For Quick Alerts
    ALLOW NOTIFICATIONS  
    For Daily Alerts

    ಡಬ್ಬಿಂಗ್ ಪರ ಧ್ವನಿಯೆತ್ತಿದ ಅನಂತ್ ನಾಗ್

    |

    ಇತ್ತೀಚಿಗೆ ಡಬ್ಬಿಂಗ್ ವಿರೋಧಿ ಹೇಳಿಕೆಯನ್ನು ವಿರೋಧಿಸುವವರು ತುಂಬಾ ಕಡಿಮೆಯಾಗಿದ್ದರು. ಅದಕ್ಕೆ ಕಾರಣ ಹ್ಯಾಟ್ರಿಕ್ ಹೀರೋ ಶಿವರಾಜ್ ಕುಮಾರ್, ಅಣ್ಣಾವ್ರ ಹುಟ್ಟುಹಬ್ಬದಂದು ಡಬ್ಬಿಂಗ್ ವಿರುದ್ಧ ಜೋರಾಗಿ 'ಆವಾಜ್' ಹಾಕಿರುವುದೋ ಏನೋ!

    ಆದರೆ ಯಾರ ಹೇಳಿಕೆಗೂ ತಮ್ಮ ಅನಿಸಿಕೆಯನ್ನು ಮಾರಿಕೊಳ್ಳದ ಹಿರಿಯ ನಟ ಅನಂತ್ ನಾಗ್ ಮನಬಿಚ್ಚಿ ಮಾತನಾಡಿದ್ದಾರೆ. "ಡಬ್ಬಿಂಗ್ ಯಾಕೆ ಬೇಡ? ಬೇರೆ ಭಾಷೆಗಳಲ್ಲಿ ಅದು ಇರುವಾಗ ಕನ್ನಡಕ್ಕೆ ಯಾಕೆ ಬೇಡ?" ಎಂದವರು ಪ್ರಶ್ನಿಸಿದ್ದಾರೆ.

    ಡಬ್ಬಿಂಗ್ ಎಲ್ಲೂ ಇಲ್ಲದಿದ್ದರೆ ಅದು ಬೇರೆ ವಿಷಯ. ಬೇರೆ ಬಹಳಷ್ಟು ಭಾಷೆಗಳ ಚಿತ್ರರಂಗದಲ್ಲಿ ಅದಕ್ಕೆ ಅವಕಾಶವಿರುವಾಗ ಕನ್ನಡಕ್ಕೂ ಉತ್ತಮ ಚಿತ್ರಗಳು ಬರಲಿ ಎನ್ನುತ್ತಾರೆ ಹಿರಿಯ ಕಲಾವಿದ ಅನಂತ್ ನಾಗ್.

    ಅವರು ಡಬ್ಬಿಂಗ್ ವಿರೋಧಿಗಳ ಯಾರ ಹೆಸರನ್ನೂ ಪ್ರಸ್ತಾಪಿಸಿಲ್ಲ. ಆದರೆ ಕನ್ನಡ ಚಿತ್ರರಂಗದ ಕೆಲವು ನೀತಿಗಳ ಬಗ್ಗೆ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ. "ರಿಮೇಕ್ ಹಕ್ಕುಗಳಿಂದ ಹಿಡಿದು ಎಲ್ಲವನ್ನೂ ಪರಭಾಷಾ ನೆಲದಿಂದ ತರುತ್ತಿರುವ ನಮಗೆ ಡಬ್ಬಿಂಗ್ ಮಾತ್ರ ಯಾಕೆ ಬೇಡ?

    ಡಬ್ಬಿಂಗ್ ವಿರೋಧ ಸರಿಯಲ್ಲ. ಇನ್ನಾದರೂ ಕನ್ನಡ ಚಿತ್ರರಂಗ ಎಚ್ಚೆತ್ತುಕೊಳ್ಳಬೇಕು. ನಾವೂ ಬದಲಾಗಬೇಕು. ಸ್ವಂತಿಕೆಯೇ ಇಲ್ಲದ ಕನ್ನಡ ಸಿನಿಮಾಗಳಿಂದಾಗಿ ಜನ ಕನ್ನಡಸಿನಿಮಾ ನೋಡಲು ಬರುತ್ತಿಲ್ಲ.

    ಕನ್ನಡ ಚಿತ್ರರಂಗ ಮಾತ್ರ ಸಂಕಷ್ಟದಲ್ಲಿಲ್ಲ. ಹಲವು ಚಿತ್ರರಂಗಗಳು ಇದೇ ಹಾದಿಯಲ್ಲಿವೆ. ಹಾಗೆಂದು ಒಳ್ಳೆಯ ಚಿತ್ರಗಳನ್ನು ಕನ್ನಡ ಪ್ರೇಕ್ಷಕರು ನೋಡದಂತೆ ಮಾಡುವುದು ಸರಿಯಲ್ಲ. ಇದು ಪ್ರೇಕ್ಷಕರ ಹಕ್ಕು ಕಸಿದುಕೊಂಡಂತಾಗುತ್ತದೆ.

    ಯಾವುದೋ ಪರಭಾಷೆ ಚಿತ್ರದ ಸಿಡಿ ತಂದು, ಇದರಲ್ಲಿರುವಂತೆ ನಟಿಸಿ ಎನ್ನುವ ನಿರ್ಮಾಪಕ-ನಿರ್ದೇಶಕರ ಮನಸ್ಥಿತಿ ಬದಲಾಗಬೇಕು. ಶೈಕ್ಷಣಿಕ, ಸಾಂಸ್ಕೃತಿಕ ಹೊಣೆಗಾರಿಕೆ ಎಲ್ಲರಲ್ಲೂ ಇರಬೇಕು" ಎಂದು ವಿಷಾದದಿಂದ ಹೇಳಿದ್ದಾರೆ.

    ಅನಂತ್ ನಾಗ್ ಯಾವುದೇ ವಿವಾದವನ್ನು ಸೃಷ್ಟಿಸುವವರಲ್ಲ, ನುಸುಳುವವರೂ ಅಲ್ಲ. ತಾವಾಯಿತು, ತಮ್ಮ ಕೆಲಸವಾಯಿತು ಎಂದು ಇದ್ದುಬಿಡುವವರು. ತಮ್ಮದೇ ಪಾತ್ರದ ಬಗ್ಗೆಯೂ ಅಷ್ಟೇ, ಅತಿಯಾದ ನಿರೀಕ್ಷೆಯಿಲ್ಲದ ನಿರ್ಲಿಪ್ತ ಭಾವ ಅವರದ್ದು. ಹೀಗಿದ್ದೂ ಡಬ್ಬಿಂಗ್ ಬಗ್ಗೆ ತಮ್ಮ ಅನಿಸಿಕೆಯನ್ನು ಮುಕ್ತವಾಗಿ ಹೇಳಿದ್ದಾರೆ. (ಒನ್ ಇಂಡಿಯಾ ಕನ್ನಡ)

    English summary
    Actor Ananth Nag told that Dubbing is OK for Kannada Industry. For this Dubbing Issue, Ananth Nag asked that hence many other languages film industries accepted this, why Kannada industry is against for this? Ananth Nag Supports Dubbing for Kannada Film Industry. 
 

    Kannada Photos

    Go to : More Photos
    ತಾಜಾ ಸುದ್ದಿ ತಕ್ಷಣ ಪಡೆಯಿರಿ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Filmibeat sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Filmibeat website. However, you can change your cookie settings at any time. Learn more
    X