ದರ್ಶನ್ ಸಹಾಯ ಬೇಡಿದ ಸ್ಮಶಾನದಲ್ಲಿ ಹೆಣ ಸುಡುವ ವ್ಯಕ್ತಿ

30 ವರ್ಷದಿಂದ ಈ ಕಾಯಕ

ಬೆಂಗಳೂರಿನ ಕಲ್ಲಳ್ಳಿ ಸ್ಮಶಾನದಲ್ಲಿ ಕಳೆದ 30 ವರ್ಷದಿಂದ ಆಂಥೋನಿಸ್ವಾಮಿ ಹೆಣ ಸುಡುವ ಕೆಲಸ ಮಾಡುತ್ತಿದ್ದಾರೆ. ಉಚಿತವಾಗಿ ಈ ಕಾಯಕ ಮಾಡುತ್ತಿದ್ದ ಬಿಬಿಎಂಪಿ ಕಡೆಯಿಂದ ತಿಂಗಳಿಗೆ ಒಂದು ಸಾವಿರ ಸಹಾಯ ಧನ ನೀಡುತ್ತಿದ್ದರು. ಆದ್ರೆ, ಕಳೆದ ಏಳು ವರ್ಷದಿಂದ ಈ ಹಣ ಬಂದಿಲ್ಲ ಎಂದು ಹೇಳುತ್ತಿದ್ದಾರೆ. ಅಧಿಕಾರಿಗಳು, ಶಾಸಕರು, ಸಚಿವರು ಹೀಗೆ ಯಾರ ಬಳಿ ಹೋದರು ಪ್ರಯೋಜನವಾಗಿಲ್ಲ.

ದರ್ಶನ್ ಒಮ್ಮೆ ಮಾತನಾಡಿಸಿದ್ದರು

ಹೀಗೆ ಸಂಬಂಧಿಕರೊಬ್ಬರ ಅಂತ್ಯಕ್ರಿಯೆಗೆ ಬಂದಿದ್ದ ನಟ ದರ್ಶನ್ ಒಮ್ಮೆ ಆಂಥೋನಿಸ್ವಾಮಿ ಅವರನ್ನ ಮಾತನಾಡಿಸಿದ್ದರಂತೆ. ಉಚಿತವಾಗಿ ಈ ಕೆಲಸ ಮಾಡುತ್ತಿದ್ದನ್ನ ತಿಳಿದು ಹಣ ನೀಡಿ ಹೋಗಿದ್ದರಂತೆ. ಈಗ ಸಂಬಳ ಸಿಗುತ್ತಿಲ್ಲ. ಸಂಸಾರ ಜವಾಬ್ದಾರಿ. ಮಕ್ಕಳ ವಿದ್ಯಾಭ್ಯಾಸ ಎಲ್ಲದರ ಸ್ಥಿತಿ ನೋಡಿ ದರ್ಶನ್ ಅವರನ್ನ ನೆನಪಿ ಮಾಡಿಕೊಂಡಿದ್ದಾರೆ.

ಸಹಾಯ ಬೇಡಿದ ಆಂಥೋನಿಸ್ವಾಮಿ

ಕಳೆದ ಮೂವತ್ತು ವರ್ಷದಿಂದ ಈ ಸ್ಮಶಾನದ ವಿದ್ಯುತ್ ಚಿತಗಾರದಲ್ಲಿ ಕೆಲಸ ಮಾಡುತ್ತಿದ್ದೇನೆ. ನನ್ನ ಹಾಗೆ ಇಲ್ಲಿ ಕೆಲಸ ಮಾಡುವ ಎಲ್ಲರಿಗೂ ನಿಮ್ಮ ಅಪಾರ ಅಭಿಮಾನ. ಎಲ್ಲರೂ ಬಾಡಿಗೆ ಮನೆಯಲ್ಲಿ ವಾಸಿಸುತ್ತಿದ್ದಾರೆ. ಬಾಡಿಗೆ ಕಟ್ಟಲು ಹಾಗೂ ಕುಟುಂಬ ಸಾಗಿಸಲು ಕಷ್ಟವಾಗುತ್ತಿದೆ. ಮಕ್ಕಳ ವಿದ್ಯಾಭ್ಯಾಸವೂ ಕಷ್ಟವಾಗಿದೆ. ನಿಮ್ಮ ಸಹಾಯ ಗುಣದಿಂದ ನಿಮ್ಮ ನೆರವು ಕೇಳುತ್ತಿದ್ದೇವೆ. ಇದರಿಂದ ಏನಾದರೂ ಸಹಾಯವಾಗುಬಹುದು ಎಂಬ ನಿರೀಕ್ಷೆ'' ಎಂದು ಕೇಳಿಕೊಂಡಿದ್ದಾರೆ.

ಸಹಾಯಹಸ್ತ ಚಾಚುತ್ತಾರಾ ದಾಸ?

ಕಷ್ಟ ಎಂದು ತಿಳಿದ ಕೂಡಲೇ ಸ್ನೇಹಿತರು, ಆಪ್ತರ ಮೂಲಕ ಸಹಾಯ ಮಾಡುವ ದರ್ಶನ್, ಈಗ ನೇರವಾಗಿ ನೆರವು ನೀಡಿ ಎಂದು ಅಂಗಲಾಚುತ್ತಿರುವ ಆಂಥೋನಿಸ್ವಾಮಿ ಅವರಿಗೆ ಅಭಯಹಸ್ತ ಚಾಚುತ್ತಾರಾ?