ದ್ವಾರಕೀಶ್ ಬ್ಯಾನರ್ ನಲ್ಲಿ ಅನಂತ್ ನಾಗ್ : ಮತ್ತೆ ಒಂದಾದ ಹಳೆ ಜೋಡಿಗಳು

ದ್ವಾರಕೀಶ್ ಬ್ಯಾನರ್ ನ 52ನೇ ಚಿತ್ರ

'ಚೌಕ' ಚಿತ್ರದ ಮೂಲಕ ಹಾಫ್ ಸೆಂಚುರಿ ಬಾರಿಸಿದ್ದ ದ್ವಾರಕೀಶ್ ಬ್ಯಾನರ್, 51 ಸಿನಿಮಾವಾಗಿ 'ಅಮ್ಮ ಐ ಲವ್ ಯೂ' ಸಿನಿಮಾವನ್ನು ನಿರ್ಮಾಣ ಮಾಡಿತು. ಅದರ ನಂತರ ಇತ್ತೀಚಿಗಷ್ಟೆ ಅವರ 52ನೇ ಚಿತ್ರ ಅನೌನ್ಸ್ ಆಗಿತ್ತು. ಈ ಸಿನಿಮಾದಲ್ಲಿ ಈಗ ಅನಂತ್ ನಾಗ್ ಕೂಡ ನಟಿಸುತ್ತಿದ್ದಾರೆ.

ಮತ್ತೆ ಶಿವಣ್ಣ - ಅನಂತ್ ನಾಗ್

ವಿಶೇಷ ಅಂದರೆ, ಈ ಸಿನಿಮಾದಲ್ಲಿ ಅನಂತ್ ನಾಗ್ ಹಾಗೂ ಶಿವರಾಜ್ ಕುಮಾರ್ ಒಟ್ಟಿಗೆ ನಟಿಸುತ್ತಿದ್ದಾರೆ. ಈ ಹಿಂದೆ 'ಚಿಗುರಿದ ಕನಸು', 'ಸಂತೆಯಲಿ ನಿಂತ ಕಬೀರ' ಸೇರಿದಂತೆ ಕೆಲ ಸಿನಿಮಾಗಳಲ್ಲಿ ಈ ಜೋಡಿ ಒಟ್ಟಿಗೆ ನಟಿಸಿದ್ದು, ಈಗ ಮತ್ತೆ ಒಂದೇ ಸಿನಿಮಾದಲ್ಲಿ ಜೋಡಿಯಾಗಿದ್ದಾರೆ.

ಪಾತ್ರ ಏನು?

ಅನಂತ್ ನಾಗ್ ಈ ಸಿನಿಮಾದಲ್ಲಿ ತಾತನ ಪಾತ್ರವನ್ನು ನಿರ್ವಹಿಸುತ್ತಿದ್ದಾರೆ. ಚಿತ್ರದಲ್ಲಿ ರಚಿತಾ ರಾಮ್ ನಾಯಕಿ ಆಗಿದ್ದರು ಅವರ ಅಜ್ಜನಾಗಿ ಅನಂತ್ ನಾಗ್ ನಟಿಲಿದ್ದಾರೆ. ಪಿ ವಾಸು ಈ ಚಿತ್ರವನ್ನು ನಿರ್ದೇಶನ ಮಾಡುತ್ತಿದ್ದಾರೆ. ಇದೇ ಮೊದಲ ಬಾರಿಗೆ ಪಿ ವಾಸು ನಿರ್ದೇಶಕದಲ್ಲಿ ಅನಂತ್ ನಾಗ್ ಅಭಿನಯಿಸಿದ್ದಾರೆ.

ಮತ್ತೆ ಹಳೆ ಜೋಡಿಗಳು

ಈ ಹಿಂದೆ ಪಿ.ವಾಸು ನಿರ್ದೇಶನ ಮಾಡಿದ್ದ 'ಆಪ್ತಮಿತ್ರ' ಸಿನಿಮಾವನ್ನು ದ್ವಾರಕೀಶ್ ಚಿತ್ರ ಸಂಸ್ಥೆ ನಿರ್ಮಾಣ ಮಾಡಿತ್ತು. ಈ ಚಿತ್ರದ ಬಳಿಕ ಈಗ ಮತ್ತೆ ದ್ವಾರಕೀಶ್ ಬ್ಯಾನರ್ ನಲ್ಲಿ ಪಿ.ವಾಸು ಸಿನಿಮಾ ಮಾಡುತ್ತಿದ್ದಾರೆ. ಇತ್ತ ಶಿವರಾಜ್ ಕುಮಾರ್ ಅವರಿಗೆ 'ಶಿವಲಿಂಗ' ಸಿನಿಮಾ ಮಾಡಿದ್ದ ಪಿ.ವಾಸು ಆ ಹಿಟ್ ಚಿತ್ರದ ನಂತರ ಮತ್ತೆ ಶಿವಣ್ಣನಿಗೆ ಆಕ್ಷನ್ ಕಟ್ ಹೇಳುತ್ತಿದ್ದಾರೆ.