ನಟಿಯ ತುಟಿ ಬಗ್ಗೆ ಸಾರ್ವಜನಿಕವಾಗಿ ಕಮೆಂಟ್ ಮಾಡಿದ ಅನೀಶ್

ನಟಿಯ ತುಟಿ ಬಗ್ಗೆ ಕಮೆಂಟ್ ಮಾಡಿದ ಅನೀಶ್

'ನಮ್ ಏರಿಯಾದಲ್ಲಿ ಒಂದ್ ದಿನ', 'ನನ್ ಲೈಫ್ ನಲ್ಲಿ', 'ಅಕಿರ' ಚಿತ್ರದ ಮೂಲಕ ಕನ್ನಡ ಸಿನಿಮಾ ಪ್ರೇಕ್ಷಕರನ್ನ ರಂಜಿಸಿದ ನಟ ಅನೀಶ್ ತೇಜೇಶ್ವರ್ ನಟಿ ಕೃಷಿ ತಾಪಂಡ ಅವರ ತುಟಿ ಬಗ್ಗೆ ಫೇಸ್ ಬುಕ್ ನಲ್ಲಿ ಸ್ಟೇಟಸ್ ಹಾಕಿದ್ದಾರೆ. ಈ ವಿಚಾರ ಸದ್ಯ ತೀರ ಚರ್ಚೆಗೆ ಗ್ರಾಸವಾಗಿದೆ.

ಕಮೆಂಟ್ ನೋಡಿ ಆಶ್ವರ್ಯ ಪಟ್ಟ ಅಭಿಮಾನಿಗಳು

ನಿನ್ನೆ ರಾತ್ರಿ ಅಂದರೆ ಮಾರ್ಚ್ 1 ನೇ ತಾರೀಖಿನಂದು ಅನೀಶ್ ತಮ್ಮ ಫೇಸ್ ಬುಕ್ ನಲ್ಲಿ "ಕೃಷಿ ತಾಪಂಡ ಐ ಲೈಕ್ ಯುವರ್ ಲಿಫ್ಸ್" ಎಂದು ಬರೆದುಕೊಂಡಿದ್ದಾರೆ. ಇದನ್ನ ನೋಡಿದ ಅನೀಶ್ ಅಭಿಮಾನಿಗಳಿಗೆ ಆಶ್ಚರ್ಯ ಆಗಿದೆ.

ಎಲ್ಲದಕ್ಕೂ ಕಾರಣ ಶಿವರಾಜ್ ಕುಮಾರ್

ಅನೀಶ್ ಸಾಕಷ್ಟು ಸಿನಿಮಾಗಳಲ್ಲಿ ಅಭಿನಯಿಸಿ ಕನ್ನಡದ ಸಿನಿಮಾರಂಗದ ಪ್ರೇಕ್ಷಕರ ಮನೆ ಮಗನಂತೆ ಮನಸ್ಸಿನಲ್ಲಿ ಉಳಿದುಕೊಂಡಿರುವ ನಟ. ಅನೀಶ್ ನಟಿಯ ತುಟಿ ಬಗ್ಗೆ ಕಮೆಂಟ್ ಮಾಡಲು ಕಾರಣ ಹ್ಯಾಟ್ರಿಕ್ ಹೀರೋ ಶಿವರಾಜ್ ಕುಮಾರ್ .

ನಂ 1 ಯಾರಿ ಶೋ ನಲ್ಲಿ ಅನೀಶ್

ಶಿವರಾಜ್ ಕುಮಾರ್ ನಡೆಸಿಕೊಡುವ ನಂ 1 ಯಾರಿ ಕಾರ್ಯಕ್ರಮದಲ್ಲಿ ಅನೀಶ್ ಇತ್ತಿಚಿಗಷ್ಟೇ ಭಾಗಿ ಆಗಿದ್ದರು. ಈ ಸಮಯದಲ್ಲಿ ಯಾರಿ ಡೇರ್ ಚಾಲೆಂಜ್ ಸ್ವೀಕರಿಸಿದ ಅನೀಶ್ ಕೃಷಿ ಅವರ ತುಟಿ ಬಗ್ಗೆ ಕಮೆಂಟ್ ಮಾಡಿದ್ದಾರೆ.