Don't Miss!
- Automobiles ಮಿಂಚಿನ ವೇಗಕ್ಕೆ ಸರಿಸಾಟಿಯಾಗಿ ಬೆಂಗಳೂರಿನ ಹೊಸ ಅಲ್ಟ್ರಾವೈಲೆಟ್ ಬೈಕ್ ಬಿಡುಗಡೆ: 323KM ರೇಂಜ್
- News SSLC Result 2024: ಎಸ್ಎಸ್ಎಲ್ಸಿ ಫಲಿತಾಂಶ ಪ್ರಕಟ ಯಾವಾಗ? ಪರಿಶೀಲಿಸುವುದೇಗೆ?-ಮಾಹಿತಿ, ವಿವರ
- Lifestyle 3ನೇ ಬಾರಿ ಬಾಹ್ಯಾಕಾಶಕ್ಕೆ ಹಾರಲು ಮುಂದಾದ ಸುನೀತಾ ವಿಲಿಯಮ್ಸ್..!
- Sports T20 World Cup 2024: ವೀರೇಂದ್ರ ಸೆಹ್ವಾಗ್ ಆಯ್ಕೆಯ ಭಾರತ ತಂಡದಲ್ಲಿ ಪ್ರಮುಖ ಆಟಗಾರರಿಗೆ ಸ್ಥಾನವಿಲ್ಲ!
- Technology Realme: ರಿಯಲ್ಮಿ ನಾರ್ಜೋ 70 5G, ನಾರ್ಜೋ 70x 5G ಸ್ಮಾರ್ಟ್ಫೋನ್ ಲಾಂಚ್! ಸಖತ್ ಫೀಚರ್ಸ್... ಬೆಲೆ ಎಷ್ಟು?
- Finance ರಿಲಯನ್ಸ್ಗೆ 28,607 ಕೋಟಿ ನಷ್ಟ, ಕಾರಣ ಏನು ಗೊತ್ತೆ?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಭಾರತ ಚಿತ್ರ ಜಗತ್ತಿಗೆ 'ಬಾಹುಬಲಿ ನಂ.1', ಹಳೆ ದಾಖಲೆಗಳೆಲ್ಲ ಪುಡಿ.. ಪುಡಿ!
'ಬಾಹುಬಲಿ'...ಐದು ವರ್ಷಗಳಿಂದ ಈ ಹೆಸರು ಭಾರತೀಯರ ದಿನನಿತ್ಯದ ಬದುಕಿನಲ್ಲಿ ಬೆರತು ಹೋಗಿದೆ. ಭಾರತೀಯ ಚಿತ್ರರಂಗದ ಇತಿಹಾಸದಲ್ಲಿ ಯಾವ ಸಿನಿಮಾ ಕೂಡ ಮಾಡದ ದೊಡ್ಡ ಸಾಧನೆಯನ್ನ 'ಬಾಹುಬಲಿ-2' ಮಾಡಿದೆ. [ಪ್ರಭಾಸ್ ಮತ್ತು ಅಮೀರ್ ನಡುವೆ ಮೆಗಾಫೈಟ್.! ಭಾರತದ ನಂ.1 ನಟ ಯಾರು? ]
'ಬಾಹುಬಲಿ 2' ಸಿನಿಮಾ ರಿಲೀಸ್ ಆಗುವುದಕ್ಕೂ ಮುಂಚೆ ಈ ಸಿನಿಮಾ ದೊಡ್ಡ ದಾಖಲೆಯನ್ನ ಮಾಡುತ್ತದೆ ಅಂತ ಒಂದು ಅಂದಾಜು ಇತ್ತು ನಿಜ. ಆದರೆ, ಆ ಅಂದಾಜುಗಳನ್ನ ಮೀರಿಸಿ ದಿನೇ ದಿನೇ ಹೊಸ ದಾಖಲೆಗಳನ್ನ ಸಿನಿಮಾ ನಿರ್ಮಿಸುತ್ತಿದೆ. ಸದ್ಯ 'ಬಾಹುಬಲಿ' '1000 ಕೋಟಿ' ಸರದಾರನಾಗಿದ್ದಾನೆ.['ಬಾಹುಬಲಿ-3' ಬಗ್ಗೆ ರಾಜಮೌಳಿ ಚಿಂತನೆ: ಕಥೆ ಏನಿರಬಹುದು? ]
ಬಾಲಿವುಡ್ ಸಿನಿಮಾಗಳಿಗೆ ಸೆಡ್ಡು ಹೊಡೆದು ಸೌತ್ ಚಿತ್ರರಂಗದ ಸಿನಿಮಾವೊಂದು ತಲೆ ಎತ್ತಿನಿಂತಿದೆ. 'ಇಂಡಿಯನ್ ಸಿನಿಮಾ ಅಂದ್ರೆ ಬಾಲಿವುಡ್, ಬಾಲಿವುಡ್ ಅಂದ್ರೆ ಇಂಡಿಯನ್ ಸಿನಿಮಾ' ಎನ್ನುವ ಹಳೆ ಮಾತನ್ನ ಮತ್ತೆ ಯಾರೂ ಹೇಳದಂತೆ ಈ ಸಿನಿಮಾ ದೊಡ್ಡ ಇತಿಹಾಸವನ್ನ ತನ್ನ ಹೆಸರಿಗೆ ಬರೆದುಕೊಂಡಿದೆ.['ಬಾಹುಬಲಿ' ಅಬ್ಬರಕ್ಕೆ ಭಾರತೀಯ ಬಾಕ್ಸ್ ಆಫೀಸ್ ಖಲ್ಲಾಸ್!]
ಯಾವ ಯಾವ ಸಿನಿಮಾಗಳನ್ನ ಹಿಂದಿಕ್ಕಿ 'ಬಾಹುಬಲಿ-2' ಈಗ ಭಾರತ ಚಿತ್ರ ಜಗತ್ತಿಗೆ 'ನಂ 1' ಆಗಿದೆ ಅಂತ ಮುಂದೆ ಓದಿ...
'1000' ಕೋಟಿಯ ಸಾಮ್ರಾಜ್ಯ
'ರಾಜಮೌಳಿ' ರವರ 'ಬಾಹುಬಲಿ 2' ಎನ್ನುವ ಮಹಾ ದೃಶ್ಯಕಾವ್ಯ ನೋಡಿ, ಜನ 'ಇದೊಂದು ಸಿನಿಮಾ ಅಲ್ಲ, ಅದ್ಬುತ' ಅಂತ ಹೇಳುತ್ತಿದ್ದಾರೆ. ಸದ್ಯ 'ಬಾಹುಬಲಿ 2' ಭಾರತ ಚಿತ್ರರಂಗದ ಅತಿ ದೊಡ್ಡ ಸಿನಿಮಾವಾಗಿ ಹೊರಹೊಮ್ಮಿದ್ದು, 1000 ಕೋಟಿ ಕಲೆಕ್ಷನ್ ಮಾಡಿದೆ.[ರಾಜಮೌಳಿ 'ಬಾಹುಬಲಿ'ಯಿಂದ ಅಮೀರ್ 'ದಂಗಲ್' ದಾಖಲೆ ಬ್ರೇಕ್!]
ಹೆಜ್ಜೆ ಹೆಜ್ಜೆಗೂ 'ದಾಖಲೆ'
'ಬಾಹುಬಲಿ 2' ಸಿನಿಮಾ ರಿಲೀಸ್ ಆದ ಮೊದಲ ದಿನ 217 ಕೋಟಿ ಗಳಿಸಿ ಎಲ್ಲರನ್ನ ಬೆರಗುಗೊಳಿಸಿತ್ತು. ಈ ಸಿನಿಮಾ 500 ಕೋಟಿ ಗಳಿಸುವುದಕ್ಕೆ ತೆಗೆದುಕೊಂಡಿದ್ದು ಕೇವಲ ಮೂರೇ ಮೂರು ದಿನ. ಸದ್ಯ ಬಾಕ್ಸ್ ಆಫೀಸ್ ನಲ್ಲಿ ನಾಗಾಲೋಟ ದಿಂದ ಸಾಗುತ್ತಿರುವ 'ಬಾಹುಬಲಿ 2' ಈಗ 1000 ಕೋಟಿ ಗಳಿಸಿ, ಭಾರತದ ಬಾಕ್ಸ್ ಆಫೀಸ್ ನ ಅಧಿಪತಿಯಾಗಿದ್ದಾನೆ.
ಎರಡನೇ ಸ್ಥಾನದಲ್ಲಿ 'ಅಮೀರ್'
ಬಾಕ್ಸ್ ಆಫೀಸ್ ಕಲೆಕ್ಷನ್ ನಲ್ಲಿ 'ಬಾಹುಬಲಿ 2' ಬರುವುದಕ್ಕಿಂತ ಮುಂಚೆ ಅಮೀರ್ ಖಾನ್ ಅವರ 'ಪಿಕೆ' ಚಿತ್ರ ಮೊದಲ ಸ್ಥಾನದಲ್ಲಿ ಮತ್ತು 'ದಂಗಲ್' ಸಿನಿಮಾ ಎರಡನೇ ಸ್ಥಾನದಲ್ಲಿತ್ತು. ಈ ಎರಡು ಚಿತ್ರಗಳ ದಾಖಲೆಯನ್ನು ಬರಿ 9 ದಿನದಲ್ಲಿ ರಾಜಮೌಳಿ ಸಿನಿಮಾ ಮುರಿದಿದೆ.['ಮಹಾಭಾರತ'ದಲ್ಲಿ ಅಮೀರ್ ಖಾನ್: ರಾಜಮೌಳಿ ಎಕ್ಸ್ ಕ್ಲೂಸಿವ್ ಮಾಹಿತಿ ]
ಟಾಪ್ 10ನಲ್ಲಿ ಅಮೀರ್ 4 ಸಿನಿಮಾಗಳು
ಅಮೀರ್ ಖಾನ್ ರವರ 4 ಸಿನಿಮಾಗಳು ಬಾಕ್ಸ್ ಆಫೀಸ್ ನ ಟಾಪ್ 10 ಪಟ್ಟಿಯಲ್ಲಿದೆ. 'ಪಿ.ಕೆ', 'ದಂಗಲ್', 'ಧೂಮ್-3', '3 ಈಡಿಯೆಟ್ಸ್' ಸಿನಿಮಾಗಳು ಅತಿ ಹೆಚ್ಚು ಹಣ ಮಾಡಿದ ಸಿನಿಮಾಗಳ ಪಟ್ಟಿಯಲ್ಲಿದೆ.[ಬಾಲಿವುಡ್ ಗೆ ಅಮೀರ್ ಖಾನ್ ಮಗಳ ಎಂಟ್ರಿ? ]
5 ಸ್ಥಾನದಲ್ಲಿ 'ಸಲ್ಮಾನ್'
'ಸಲ್ಮಾನ್ ಖಾನ್' ನಟನೆಯ 'ಭಜರಂಗಿ ಭಾಯಿಜಾನ್' ಸಿನಿಮಾ 585 ಕೋಟಿ ಗಳಿಸಿದ್ದು ಟಾಪ್ 5 ನಲ್ಲಿ ಸ್ಥಾನ ಪಡೆದಿದೆ.[ಚೀನಾ-ಭಾರತದ ಯುದ್ಧ ಇತಿಹಾಸದ 'ಟ್ಯೂಬ್ಲೈಟ್' ಟೀಸರ್ ಔಟ್]
ಕುಸಿಯುತ್ತಿದೆ 'ಕಿಂಗ್ ಖಾನ್' ಸ್ಥಾನ
'ಶಾರೂಖ್' ಖಾನ್ ಸಿನಿಮಾಗಳು ಇತ್ತೀಚೆಗೆ ಟುಸ್ ಪಟಾಕಿಯಾಗುತ್ತಿದೆ. 423 ಕೋಟಿ ಗಳಿಸಿರುವ 'ಚೆನೈ ಎಕ್ಸಪ್ರೆಸ್' ಚಿತ್ರದ ಮೂಲಕ ಸದ್ಯ 'ಶಾರೂಖ್ ಖಾನ್' 9ನೇ ಸ್ಥಾನದಲ್ಲಿದ್ದಾರೆ.
ಸೌತ್ ಸಿನಿರಂಗಕ್ಕೆ ಹೆಮ್ಮೆ
ದಕ್ಷಿಣ ಭಾರತದ ಸಿನಿಮಾವೊಂದು ಇಡೀ ಭಾರತ ಚಿತ್ರರಂಗದಲ್ಲೇ ಅತಿ ದೊಡ್ಡ ಸಿನಿಮಾವಾಗುವುದು ತಮಾಷೆಯ ಮಾತಲ್ಲ. 'ಬಾಹುಬಲಿ 2' ಈ ಸಾಧನೆ ಮಾಡಿದ್ದು ಸೌತ್ ಸಿನಿರಂಗದ ಹೆಮ್ಮೆ.