Don't Miss!
- Sports T20 World Cup 2024: ಟಿ20 ವಿಶ್ವಕಪ್ನಲ್ಲಿ ಟೀಮ್ ಇಂಡಿಯಾ ಆರಂಭಿಕರನ್ನು ಸೂಚಿಸಿದ ಸೌರವ್ ಗಂಗೂಲಿ
- Automobiles ಫೋಕ್ಸ್ವ್ಯಾಗನ್ ವರ್ಟಸ್ ಕಾರಿಗೆ ಮನಸೋತ ಗ್ರಾಹಕರು: ಭಾರೀ ಬೇಡಿಕೆ
- News Bride Kidnap Video: ವರನ ಕಣ್ಣಿಗೆ ಮೆಣಸಿನ ಪುಡಿ ಹಾಕಿ ವಧುವಿನ ಅಪಹರಣಕ್ಕೆ ಯತ್ನ: ವಿಡಿಯೋ
- Technology Airtel: ಏರ್ಟೆಲ್ನಿಂದ ಹೊಸ ಅಂತಾರಾಷ್ಟ್ರೀಯ ರೋಮಿಂಗ್ ಪ್ಲ್ಯಾನ್ಗಳು! ಇವು ಹೇಗೆಲ್ಲಾ ಅನುಕೂಲ?
- Lifestyle ಮೊಲದ ಜೊತೆ ಓಡಿ ಮತ್ತೊಮ್ಮೆ ರೇಸ್ ಗೆದ್ದ ಆಮೆ..! ಈ ಕಥೆ ನಿಜವಾಗಿದ್ದು ಹೇಗೆ ನೋಡಿ.!
- Finance Bangalore Karaga: ಇಂದು ಈ ರಸ್ತೆಗಳಲ್ಲಿ ಸಂಚಾರ ಬಂದ್, ಬದಲಿ ಮಾರ್ಗ ವಿವರ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
'ಬದಲಾಗು ನೀನು' ಹಾಡು ಯೂಟ್ಯೂಬ್ನಿಂದ ಡಿಲೀಟ್! ಕಾರಣವೇನು?
ಕೊರೊನಾ ವಿರುದ್ಧ ಜಾಗೃತಿ ಹಾಗೂ ಕೊರೊನಾ ಸಮಯದಲ್ಲಿ ಜೀವ ಪಣಕ್ಕಿಡ್ಡು ಹೋರಾಡುತ್ತಿರುವವರಿಗೆ ನಮನ ಸಲ್ಲಿಸುವ ಉದ್ದೇಶದಿಂದ ನಿರ್ಮಿಸಿ ಬಿಡುಗಡೆ ಆಗಿದ್ದ ಬದಲಾಗು ನೀನು ಹಾಡು ಇದ್ದಕ್ಕಿದ್ದಂತೆ ಯುಟ್ಯೂಬ್ನಿಂದ ಕಾಣೆಯಾಗಿದೆ.
Recommended Video
ಹೌದು, ಹಾಡನ್ನು ಡಿ ಬೀಟ್ಸ್ ಅಧಿಕೃತ ಯೂಟ್ಯೂಬ್ ಚಾನೆಲ್ನಿಂದ ಬಿಡುಗಡೆ ಮಾಡಲಾಗಿತ್ತು, ಆದರೆ ಹಾಡನ್ನು ಡಿ ಬೀಟ್ಸ್ ಯೂಟ್ಯೂಬ್ ಚಾನೆಲ್ನಿಂದ ತೆಗೆದು ಹಾಕಲಾಗಿದೆ.
ನನಗೆ ಎಲ್ಲರೂ 'ಬಾಸ್'ಗಳೇ: ವಿವಾದಕ್ಕೆ ತೆರೆ ಎಳೆದ ಪವನ್ ಒಡೆಯರ್
ಕನ್ನಡದ ಬಹುತೇಕ ಎಲ್ಲಾ ಸಿನಿ ತಾರೆಗಳು ಇದ್ದ ಈ ಹಾಡನ್ನು ವೈದ್ಯಕೀಯ ಶಿಕ್ಷಣ ಇಲಾಖೆ ನಿರ್ಮಿಸಿತ್ತು, ಪವನ್ ಒಡೆಯರ್ ನಿರ್ದೇಶಿಸಿದ್ದರು. ಹಾಡು ಚೆನ್ನಾಗಿ ಹಿಟ್ ಸಹ ಆಗಿತ್ತು, ಆದರೆ ಈಗ ಇದ್ದಕ್ಕಿದ್ದಂತೆ ಹಾಡು ಡಿಲೀಟ್ ಆಗಿದೆ.
ಕಾಪಿರೈಟ್ಸ್ ಕಾರಣದಿಂದ ಡಿಲೀಟ್
ಬದಲಾಗು ನೀನು ಹಾಡು ಡಿಲೀಟ್ ಆಗಲು ಕಾರಣ ಕಾಪಿರೈಟ್ಸ್ ಅಥವಾ ಹಕ್ಕುಸಾಮ್ಯತೆ. ಕಾಪಿರೈಟ್ ಅಡಿಯಲ್ಲಿ ಫೆಲಿಸ್ ಕ್ರಿಯೇಷನ್ಸ್ ಎಂಬ ಬೆಂಗಳೂರು ಮೂಲದ ಸಂಸ್ಥೆಯೊಂದು ದೂರು ನೀಡಿದ ಕಾರಣ ಈ ಹಾಡನ್ನು ಯೂಟ್ಯೂಬ್ನಿಂದ ತೆಗೆದು ಹಾಕಲಾಗಿದೆ.
ಅನುಮತಿ ಇಲ್ಲದೆ ದೃಶ್ಯಗಳನ್ನು ಬಳಸಲಾಗಿದೆ
ಫೆಲಿಸ್ ಕ್ರಿಯೇಷನ್ಸ್ ಅವರ ಕೆಲವು ವಿಡಿಯೋಗಳನ್ನು ಅವರ ಅನುಮತಿ ಇಲ್ಲದೆ 'ಬದಲಾಗು ನೀನು' ಹಾಡಿನಲ್ಲಿ ಬಳಸಲಾಗಿತ್ತಂತೆ, ಹಾಗಾಗಿ ಸಂಸ್ಥೆಯು ಕಾಪಿರೈಟ್ಸ್ ಅಡಿಯಲ್ಲಿ ದೂರು ನೀಡಿದ್ದ ಕಾರಣ ಬದಲಾಗು ನೀನು ಹಾಡನ್ನು ಯೂಟ್ಯೂಬ್ ತೆಗೆದು ಹಾಕಿದೆ. ಈ ಬಗ್ಗೆ ಫೆಲಿಸ್ ಕ್ರಿಯೇಷನ್ಸ್ನ ಸಿಬ್ಬಂದಿ 'ಫಿಲ್ಮೀಬೀಟ್ ಕನ್ನಡ' ಕ್ಕೆ ಮಾಹಿತಿ ನೀಡಿದ್ದಾರೆ.
'ಬದಲಾಗು ನೀನು...' ಹಾಡಿನಲ್ಲಿ ಸುದೀಪ್ ಏಕಿಲ್ಲ?: ಸಚಿವರೇ ನೀಡಿದ ಕಾರಣ
ಕೆಲವು ದೃಶ್ಯಗಳನ್ನು ಎತ್ತಿಕೊಳ್ಳಲಾಗಿದೆ
ಹಾಡಿನ ಆರಂಭದಲ್ಲಿ ಬರುವ ಬೆಂಗಳೂರಿನ ಏರಿಯಲ್ ದೃಶ್ಯಗಳು, ವಿಧಾನಸೌಧದ ಏರಿಯಲ್ ದೃಶ್ಯಗಳು, ಪ್ರಮುಖ ರಸ್ತೆ, ಫ್ಲೈಓವರ್ಗಳ ಏರಿಯಲ್ ದೃಶ್ಯಗಳು ಫೆಲಿಸ್ ಕ್ರಿಯೇಷನ್ಸ್ ಅವರ ವಿಡಿಯೋಗಳಂತೆ. ಆ ವಿಡಿಯೋಗಳನ್ನು ಅವರು ಬೆಂಗಳೂರು ಪೊಲೀಸ್ ಇಲಾಖೆಗೆಂದು ಮಾಡಿದ್ದರಂತೆ.
ನಾವು ಮೊದಲೇ ಮಾಹಿತಿ ನೀಡಿದ್ದೆವು: ಫೆಲಿಸ್
'ಹಾಡು ಬಿಡುಗಡೆ ಆಗುವ ಮೊದಲೇ ನಾವು ಈ ಬಗ್ಗೆ ಸಂಬಂಧಪಟ್ಟವರ ಗಮನಕ್ಕೆ ತಂದಿದ್ದೆವು ಆದರೆ ಅವರು ಯಾವುದೇ ಪ್ರತಿಕ್ರಿಯೆ ನೀಡಿರಲಿಲ್ಲ, ಹಾಡು ಬಿಡುಗಡೆ ಆದಾಗ ನಮ್ಮ ಹೆಸರನ್ನು (ಕ್ರೆಡಿಟ್ಸ್) ಸಹ ಕೊಟ್ಟಿರಲಿಲ್ಲ' ಎಂದು ಫೆಲಿಸ್ ಕ್ರಿಯೇಷನ್ಸ್ನ ಸಿಬ್ಬಂದಿಯೊಬ್ಬರು 'ಫಿಲ್ಮೀಬೀಟ್ ಕನ್ನಡ'ಕ್ಕೆ ತಿಳಿಸಿದರು.
ಬದಲಾಗು, ಬದಲಾಯಿಸು: ನಿಜವಾದ ಹೀರೋಗಳಿಗೆ ಕೈ ಮುಗಿದ ಸಿನಿಮಾ ಹೀರೋಗಳು
ಹಾಡಿನಲ್ಲಿ ಸುದೀಪ್ ನಟಿಸಿರಲಿಲ್ಲ
ಬದಲಾಗು ನೀನು ಹಾಡಿನಲ್ಲಿ ಸುದೀಪ್ ಹೊರತುಪಡಿಸಿ ಬಹುತೇಕ ಸ್ಟಾರ್ ನಟರು ಹಾಡಿನಲ್ಲಿದ್ದರು. ಸುದೀಪ್ ಇಲ್ಲದೇ ಇರುವ ಬಗ್ಗೆ ಸಾಕಷ್ಟು ಚರ್ಚೆ ಆಗಿತ್ತು. ವಿವಾದವನ್ನೂ ಹುಟ್ಟಿಸಿತ್ತು. ಸುದೀಪ್ ಏಕೆ ಹಾಡಿನಲ್ಲಿಲ್ಲ ಎಂಬುದನ್ನು ನಂತರ ವೈದ್ಯಕೀಯ ಸಚಿವರು ಸ್ಪಷ್ಟನೆ ನೀಡಿದರು.