ಅಮೇರಿಕಾದಲ್ಲಿ 'ನಟಿಯರ' ವೇಶ್ಯಾವಾಟಿಕೆ: 'ನಿರೂಪಕಿ' ಬಿಚ್ಚಿಟ್ಟ ಸ್ಫೋಟಕ ಸಂಗತಿ

ಇಲ್ಲಿ ಕಮಿಟ್ ಮೆಂಟ್, ಅಲ್ಲಿ ಶಾಪಿಂಗ್.!

ಅಮೇರಿಕಾದ ಕಾರ್ಯಕ್ರಮಗಳಲ್ಲಿ ಭಾಗವಹಿಸಲು ಭಾರತೀಯ ನಟಿಯರನ್ನ ಆಹ್ವಾನಿಸಲಾಗುತ್ತೆ. ಅವರು ಇಲ್ಲಿಗೆ ಬಂದ ನಂತರ ಅವರು ಉಳಿಯಲು ಹೋಟೆಲ್ ರೂಂ ವ್ಯವಸ್ಥೆ ಮಾಡಿಕೊಡುತ್ತಾರೆ. ದೊಡ್ಡ ನಟಿಯರು, ಸಣ್ಣ ನಟಿಯರು ಎಲ್ಲರೂ ಇಲ್ಲಿಗೆ ಬರ್ತಾರೆ. ಭಾರತದಲ್ಲಿ 'ಕಮಿಟ್ಮೆಂಟ್' ಅಂತಾರೆ, ಇಲ್ಲಿ ಅದು 'ಶಾಪಿಂಗ್' ಅಂತಾರೆ ಎಂದು ಅಮೇರಿಕಾ ಮೂಲಕ ಆಂಕರ್ ಲಾಸ್ಯ ತಿಳಿಸಿದ್ದಾರೆ.

ಶಾಪಿಂಗ್ ಹೋದ್ರೆ ಕನಫರ್ಮ್

''ಮೆಸೆಜ್ ಮಾಡಿ ಶಾಪಿಂಗ್ ಕರೆಯುತ್ತಾರೆ, ಒಂದು ವೇಳೆ ಅವರು ಶಾಪಿಂಗ್ ಹೋಗಿದ್ದೇ ಆದ್ರೆ, ಅದು ಪಕ್ಕಾ ಕನ್ ಫರ್ಮ್ ಆಗುತ್ತೆ. ಇಲ್ಲಿನ ಡಾಲರ್ ಆಸೆಗೆ ಒಪ್ಪಿಕೊಳ್ತಾರೆ. ಸಣ್ಣ ನಟಿಯರಿಗಿಂತ ದೊಡ್ಡ ನಟಿಯರೇ ಹೆಚ್ಚು ಭಾಗಿಯಾಗುತ್ತಾರೆ'' ಎಂದು ಲಾಸ್ಯ ಹೊರಹಾಕಿದ್ದಾರೆ.

ಖ್ಯಾತಿ ನಟಿಯೊಬ್ಬರು ಬಂದಿದ್ದರು

''ಕಳೆದ ವರ್ಷ ತೆಲುಗಿನ ದೊಡ್ಡ ನಟಿಯೊಬ್ಬರು ಅಮೇರಿಕಾಗೆ ಬಂದಿದ್ದರು. ದೊಡ್ಡ ದೊಡ್ಡ ಸಿನಿಮಾಗಳಲ್ಲಿ ಎರಡನೇ ನಾಯಕಿಯಾಗಿ ಅಭಿನಯಿಸ್ತಾರೆ. ಈಗಲು ತುಂಬಾ ಫೇಮಸ್ ಅವರು. ಒಂದು ತಿಂಗಳಲ್ಲಿ ಅವರ ಸಂಭಾವನೆಗಿಂತ ಹಣವನ್ನ (ಸುಮಾರು 80 ಲಕ್ಷ್) ತೆಗೆದುಕೊಂಡು ಹೋದ್ರು ಎಂಬುದನ್ನ ಹೆಮ್ಮೆಯಿಂದ ಅವರ ಹೆಚ್ಚು ಗ್ರೂಪ್ ಸದಸ್ಯರ ಬಳಿ ಮಾತನಾಡಿಕೊಳ್ತಾರೆ'' ಎಂದು ಹೇಳಿದ್ದಾರೆ.

ನಾನು ಕಾರ್ಯಕ್ರಮಕ್ಕೆ ಹೋಗಲ್ಲ

''ನನಗೆ ಟ್ಯಾಲೆಂಟ್ ಇದೆ, ಜಾಸ್ತಿ ಕಾರ್ಯಕ್ರಮಗಳ ಆಫರ್ ಬರುತ್ತೆ. ಆದ್ರೆ, ನಾನು ಹೆಚ್ಚು ಕಾರ್ಯಕ್ರಮಗಳಿಗೆ ಹೋಗಲ್ಲ. ಯಾಕಂದ್ರೆ, ಈ ರೀತಿ ದುಷ್ಟರು ಹೆಚ್ಚಿದ್ದಾರೆ. ಇವರೆಲ್ಲಾ ಸಮಾಜದಲ್ಲಿ ದೊಡ್ಡ ವ್ಯಕ್ತಿಗಳು ಎನಿಸಿಕೊಂಡಿರುತ್ತಾರೆ. ನನಗೂ ಕೂಡ ಈ ಅನುಭವ ಆಗಿದೆ'' ಎಂದು ಲಾಸ್ಯ ಅಮೇರಿಕಾದ ವೇಶ್ಯಾವಾಟಿಕೆ ಬಗ್ಗೆ ಮಾತನಾಡಿದ್ದಾರೆ.