ಡಾಲಿಯ ಬೇಬಿ, ಬೋರಾಪುರದ ನಿಂಗಿಗೆ ಭಾರಿ ಡಿಮ್ಯಾಂಡ್

ಡಾಲಿಯ ಬೇಬಿಗೆ ಭಾರಿ ಬೇಡಿಕೆ

ಟಗರು ಸಿನಿಮಾದಲ್ಲಿ ಡಾಲಿಯ ಬೇಬಿ ಆಗಿ ಗುರುತಿಸಿಕೊಂಡಿದ್ದ ನಟಿ ಅನಿತಾ ಭಟ್ ಸದ್ಯ ಚಂದನವನದಲ್ಲಿ ಬ್ಯುಸಿ ಆಗಿರುವ ನಟಿ , ಇತ್ತೀಚಿಗಷ್ಟೆ ಬೋರಾಪುರ ಸಿನಿಮಾದ ಟ್ರೇಲರ್ ಬಿಡುಗಡೆ ಆಗಿದ್ದು ಅನಿತಾ ಸಿನಿಮಾದಲ್ಲಿ ನಿಂಗಿ ಪಾತ್ರವನ್ನ ನಿರ್ವಹಿಸಿದ್ದಾರೆ.

ವಿಭಿನ್ನ ಪಾತ್ರಗಳ ಆಯ್ಕೆ

ಅನಿತಾ ಭಟ್ 'ಸೈಕೋ' ಸಿನಿಮಾ ಮೂಲಕ ಕನ್ನಡ ಸಿನಿಮಾರಂಗವನ್ನ ಪ್ರವೇಶ ಮಾಡಿದ್ರು. ಅದಾದ ನಂತರ ಉತ್ತಮ ಅವಕಾಶಕ್ಕಾಗಿ ಸಾಕಷ್ಟು ದಿನಗಳು ಕಾದಿದ್ದರು. ಹತ್ತು ವರ್ಷದ ನಂತರ ವಿಭಿನ್ನ ಪಾತ್ರಗಳು ಹುಡುಕಿಕೊಂಡು ಬರುತ್ತಿದ್ದು 'ವೈಷಾಕಿನಿ' ಹಾಗೂ 'ಅಭಿರಾಮಿ' ಎನ್ನುವ ಸಿನಿಮಾಗಳಲ್ಲಿ ರಾಣಿಯ ಪಾತ್ರದಲ್ಲಿ ಅಭಿನಯಿಸುತ್ತಿದ್ದಾರೆ.

ಅನಿತಾ ಕೈ ತುಂಬ ಸಿನಿಮಾಗಳು

ಟಗರು ಚಿತ್ರದ ನಂತರ ಅನಿತಾ ಭಟ್ ಅಭಿನಯದ 'ಬೋರಾಪುರ' ಚಿತ್ರ ರಿಲೀಸ್ ಆಗುತ್ತಿದೆ. ಇನ್ನು ಅಭಿನಯಿಸುತ್ತಿರುವ ಆರಕ್ಕೂ ಹೆಚ್ಚು ಸಿನಿಮಾಗಳು ಚಿತ್ರೀಕರಣದ ಕೊನೆಯ ಹಂತ ತಲುಪಿದೆ, ಅದರ ಜೊತೆಯಲ್ಲಿ ಅಕ್ಕ-ಪಕ್ಕದ ಚಿತ್ರರಂಗದಲ್ಲಿಯೂ ಆಫರ್ ಗಳು ಬರುತ್ತಿದೆ.

ಅನಿತಾ ಅಭಿನಯಿಸುತ್ತಿರುವ ಚಿತ್ರಗಳು

ಸದ್ಯ ಅನಿತಾ ಭಟ್ 'ಪ್ರಭುತ್ವ' , 'ಡಿ ಎನ್ ಎ', ಬೋರಾಪುರ ಚಿತ್ರಗಳಲ್ಲಿ ಅಭಿನಯಿಸುತ್ತಿದ್ದು ಇನ್ನು ಹೆಸರಿಡ ಚಿತ್ರಗಳು ಮಾತುಗತೆ ಆಗಿದ್ದು ಚಿತ್ರೀಕರಣ ಶುರು ಆಗಬೇಕಿದೆ. ಕೆಲ ಚಿತ್ರಗಳಲ್ಲಿ ಸ್ಪೆಷಲ್ ಅಪಿಯರೆನ್ಸ್ ನಲ್ಲಿ ಕಾಣಿಸಿಕೊಂಡಿದ್ದು ಸಿನಿಮಾದ ಕತೆಗೆ ತಿರುವು ನೀಡುವ ಪಾತ್ರದಲ್ಲಿ ಅನಿತಾ ಕಾಣಿಸಿಕೊಂಡಿದ್ದಾರೆ.