'ಅಂಜನಿಪುತ್ರ'ನ ಜೊತೆ 'ಕನಕ' ಫೈಟ್ ಮಾಡೋದಿಲ್ಲ!

ಮುಂದೆ ಹೋದ 'ಕನಕ'

'ಕನಕ' ಮತ್ತು 'ಅಂಜನಿಪುತ್ರ' ಸಿನಿಮಾ ಒಂದೇ ತಿಂಗಳು ರಿಲೀಸ್ ಆಗುತ್ತಿಲ್ಲ. ಯಾಕಂದ್ರೆ, ಈಗ ದುನಿಯಾ ವಿಜಯ್ ನಟನೆಯ 'ಕನಕ' ಸಿನಿಮಾ ಬಿಡುಗಡೆಯ ದಿನಾಂಕ ಮುಂದೆ ಹೋಗಿದೆ.

ಜನವರಿಯಲ್ಲಿ 'ಕನಕ' ರಿಲೀಸ್

'ಅಂಜನಿಪುತ್ರ' ಸಿನಿಮಾ ಡಿಸೆಂಬರ್ ನಲ್ಲಿ ಬಿಡುಗಡೆಯಾಗುವ ಕಾರಣ ಜನವರಿ ತಿಂಗಳಿನ ಮೊದಲ ಅಥವಾ ಎರಡನೇ ವಾರ 'ಕನಕ' ಬಿಡುಗಡೆಯಾಗಲಿದೆ.

ಬಾಕ್ಸ್ ಆಫೀಸ್ ಲೆಕ್ಕಾಚಾರ

ಪುನೀತ್ ರಾಜ್ ಕುಮಾರ್ ಮತ್ತು ದುನಿಯಾ ವಿಜಯ್ ಇಬ್ಬರು ಕನ್ನಡದ ದೊಡ್ಡ ನಟರಾಗಿರುವ ಕಾರಣ ಎರಡು ಚಿತ್ರಗಳು ಒಂದೇ ಸಮಯಕ್ಕೆ ರಿಲೀಸ್ ಆದರೆ ಬಾಕ್ಸ್ ಆಫೀಸ್ ನಲ್ಲಿ ಎರಡು ಚಿತ್ರಗಳಿಗೆ ಪಟ್ಟು ಬೀಳುತ್ತದೆ. ಇದೇ ಕಾರಣಕ್ಕೆ ಈಗ ಎರಡು ಸಿನಿಮಾಗಳಿಗೂ ಸಮಸ್ಯೆ ಆಗಬಾರದು ಎಂದು 'ಕನಕ' ಚಿತ್ರತಂಡ ಈ ನಿರ್ಧಾರ ತೆಗೆದುಕೊಂಡಿದೆಯಂತೆ.

ಹೊಸ ವರ್ಷಕ್ಕೆ 'ಕನಕ'ನ ಉಡುಗೊರೆ

ಹೊಸ ವರ್ಷಕ್ಕೆ 'ಕನಕ' ಚಿತ್ರತಂಡ ಸಿನಿಮಾದ ವಿಶೇಷ ಹಾಡನ್ನು ರಿಲೀಸ್ ಮಾಡಲಿದೆ. ಇದು ಎಣ್ಣೆ ಹಾಡು ಆಗಿದ್ದು, ನವೀನ್ ಸಜ್ಜು ಹಾಡಿಗೆ ಸಂಗೀತ ನೀಡಿದ್ದಾರೆ.

'ಅಂಜನಿಪುತ್ರ' ಚಿತ್ರದ ಬಗ್ಗೆ

'ಅಂಜನಿಪುತ್ರ' ತಮಿಳಿನ 'ಪೂಜೈ' ಚಿತ್ರದ ರಿಮೇಕ್ ಆಗಿದೆ. ನಟಿ ರಮ್ಯ ಕೃಷ್ಣ ಪುನೀತ್ ತಾಯಿಯ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ರಶ್ಮಿಕಾ ಮಂದಣ್ಣ ಎರಡನೇ ಸಿನಿಮಾ ಇದಾಗಿದೆ. ಪುನೀತ್ ರಾಜ್ ಕುಮಾರ್ ಜೋಡಿಯಾಗಿ ಕಿರಿಕ್ ಹುಡುಗಿ ಕಾಣಿಸಿಕೊಂಡಿದ್ದಾರೆ. ಸಿನಿಮಾ ಇದೇ ತಿಂಗಳ 21ಕ್ಕೆ ರಿಲೀಸ್ ಆಗಲಿದೆ