ತಮಿಳಿನ 'ಪೂಜೈ' ಚಿತ್ರಕ್ಕಿಂತ 'ಅಂಜನಿಪುತ್ರ' ಡಿಫರೆಂಟ್

ರೀಮೇಕ್ ಆದ್ರೂ ಸ್ವಮೇಕ್ ಸೊಗಡು

'ಅಂಜನಿಪುತ್ರ' ತಮಿಳಿನ 'ಪೂಜೈ' ಚಿತ್ರದ ಕಂಪ್ಲೀಟ್ ರೀಮೇಕ್ ಅಲ್ಲ. ತಮಿಳಿನ ಚಿತ್ರವನ್ನ ಸ್ಫೂರ್ತಿಯಾಗಿ ಪಡೆದುಕೊಂಡು, ನಮ್ಮ ಸಂಸ್ಕೃತಿ, ನೆಲೆಗೆ ತಕ್ಕಂತೆ ಚಿತ್ರಕಥೆಯಲ್ಲಿ ಬದಲಾವಣೆ ಮಾಡಿಕೊಳ್ಳಲಾಗಿದೆ. ಹೀಗಾಗಿ, ಇದು ಕಾಪಿ ಪೇಸ್ಟ್ ಆಗಿರುವುದಿಲ್ಲ ಎಂಬುದು ಗಮನಿಸಬೇಕಾದ ಅಂಶ.

ಅವಧಿಗೆ ಕಡಿಮೆ ಮಾಡಲಾಗಿದೆ

ತಮಿಳಿನಲ್ಲಿ 'ಪೂಜೈ' ಸಿನಿಮಾ 2 ಗಂಟೆ 38 ನಿಮಿಷಗಳ ಕಾಲಾವಧಿ ಹೊಂದಿದೆ. ಆದ್ರೆ, ಕನ್ನಡದಲ್ಲಿ ಚಿತ್ರದ ಸಮಯವನ್ನ ಕಡಿತಗೊಳಿಸಲಾಗಿದೆಯಂತೆ. ಮೂಲಗಳ ಪ್ರಕಾರ ಸುಮಾರು 15 ರಿಂದ 20 ನಿಮಿಷ ಕಡಿಮೆ ಮಾಡಲಾಗಿದೆ.

ಎರಡೂ ಚಿತ್ರಗಳಲ್ಲೂ ವಿಲನ್ ಒಬ್ಬರೇ

ತಮಿಳು ಹಾಗೂ ಕನ್ನಡದ ಎರಡೂ ಚಿತ್ರಗಳಲ್ಲೂ ಒಬ್ಬರೇ ಖಳನಾಯಕ ಮುಖೇಶ್ ತಿವಾರಿ. ಅಲ್ಲಿ ವಿಶಾಲ್ ಎದುರು ಅಬ್ಬರಿಸಿದ್ದರು. ಇಲ್ಲಿ ಪುನೀತ್ ಎದುರು ಘರ್ಜಿಸಲಿದ್ದಾರೆ.

ಫ್ಯಾಮಿಲಿ 'ಪವರ್'

ಅಂದ್ಹಾಗೆ, ಪುನೀತ್ ರಾಜ್ ಕುಮಾರ್ ಗೆ ಫ್ಯಾಮಿಲಿ ಎಂಟರ್ ಟೈನ್ ಮೆಂಟ್ ಸಿನಿಮಾಗಳಲ್ಲಿ ಹೆಚ್ಚು ಯಶಸ್ಸು ಸಿಕ್ಕಿದೆ. ಅಂಜನಿಪುತ್ರ ಕೂಡ ಪಕ್ಕಾ ಫ್ಯಾಮಿಲಿ ಸ್ಟೋರಿ. ಹೀಗಾಗಿ, ಅಪ್ಪು ಅಭಿಮಾನಿಗಳಿಗೆ ಈ ಚಿತ್ರದ ಮೇಲೆ ಹೆಚ್ಚು ನಂಬಿಕೆ ಇದೆ.