಟಿಗೆ ಅಭಿನಯಿಸುತ್ತಿರುವ ಚಿತ್ರ 'ಅಂಬಿ ನಿಂಗ್ ವಯಸ್ಸಾಯ್ತೋ'. ಕಥೆ ತುಂಬಾ ಚೆನ್ನಾಗಿದೆ ಅನ್ನೋ ಕಾರಣದಿಂದ ಇಬ್ಬರು ಸ್ಟಾರ್ ಗಳು ಒಂದೇ ಸಿನಿಮಾದಲ್ಲಿ ಕಾಣಿಸಿಕೊಳ್ಳುವುದಕ್ಕೆ ಗ್ರೀನ್ ಸಿಗ್ನಲ್ ನೀಡಿದ್ದರು. ಈ ಸಿನಿಮಾದಲ್ಲಿ ಅಂಬಿ ಯಾವ ಲುಕ್ ನಲ್ಲಿ ಬರುತ್ತಾರೆ ಅನ್ನೋ ಕುತೂಹಲಕ್ಕೆ ಚಿತ್ರತಂಡ ತೆರೆ ಎಳೆದಿದೆ. ಅಂಬರೀಶ್ ಅವರ ಲುಕ್ ರಿವಿಲ್ ಆಗಿದೆ.

ಫಿಟ್ ಆಗಿ ಕಾಣಿಸುತ್ತಿದ್ದಾರೆ ಅಂಬಿ

'ಅಂಬಿ ನಿಂಗ್ ವಯಸ್ಸಾಯ್ತೋ' ಸಿನಿಮಾದಲ್ಲಿ ಅಂಬರೀಶ್ ಮುಖ್ಯ ಪಾತ್ರವನ್ನ ನಿರ್ವಹಿಸುತ್ತಿದ್ದಾರೆ. ಚಿತ್ರದಲ್ಲಿ ನಾಯಕನಾಗಿರುವ ಅಂಬರೀಶ್ ಫಿಟ್ ಆಗಿ ಕಾಣಿಸಿಕೊಳ್ಳಬೇಕು, ಅದೇ ಕಾರಣದಿಂದ ಒಂದಿಷ್ಟು ವರ್ಕ್ ಔಟ್ ಮಾಡಿದ್ದಾರೆ ರೆಬಲ್ ಸ್ಟಾರ್.

ಅಭಿನಯಕ್ಕೆ ಬೆಲೆ ನೀಡುವ ಕಲಾವಿದ

ರೆಬಲ್ ಸ್ಟಾರ್ ಅಂಬರೀಶ್ ಕಲೆಗೆ ಬೆಲೆ ಕೊಡುವ ಕಲಾವಿದ ಅನ್ನೋದು ಮತ್ತೊಮ್ಮೆ ಪ್ರೂವ್ ಆಗಿದೆ. ನಟ ಆದಿ ಲೋಕೇಶ್ ಸಿನಿಮಾದಲ್ಲಿ ಖಳನಾಯಕನ ಪಾತ್ರ ನಿರ್ವಹಿಸುತ್ತಿದ್ದು 'ಅಂಬಿ', ಆದಿ ಲೋಕೇಶ್ ಹಿಂದೆ ಕೈಕಟ್ಟಿ ನಿಂತು
ಅಭಿನಯಿಸಿರೋದು ಅಭಿಮಾನಿಗಳಿಗೆ ಅಚ್ಚರಿ ಮೂಡಿಸಿದೆ.

ಮುಂದಿನ ವರ್ಷ ಚಿತ್ರತಂಡ ಸೇರಲಿರೋ ಕಿಚ್ಚ

ಮುಹೂರ್ತ ಮಾಡಿ ಚಿತ್ರೀಕರಣ ಶುರು ಮಾಡಿರುವ ನಿರ್ದೇಶಕ ಗುರುದತ್ತ್ ಗಾಣಿಗ, ಅಂಬರೀಶ್ ಅವರ ದೃಶ್ಯಗಳ ಚಿತ್ರೀಕರಣ ಮುಗಿಸುತ್ತಿದ್ದಾರೆ. ಇನ್ನು ಕೆಲವೇ ದಿನಗಳಲ್ಲಿ ಸುಹಾಸಿನಿ ಅವರು ಚಿತ್ರೀಕರಣದಲ್ಲಿ ಭಾಗಿಯಾಗಲಿದ್ದು ಫೆಬ್ರವರಿ ತಿಂಗಳಲ್ಲಿ ಕಿಚ್ಚ ಸುದೀಪ್ ಹಾಗೂ ಶೃತಿ ಹರಿಹರನ್ ಶೂಟಿಂಗ್ ನಲ್ಲಿ ಪಾಲ್ಗೊಳ್ಳಲಿದ್ದಾರೆ.