ಅಂದು ಕಿಚ್ಚ ಸುದೀಪ್ ಮಾಡಿದ್ದನ್ನು ಇಂದು ಬಚ್ಚನ್ ಮಾಡಿದರು

ತಿಂಗಳುಗಳ ಹಿಂದೆಯಷ್ಟೇ, ತಾವು ಇನ್ನು ಮುಂದೆ ಹುಟ್ಟುಹಬ್ಬವನ್ನು ಆಚರಿಸುವುದಿಲ್ಲ ಅಂತ ನಟ ಕಿಚ್ಚ ಸುದೀಪ್ ಹೇಳಿದ್ದರು. ಈಗ ಬಾಲಿವುಡ್ ನಟ ಅಮಿತಾಬ್ ಬಚ್ಚನ್ ಬಾಯಿಂದ ಕೂಡ ಇದೇ ಮಾತು ಹೊರಬಂದಿದೆ.

ಈ ವರ್ಷದ ಹುಟ್ಟುಹಬ್ಬವನ್ನು ಆಚರಿಸಿಕೊಳ್ಳದೇ ಇರಲು ಅಮಿತಾಬ್ ಬಚ್ಚನ್ ನಿರ್ಧಾರ ಮಾಡಿದ್ದಾರೆ.

ಅಕ್ಟೋಬರ್ 11ರಂದು ಅಮಿತಾಬ್ ಬಚ್ಚನ್ 75ನೇ ವಸಂತಕ್ಕೆ ಕಾಲಿಡಲಿದ್ದಾರೆ. ಈ ಹಿನ್ನಲೆಯಲ್ಲಿ ಅವರ ಅಭಿಮಾನಿಗಳು ಮತ್ತು ಕುಟುಂಬದವರು ಅದ್ಧೂರಿಯಾಗಿ ಬರ್ತಡೇ ಆಚರಿಸಲು ತಯಾರಿ ನಡೆಸಿದ್ದರು. ಆದರೆ ಬಿಗ್ ಬಿ ಮಾತ್ರ ತಮ್ಮ ಹುಟ್ಟುಹಬ್ಬದ ಆಚರಣೆ ಬೇಡ ಎಂದಿದ್ದಾರೆ.

ಈ ಬಗ್ಗೆ ತಮ್ಮ ಟ್ವಿಟ್ಟರ್ ಖಾತೆ ಮೂಲಕ ಬಚ್ಚನ್ ಅಭಿಮಾನಿಗಳಿಗೆ ತಿಳಿಸಿದ್ದು, ''ನನ್ನ 75ನೇ ವರ್ಷದ ಹುಟ್ಟುಹಬ್ಬವನ್ನು ಅದ್ಧೂರಿಯಾಗಿ ಆಚರಿಸುವ ಸುದ್ದಿ ಸುಳ್ಳು. ಯಾರಾದರೂ ನನ್ನ ಹುಟ್ಟುಹಬ್ಬ ಆಚರಣೆಯ ತಯಾರಿಯಲ್ಲಿ ಇದ್ದರೆ, ಅದನ್ನು ಕೈ ಬಿಡಿ'' ಅಂತ ಹೇಳಿದ್ದಾರೆ.