ಮುಖಪುಟ

ಸಿನಿ ಸಮಾಚಾರ

ನವದೆಹಲಿ: ಪ್ರಸಿದ್ಧ ಗಾಯಕಿ ಆಶಾ ಭೋಂಸ್ಲೆ ಪ್ರತಿಷ್ಠಿತ ದಾದಾ ಸಾಹೇಬ್‌ ಫಾಲ್ಕೆ 2000 ಇಸವಿಯ ಪ್ರಶಸ್ತಿಗೆ ಆಯ್ಕೆಯಾಗಿದ್ದಾರೆ. ಭಾರತೀಯ ಚಲನಚಿತ್ರರಂಗಕ್ಕೆ ಅವರು ಸಲ್ಲಿಸಿರುವ ಗಣನೀಯ ಸೇವೆಯನ್ನು ಪರಿಗಣಿಸಿ ಈ ಅತ್ಯುಚ್ಛ ಪ್ರಶಸ್ತಿಯನ್ನು ಅವರಿಗೆ ನೀಡಲಾಗಿದೆ.

ಎರಡು ಲಕ್ಷ ರುಪಾಯಿ ನಗದು, ಶಾಲು ಹಾಗೂ ಸ್ವರ್ಣ ಕಮಲವನ್ನು ಪ್ರಶಸ್ತಿ ಒಳಗೊಂಡಿದೆ. ಗಾನರಾಣಿ ಲತಾ ಮಂಗೇಶ್ಕರ್‌ ಅವರ ಕಿರಿಯ ಸೋದರಿಯಾದ ಆಶಾ ಹಿಂದಿ ಸೇರಿದಂತೆ ವಿವಿಧ ಭಾರತೀಯ ಭಾಷೆಗಳಲ್ಲಿ ಸುಮಾರು 12 ಸಾವಿರ ಗೀತೆಗಳನ್ನು ಹಾಡಿದ್ದಾರೆ.

ಆಶಾ ಭೋಂಸ್ಲೆ ಅವರಿಗೆ ಫಾಲ್ಕೆ ಪ್ರಶಸ್ತಿ ದೊರೆಯುವುದರೊಂದಿಗೆ ಸಹೋದರಿಯಿಬ್ಬರೂ (ಲತಾ ಮಂಗೇಶ್ಕರ್‌ ಹಾಗೂ ಆಶಾ ಭೋಂಸ್ಲೆ ) ಚಿತ್ರರಂಗದ ಈ ಅತ್ಯುಚ್ಛ ಪ್ರಶಸ್ತಿ ಪಡೆದಂತಾಗಿದೆ. ಅಂದಹಾಗೆ, ಪ್ರಸಿದ್ಧ ಸಂಗೀತ ನಿರ್ದೇಶಕ ಬರ್ಮನ್‌, ಆಶಾ ಭೋಂಸ್ಲೆ ಅವರ ಪತಿ.