ವಿವಾದ ಬಗೆಹರಿಸಲು 'ಅಯೋಗ್ಯ' ಕಂಡುಕೊಂಡ ಹೊಸ ಸೂತ್ರ.! ಏನದು.?

ವಿವಾದ ಬಗೆಹರಿಸಲು 'ಅಯೋಗ್ಯ' ಕಂಡುಕೊಂಡ ಸೂತ್ರ...

''ಸಿನಿಮಾದ ಕಥೆಗೆ ತಕ್ಕಂತೆ ಶೀರ್ಷಿಕೆ ಇಡಲಾಗಿದೆ. ಈಗ ಶೀರ್ಷಿಕೆ ವಿವಾದ ಆಗಿರುವ ಕಾರಣ 'ಅಯೋಗ್ಯ ಮತ್ತು ಗ್ರಾಮ ಪಂಚಾಯತಿ ಸದಸ್ಯ' ಅಂತ ಬದಲಾಯಿಸಿದ್ದೇವೆ. ಟೈಟಲ್ ಹಾಗೂ ಟ್ಯಾಗ್ ಲೈನ್ ನಡುವೆ 'ಮತ್ತು' ಅಂತ ಸೇರಿಸಿದ್ದೇವೆ'' ಎಂದರು ನಿರ್ದೇಶಕ ಮಹೇಶ್ ಕುಮಾರ್

ಅವಹೇಳನ ಮಾಡಿಲ್ಲ.!

''ನನ್ನ ತಂದೆ-ತಾಯಿ ಕೂಡ ಗ್ರಾಮ ಪಂಚಾಯತಿ ಸದಸ್ಯರು ಆಗಿದ್ದವರು. ಆ ಸ್ಥಾನದ ಬಗ್ಗೆ ನನಗೆ ಗೌರವ ಇದೆ. ಸಿನಿಮಾದಲ್ಲಿ ಯಾರ ಗೌರವಕ್ಕೂ ನಾವು ಧಕ್ಕೆ ತಂದಿಲ್ಲ. ಯಾವುದೇ ಕಾರಣಕ್ಕೂ ಟ್ಯಾಗ್ ಲೈನ್ ಚೇಂಜ್ ಮಾಡಲು ಆಗಲ್ಲ. ಗ್ರಾಮ ಪಂಚಾಯತಿ ಸದಸ್ಯರು ಸಿನಿಮಾ ನೋಡ್ತಾರೆ. ಒಂದು ವೇಳೆ ಅವರಿಗೆ ನೋವಾದರೆ ಚೇಂಜ್ ಮಾಡುತ್ತೇವೆ'' ಎನ್ನುತ್ತಾರೆ ಮಹೇಶ್ ಕುಮಾರ್.

ಕ್ಷಮೆ ಕೇಳಿದ ನೀನಾಸಂ ಸತೀಶ್

''ಟೈಟಲ್ ನಿಂದಾಗಿ ಯಾರಿಗಾದರೂ ನೋವು ಆಗಿದ್ದರೆ ಕ್ಷಮೆ ಕೇಳುತ್ತೇನೆ. ಚಿತ್ರದಲ್ಲಿ ಒಳ್ಳೆಯ ಕಥೆ ಇದೆ. ಗ್ರಾಮ ಪಂಚಾಯತಿ ಸದಸ್ಯ ಊರಲ್ಲಿ ಏನೇನು ಮಾಡಬಹುದು ಅನ್ನೋದೇ ಸಿನಿಮಾ ಕಥೆ. ಇದರಲ್ಲಿ ಗ್ರಾಮ ಪಂಚಾಯತಿ ಸದಸ್ಯನನ್ನ ವಿಜೃಂಭಿಸಿದ್ದೇವೆ. ಬಿಡುಗಡೆಗೆ ಮುನ್ನ ಸಿನಿಮಾ ಗ್ರಾಮ ಪಂಚಾಯತಿ ಸದಸ್ಯರಿಗೆ ಸ್ಪೆಷಲ್ ಶೋ ಮಾಡುತ್ತೇವೆ'' ಅಂತ ನಟ ಸತೀಶ್ ನೀನಾಸಂ ಹೇಳಿದರು.

ಹೊಸ ಶೀರ್ಷಿಕೆ ರಿಜಿಸ್ಟರ್ ಆಗಬೇಕು.!

'ಅಯೋಗ್ಯ ಮತ್ತು ಗ್ರಾಮ ಪಂಚಾಯತಿ ಸದಸ್ಯ' ಅಂತ ಬದಲಾವಣೆ ಮಾಡುತ್ತೇವೆ ಅಂತ ಚಿತ್ರತಂಡ ಏನೋ ಹೇಳಿಕೊಂಡಿದೆ. ಆದ್ರೆ, ಶೀರ್ಷಿಕೆ ಹಾಗೂ ಟ್ಯಾಗ್ ಲೈನ್ ನಡುವೆ 'ಮತ್ತು' ಬಂದಿರುವ ಕಾರಣ ಇಡೀ ಶೀರ್ಷಿಕೆಯನ್ನ ಚಿತ್ರತಂಡ ಮತ್ತೊಂದು ಬಾರಿ ವಾಣಿಜ್ಯ ಮಂಡಳಿಯಲ್ಲಿ ನೋಂದಣೆ ಮಾಡಿಸಬೇಕು. 'ಅಯೋಗ್ಯ ಮತ್ತು ಗ್ರಾಮ ಪಂಚಾಯತಿ ಸದಸ್ಯ' ಟೈಟಲ್ ಕೊಡುವುದಕ್ಕೆ ಫಿಲ್ಮ್ ಚೇಂಬರ್ ಒಪ್ಪಿಕೊಳ್ಳುತ್ತಾ ಅನ್ನೋದೇ ಮುಂದಿನ ಪ್ರಶ್ನೆ.!