ಕನ್ನಡದ ಜೊತೆಜೊತೆಗೆ ಪರಭಾಷೆಯಲ್ಲೂ ಸಾಗಿತ್ತು 'ಅನಂತ'ಯಾನ

ಅನಂತ್ ಅವರ 'ಅಂಕುರ್'

1973ರಲ್ಲಿ ಕನ್ನಡದ 'ಸಂಕಲ್ಪ' ಚಿತ್ರದಲ್ಲಿ ನಟಿಸುವ ಮೂಲಕ ಅನಂತ್ ನಾಗ್ ಬೆಳ್ಳಿತೆರೆಗೆ ಪ್ರವೇಶ ಮಾಡಿದರು. ಅದಾದ ನಂತರ ದಖಿನಿ ಭಾಷೆಯಲ್ಲಿ 'ಅಂಕುರ್' ಸಿನಿಮಾ ಮಾಡಿದರು. ಇದು ಅನಂತ್ ನಾಗ್ ಅವರ ಮೊದಲ ಪರಭಾಷೆ ಸಿನಿಮಾ. ಈ ಸಿನಿಮಾ ಮೂರು ರಾಷ್ಟ್ರ ಪ್ರಶಸ್ತಿ ಪಡೆದುಕೊಂಡಿತ್ತು. ಈ ಚಿತ್ರವನ್ನ ಶ್ಯಾಂ ಬೆಂಗಾಲ್ ನಿರ್ದೇಶನ ಮಾಡಿದ್ದರು.

ಹಿಂದಿಯ 'ನಿಶಾಂತ್'

ಶ್ಯಾಂ ಬೆಂಗಾಲ್ ನಿರ್ದೇಶನ ಮಾಡಿದ್ದ ಹಿಂದಿ ಸಿನಿಮಾ 'ನಿಶಾಂತ್' ಚಿತ್ರದಲ್ಲಿ ಅನಂತ್ ನಾಗ್ ಅಭಿನಯಿಸಿದ್ದರು. ಗಿರೀಶ್ ಕಾರ್ನಡ್ ಮುಖ್ಯ ಭೂಮಿಕೆಯಲ್ಲಿದ್ದ ಈ ಚಿತ್ರದಲ್ಲಿ ಅನಂತ್ ನಾಗ್ ಅವರ ಪ್ರಮುಖ ಪಾತ್ರ ನಿಭಾಯಿಸಿದ್ದರು. ಇದು ಇವರು ಮೊದಲ ಹಿಂದಿ ಸಿನಿಮಾ. ಈ ಸಿನಿಮಾ ಕೂಡ ರಾಷ್ಟ್ರ ಪ್ರಶಸ್ತಿ ಪಡೆದುಕೊಂಡಿತ್ತು.

ಮೊದಲ ತೆಲುಗು ಸಿನಿಮಾ

1977 ರಲ್ಲಿ ಬಿಡುಗಡೆಯಾದ 'ಪ್ರೇಮಲೇಖಲು' ಚಿತ್ರದಲ್ಲಿ ಅಭಿನಯಿಸುವ ಮೂಲಕ ತೆಲುಗು ಚಿತ್ರರಂಗಕ್ಕೆ ಪರಿಚಯವಾದರು. ಕೆ ರಾಘವೇಂದ್ರ ರಾವ್ ನಿರ್ದೇಶನದ ಈ ಚಿತ್ರದಲ್ಲಿ ಅನಂತ್ ನಾಗ್, ಜಯಸುಧಾ, ಮುರಳಿ ಮೋಹನ್ ಕಾಣಿಸಿಕೊಂಡಿದ್ದರು.

ಹಿಂದಿಯಲ್ಲಿ ಹೆಚ್ಚು ನಟನೆ

ಕನ್ನಡ ಬಿಟ್ಟರೇ, ಅನಂತ್ ನಾಗ್ ಹಿಂದಿಯಲ್ಲಿ ಹೆಚ್ಚು ಸಿನಿಮಾ ಮಾಡಿದ್ದಾರೆ. ಕೊಂಡ್ರ, ಗೆಹ್ರಾಯಿ, ಮಂಗಳಸೂತ್ರು, ಕಲಿಯುಗ್, ರಾತ್, ಮಾಯಾ, ಯುವ ಅಂತಹ ಹಿಂದಿ ಚಿತ್ರಗಳಲ್ಲಿ ನಟಿಸಿದ್ದಾರೆ.

ಮೊದಲ ಮಲಯಾಳಂ ಚಿತ್ರ

ಲೆನಿನ್ ರಾಜೇಂದ್ರನ್ ನಿರ್ದೇಶನದ 'ಸ್ವಾತಿ ತಿರುನಾಲ್' ಮಲಯಾಳಂ ಚಿತ್ರದಲ್ಲಿ ಅನಂತ್ ಅಭಿನಯಿಸಿದ್ದರು. 1987ರಲ್ಲಿ ಈ ಸಿನಿಮಾ ತೆರೆಕಂಡಿತ್ತು. ಅನಂತ್ ನಾಗ್, ಶ್ರೀವಿದ್ಯಾ, ಅಂಬಿಕಾ, ರಂಜನಿ ಸೇರಿದಂತೆ ಹಲವರು ಅಭಿನಯಿಸಿದ್ದರು.

ಮೊದಲ ತಮಿಳು ಸಿನಿಮಾ

ಕ್ರೇಜಿಸ್ಟಾರ್ ರವಿಚಂದ್ರನ್ ಅವರ 'ಶಾಂತಿ ಕ್ರಾಂತಿ' ಸಿನಿಮಾ ತಮಿಳಿನಲ್ಲಿ 'ನಾಟುಕ್ಕು ಒರು ನಲ್ಲವನ್' ಹೆಸರಿನಲ್ಲಿ ತಯಾರಾಗಿತ್ತು. ರಜನಿಕಾಂತ್ ನಾಯಕನಾಗಿದ್ದ ಈ ಚಿತ್ರದಲ್ಲಿ ಅನಂತ್ ನಾಗ್ ಕನ್ನಡದಲ್ಲಿ ಮಾಡಿದ್ದ ಮೂಲವನ್ನ ನಿರ್ವಹಿಸಿದ್ದರು. ಇದು ಇವರ ಮೊದಲ ತಮಿಳು ಸಿನಿಮಾ. ತಮಿಳಿನಲ್ಲೂ ರವಿಚಂದ್ರನ್ ಅವರೇ ನಿರ್ದೇಶನ ಮಾಡಿದ್ದರು.

ಮೊದಲ ಮರಾಠಿ ಚಿತ್ರ

2003ರಲ್ಲಿ 'ಅಹನಾತ್' ಎಂಬ ಮರಾಠಿ ಸಿನಿಮಾದಲ್ಲಿ ಅನಂತ್ ನಾಗ್ ಅಭಿನಯಿಸಿದ್ದರು. ಸೋನಾಲಿ ಬೇಂದ್ರೆ ನಾಯಕಿಯಾಗಿದ್ದ ಚಿತ್ರದಲ್ಲಿ ಅನಂತ್ ನಾಗ್ ರಾಜನಾಗಿ ಕಾಣಿಸಿಕೊಂಡಿದ್ದರು.