'ಕೋಟಿಗೊಬ್ಬ' ಸುದೀಪ್ ಜೊತೆ 'ಚುಟು ಚುಟು' ಬೆಡಗಿಯ ಮಸ್ತ್ ಡ್ಯಾನ್ಸ್

ಕಿಚ್ಚನ ಜೊತೆ ಆಶಿಕಾ ಡ್ಯಾನ್ಸ್

ನಟಿ ಆಶಿಕಾ ರಂಗನಾಥ್ ಕೋಟಿಗೊಬ್ಬ-3 ಚಿತ್ರದ ಹಾಡೊಂದಕ್ಕೆ ಹೆಜ್ಜೆ ಹಾಕುತ್ತಿದ್ದಾರೆ. ಚಿತ್ರದ ಪ್ರಮುಖ ಹಾಡು ಇದಾಗಿದ್ದು ಆಶಿಕಾ ಸಖತ್ ಎಕ್ಸಾಯಿಟಿ ಆಗಿದ್ದಾರೆ. ಅಂದ್ಹಾಗೆ ಆಶಿಕಾ ಮೊದಲ ಬಾರಿಗೆ ಸುದೀಪ್ ಜೊತೆ ಸ್ಕ್ರೀನ್ ಶೇರ್ ಮಾಡುತ್ತಿದ್ದಾರೆ. ಹಾಗಾಗಿ ಅಭಿಮಾನಿಗಳಿಗೂ ಇಬ್ಬರ ಕಾಂಬಿನೇಷನ್ ನಲ್ಲಿ ಮೂಡಿಬರುತ್ತಿರುವ ಹಾಡು ನೋಡಲು ಕಾತರರಾಗಿದ್ದಾರೆ.

ರೆಡಿಯಾಗಿದೆ ಕಲರ್ ಫುಲ್ ಸೆಟ್

ಸುದೀಪ್ ಮತ್ತು ಆಶಿಕಾ ಡ್ಯಾನ್ಸ್ ಗೆ ಈಗಾಗಲೆ ಭರ್ಜರಿ ಸೆಟ್ ನಿರ್ಮಾಣವಾಗಿದೆಯಂತೆ. ಬೆಂಗಳೂರಿನ ಕಂಠೀರವ ಸ್ಟೂಡಿಯೋದಲ್ಲಿ ಕಲರ್ ಫುಲ್ ಹಾಡಿನ ಚಿತ್ರೀಕಣ ಚಿತ್ರೀಕರಣ ನಡೆಯಲಿದೆ. ನಾಲ್ಕು ದಿನಗಳ ಕಾಲ ಚಿತ್ರೀಕರಣ ಮಾಡಲು ಚಿತ್ರತಂಡ ಪ್ಲಾನ್ ಮಾಡಿಕೊಂಡಿದೆಯಂತೆ.

ಸಂಕ್ರಾಂತಿಗೆ ಬರ್ತಿದೆ ಮೋಷನ್ ಪೋಸ್ಟರ್

ವಿಶೇಷ ಅಂದರೆ ಇಂದು ಸಂಜೆ ಬಹುನಿರೀಕ್ಷೆಯ ಚಿತ್ರದ ಮೋಷನ್ ಪೋಸ್ಟರ್ ರಿಲೀಸ್ ಆಗುತ್ತಿದೆ. ಸಂಕ್ರಾಂತಿಯ ಪ್ರಯುಕ್ತ ಕಿಚ್ಚನ ಅಭಿಮಾನಿಗಳಿಗೆ ಭರ್ಜರಿ ಟ್ರೀಟ್ ನೀಡುತ್ತಿದೆ ಚಿತ್ರತಂಡ. ಮೋಷನ್ ಪೋಸ್ಟರ್ ಹೇಗಿರಲಿದೆ ಎನ್ನುವ ಕಾತರ ಅಭಿಮಾನಿಗಳಲ್ಲಿ ಮನೆಮಾಡಿದೆ.

ಶಿವಕಾರ್ತಿಕ್ ನಿರ್ದೇಶನದ ಸಿನಿಮಾ

ಕೋಟಿಗೊಬ್ಬ-3 ಶಿವಕಾರ್ತಿಕ್ ಸಾರಥ್ಯದಲ್ಲಿ ಮೂಡಿಬರುತ್ತಿದೆ, ಸೂರಪ್ಪ ಬಾಬು ಬಂಡವಾಳ ಹೂಡಿದ್ದಾರೆ. ಚಿತ್ರದಲ್ಲಿ ಸುದೀಪ್ ಗೆ ನಾಯಕಿಯಾಗಿ ಮಡೊನ್ನಾ ಸೆಬಾಸ್ಟಿಯನ್ ಕಾಣಿಸಿಕೊಳ್ಳುತ್ತಿದ್ದಾರೆ. ಇನ್ನು ಪ್ರಮುಖ ಪಾತ್ರದಲ್ಲಿ ಶ್ರದ್ಧಾ ದಾಸ್, ಪಿ ರವಿಶಂಕರ್ ಅಫ್ತಾಬ್ ಶಿವದಾಸಾನಿ ಸೇರಿದಂತೆ ಸಾಕಷ್ಟು ಕಲಾವಿದರು ಕಾಣಿಸಿಕೊಂಡಿದ್ದಾರೆ.