ಪಕ್ಕಾ ಕಮರ್ಷಿಯಲ್ ಆಗಿ ಬಂದ ಅನಿಶ್ ತೇಜೇಶ್ವರ್

ವಾಸು ಪಕ್ಕಾ ಕಮರ್ಷಿಯಲ್

'ವಾಸು ನಾನ್ ಪಕ್ಕಾ ಕಮರ್ಷಿಯಲ್' ಟ್ರೇಲರ್ ಬಿಡುಗಡೆ ಆಗಿದೆ. ಸುಪ್ರಿಂ ಸ್ಟಾರ್ ಅನಿಶ್ ತೇಜೇಶ್ವರ್ ಚಿತ್ರದಲ್ಲಿ ನಾಯಕನಾಗಿ ಅಭಿನಯಿಸಿದ್ದು ನಿಶ್ವಿಕಾ ನಾಯ್ಡು ನಾಯಕಿಯಾಗಿ ಕಾಣಿಸಿಕೊಂಡಿದ್ದಾರೆ. ಸಾಕಷ್ಟು ದಿನಗಳಿಂದ ಚಿತ್ರೀಕರಣದಲ್ಲಿ ಬ್ಯುಸಿ ಆಗಿದ್ದ ತಂಡ ಶೂಟಿಂಗ್ ಮುಗಿಸಿ ಟ್ರೇಲರ್ ಲಾಂಚ್ ಮಾಡಿದೆ.

ಅದ್ಧೂರಿಯಾಗಿದೆ ಮೇಕಿಂಗ್

ವಾಸು ನಾನ್ ಪಕ್ಕಾ ಕಮರ್ಷಿಯಲ್ ಟೈಟಲ್ ಹೇಳುವಂತೆ ಔಟ್ ಅಂಡ್ ಔಟ್ ಕಮರ್ಷಿಯಲ್ ಸಿನಿಮಾ. ಚಿತ್ರದ ಮೇಕಿಂಗ್ ಅದ್ಧೂರಿಯಾಗಿದ್ದು ಒಂದ್ ಒಳ್ಳೆ ಮೆಸೆಜ್ ಕೂಡ ಇದೆ ಎನ್ನುವ ಸೂಚನೆ ಟ್ರೇಲರ್ ನಲ್ಲಿ ಗೊತ್ತಾಗುತ್ತಿದೆ.

ಅಪ್ಪು ಗಾನಕ್ಕೆ ಅನಿಶ್ ಡ್ಯಾನ್ಸ್

ಟ್ರೇಲರ್ ನಲ್ಲಿನ ಹಿನ್ನಲೆ ಸಂಗೀತ ನೋಡಿದ್ರೆ ಬೇರೆಯದ್ದೇ ಫೀಲ್ ಕೊಡುವಂತಹ ಮ್ಯೂಸಿಕ್ ಚಿತ್ರದಲ್ಲಿ ಇರಲಿದೆ ಎನ್ನಿಸುತ್ತಿದೆ. ಇನ್ನು ಪವರ್ ಸ್ಟಾರ್ ಹಾಡಿರುವ ಹಾಡಿಗೆ ದಿಲೀಪ್ ಚಕ್ರವರ್ತಿ ಸುಂದರವಾದ ದೃಶ್ಯಗಳನ್ನ ಸೆರೆ ಹಿಡಿದುಕೊಟ್ಟಿರುವುದು ಸ್ಕ್ರೀನ್ ಮೇಲೆ ಕಾಣಿಸುತ್ತಿದೆ.

ಟ್ರೇಲರ್ ನಲ್ಲೇ ಹಿಟ್ ಆಯ್ತು ಹಾಡು

ವಾಸು ನಾನ್ ಪಕ್ಕಾ ಕಮರ್ಷಿಯಲ್ ಸಿನಿಮಾದ ಟ್ರೇಲರ್ ನಲ್ಲಿ ಎರಡು ಹಾಡಿನ ಝಲಕ್ ಸೇರಿಸಲಾಗಿದೆ. ಟ್ರೇಲರ್ ನೋಡಿರುವ ಅಭಿಮಾನಿಗಳು "ಇವನೊಬ್ಬ ಪೊರ್ಕಿ, ಇವನೊಬ್ಬ ಕಂತ್ರಿ..ಇವನೊಬ್ಬ ಲೋಫರ್.. ಪಕ್ಕಾ ಚಪ್ಪರು.. ಹಾಡನ್ನ ಇಷ್ಟ ಪಟ್ಟಿದ್ದಾರೆ. ಟ್ರೇಲರ್ ಬಿಡುಗಡೆ ಆದ ದಿನವೇ ಈ ಹಾಡು ಹಿಟ್ ಆಗುವ ಸೂಚನೆ ಸಿಕ್ಕಿದೆ.

ಚಿತ್ರದ ತಾಂತ್ರಿಕ ವರ್ಗ

ವಾಸು ನಾನ್ ಪಕ್ಕಾ ಕಮರ್ಷಿಯಲ್ ಚಿತ್ರವನ್ನು ಅಜಿತ್ವಾಸನ್ ಉಗ್ಗಿನಾ ನಿರ್ದೇಶನ ಮಾಡುತ್ತಿದ್ದು ವಿಂಕ್ ವಿಷಲ್ ಪ್ರೊಡಕ್ಷನ್ ಲಿಮಿಟೆಡ್ ಅಡಿಯಲ್ಲಿ ಚಿತ್ರ ನಿರ್ಮಾಣ ಆಗಿದೆ ಶರತ್ ಗೌಡ ಕಾರ್ಯಕಕಾರಿ ನಿರ್ಮಾಪಕರಾಗಿ ಕೆಲಸ ಮಾಡಿದ್ದಾರೆ. ಅಜನೀಶ್ ಬಿ ಲೋಕನಾಥ್ ಚಿತ್ರಕ್ಕೆ ಸಂಗೀತ ನಿರ್ದೇಶನ ಮಾಡಿದ್ದಾರೆ.

ತೆರೆಗೆ ಬರಲು ಸಿದ್ದವಾದ ವಾಸು

ಸದ್ಯ ಟ್ರೇಲರ್ ಬಿಡುಗಡೆ ಮಾಡಿರುವ ಸಿನಿಮಾ ತಂಡ ಆದಷ್ಟು ಬೇಗ ಹಾಡುಗಳನ್ನ ಹೊರತರಲಿದ್ದಾರೆ. ಚಿತ್ರೀಕರಣ ಕಂಪ್ಲೀಟ್ ಮಾಡಿ ಪೋಸ್ಟ್ ಪ್ರೊಡಕ್ಷನ್ ನಲ್ಲಿ ಬ್ಯುಸಿ ಆಗಿದ್ದು ಆದಷ್ಟು ಬೇಗ ಸಿನಿಮಾ ತೆರೆ ಮೇಲೆ ನೋಡುವ ಅವಕಾಶ ಮಾಡಿಕೊಡಲಿದ್ದಾರೆ ನಿರ್ಮಾಪಕರು.