ಉಪೇಂದ್ರ ಹೊಸ ಸಿನಿಮಾಗೆ ಅರ್ಜುನ್ ಜನ್ಯ ಮ್ಯೂಸಿಕ್

ನಟ ಉಪೇಂದ್ರ ಅವರ ಮುಂದಿನ ಸಿನಿಮಾಗಳ ದೊಡ್ಡ ಪಟ್ಟಿ ಇದೆ. ಈ ಚಿತ್ರಗಳ ಪೈಕಿ ಶಶಾಂಕ್ ನಿರ್ದೇಶನ ಸಿನಿಮಾ ಕೂಡ ಒಂದು.

ಅಂದಹಾಗೆ, ಉಪೇಂದ್ರ ಹಾಗೂ ಶಶಾಂಕ್ ಕಾಂಬಿನೇಶನ್ ಸಿನಿಮಾಗೆ ಅರ್ಜುನ್ ಜನ್ಯ ಮ್ಯೂಸಿಕ್ ನೀಡುತ್ತಿದ್ದಾರೆ. ಈ ವಿಷಯವನ್ನು ನಿರ್ದೇಶಕ ಶಶಾಂಕ್ ತಮ್ಮ ಟ್ವಿಟ್ಟರ್ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ.

ಈ ಸಿನಿಮಾದ ಹಾಡುಗಳನ್ನು ಉಪೇಂದ್ರ, ಯೋಗರಾಜ್ ಭಟ್ ಹಾಗೂ ಜಯಂತ್ ಕಾಯ್ಕಿಣಿ ಬರೆಯಲಿದ್ದಾರೆ. ಶಶಾಂಕ್ ಅವರೇ ಈ ಸಿನಿಮಾವನ್ನು ನಿರ್ಮಾಣ ಮಾಡುತ್ತಿದ್ದಾರೆ. ಶಶಾಂಕ್ ಬ್ಯಾನರ್ ನ ಎರಡನೇ ಸಿನಿಮಾ ಇದಾಗಿದೆ.

ಈ ಹೊಸ ಸಿನಿಮಾದ ರಾಗ ಸಂಯೋಜನೆ ಶುರುವಾಗಿದೆ. ಚಿತ್ರದ ಫಸ್ಟ್ ಲುಕ್ ಅನ್ನು ಸದ್ಯದಲ್ಲಿಯೇ ಬಿಡುಗಡೆ ಮಾಡಲಿದ್ದಾರಂತೆ. ಈ ಹಿಂದೆ ಉಪೇಂದ್ರ ಅವರ 'ಸೂಪರ್ ರಂಗ' ಹಾಗೂ 'ಕಲ್ಪನಾ 2' ಸಿನಿಮಾಗಳಿಗೆ ಅರ್ಜುನ್ ಜನ್ಯ ಮ್ಯೂಸಿಕ್ ನೀಡಿದ್ದರು.