ಸಲ್ಮಾನ್-ಸುದೀಪ್ 'ದಬಾಂಗ್-3' ಚಿತ್ರಕ್ಕೆ ಅನೂಪ್ ಭಂಡಾರಿ ಸಾಹಿತ್ಯ

ಕನ್ನಡ ವರ್ಷನ್ ಗೆ ಅನೂಪ್ ಭಂಡಾರಿ ಹಾಡುಗಳು

ಮೊದಲ ಬಾರಿಗೆ ಅನೂಪ್ ಡಬ್ಬಿಂಗ್ ಸಿನಿಮಾವೊಂದಕ್ಕೆ ಸಾಹಿತ್ಯ ಬರೆಯುತ್ತಿದ್ದಾರೆ. ದಬಾಂಗ್-3ಗೆ ಮೊದಲು ಒಂದು ಹಾಡನ್ನು ಅನೂಪ್ ಬರೆದರಂತೆ ನಂತರ ಈ ಹಾಡು ಕೇಳಿ ಇಂಪ್ರೆಸ್ ಆದ ಸುದೀಪ್, ಚಿತ್ರದ ಆರು ಹಾಡುಗಳನ್ನು ಅನೂಪ್ ಅವರ ಬಳಿಯೆ ಬರೆಸಿದ್ದಾರಂತೆ. ಸಲ್ಮಾನ್ ಮತ್ತು ಸುದೀಪ್ ಚಿತ್ರಕ್ಕೆ ಹಾಡು ಬರೆದ ಸಂತಸದಲ್ಲಿದ್ದಾರೆ ಅನೂಪ್.

ಕನ್ನಡ ಗಾಯಕರು ಹಾಡಲಿದ್ದಾರೆ

ದಬಾಂಗ್-3 ಕನ್ನಡ ವರ್ಷನ್ ಹಾಡುಗಳನ್ನು ಕನ್ನಡ ಗಾಯಕರು ಹಾಡಲಿದ್ದಾರಂತೆ. ಅನೂಪ್ ಸಾಹಿತ್ಯ ಬರೆಯುತ್ತಿದ್ದಾರೆ ಅಂದ್ರೆ ಹಿಂದಿ ಹಾಡುಗಳನ್ನು ಕನ್ನಡಕ್ಕೆ ರಿಮೇಕ್ ಮಾಡದೆ, ಫ್ರೆಶ್ ಆಗಿ ವಿಭಿನ್ನವಾಗಿ ಬರೆಯುತ್ತಿದ್ದಾರೆ. ಒಂದೊಂದು ಹಾಡಿಗೂ ಅನೂಪ್ ಸಾಕಷ್ಟು ಸಮಯ ತೆಗೆದುಕೊಂಡು ಬರೆದಿದ್ದಾರಂತೆ. ಚಿತ್ರಕ್ಕೆ ಸಾಜಿದ್-ವಾಜಿದ್ ಸಂಗೀತ ಸಂಯೋಜನೆ ಮಾಡಿದ್ದಾರೆ.

ಗುರುದತ್ ಗಾಣಿಗ ಸಂಭಾಷಣೆ

ದಬಾಂಗ್-3 ಕನ್ನಡ ವರ್ಷನ್ ಗೆ ಅಂಬಿ ನಿಂಗೆ ವಯಸ್ಸಾಯ್ತೋ ಚಿತ್ರದ ನಿರ್ದೇಶಕ ಗುರುದತ್ ಗಾಣಿಗ ಕನ್ನಡ ಸಂಭಾಷಣೆ ಬರೆಯುತ್ತಿದ್ದಾರಂತೆ. ಈ ಕೆಲಸವನ್ನು ಗುರುದತ್ ಗೆ ವಿತರಕ ಜಾಕ್ ಮಂಜು ವಹಿಸಿದ್ದಾರೆ ಎಂದು ಹೇಳಲಾಗುತ್ತಿದೆ. 'ಅಂಬಿ ನಿಂಗೆ ವಯಸ್ಸಾಯ್ತೋ' ಚಿತ್ರದ ನಂತರ ಗುರುದತ್ ಯಾವ ಸಿನಿಮಾವನ್ನು ಕೈಗೆತ್ತಿಕೊಂಡಿಲ್ಲ.

ಅಕ್ಟೋಬರ್ 23ಕ್ಕೆ ಟ್ರೈಲರ್

ದಬಾಂಗ್-3 ಟ್ರೈಲರ್ ರಿಲೀಸ್ ಗೆ ಇನ್ನೊಂದೆ ದಿನ ಬಾಕಿ ಇದೆ. ನಾಳಎ ಚಿತ್ರದ ಟ್ರೈಲರ್ ರಿಲೀಸ್ ಆಗುತ್ತಿದೆ. ಕೋರಮಂಗಳದ ಪಿವಿಆರ್ ಥಿಯೇಟರ್ ನಲ್ಲಿ ಚಿತ್ರದ ಟ್ರೈಲರ್ ಅದ್ದೂರಿಯಾಗಿ ರಿಲೀಸ್ ಆಗುತ್ತಿದೆ. ದಬಾಂಗ್-3 ಚಿತ್ರಕ್ಕೆ ಪ್ರಭುದೇವ ಆಕ್ಷನ್ ಕಟ್ ಹೇಳುತ್ತಿದ್ದಾರೆ. ಚಿತ್ರದಲ್ಲಿ ಸಲ್ಮಾನ್ ಖಾನ್, ಚುಲ್ ಬುಲ್ ಪಾಂಡೆಯಾಗಿ ಕಾಣಿಸಿಕೊಂಡರೆ ಸುದೀಪ್ ಬಲ್ಲಿ ಸಿಂಗ್ ಪಾತ್ರದಲ್ಲಿ ಮಿಂಚಿದ್ದಾರೆ. ಚಿತ್ರ ಇದೆ ವರ್ಷ ಕೊನೆಯಲ್ಲಿ ಅಂದರೆ ಡಿಸೆಂಬರ್ 20ಕ್ಕೆ ತೆರೆಗೆ ಬರುತ್ತಿದೆ.