ಮನೆಯಲ್ಲೇ ಇರುತ್ತೇವೆ, ಹೆಂಗೆ ನಾವು?: ಕೊರೊನಾ ಜಾಗೃತಿಗೆ ಸಿನಿಮಾ ಮೊರೆ ಹೋದ ಪೊಲೀಸರು

ಪೊಲೀಸರ ಹೊಸ ಅಸ್ತ್ರ

ಸಿನಿಮಾ ಡೈಲಾಗ್, ಹಾಡುಗಳು ಜನರ ಮೇಲೆ ಹೆಚ್ಚು ಪ್ರಭಾವ ಬೀರುತ್ತೆ. ಜನರು ಸಿನಿಮಾದ ಉದ್ದುದ್ದ ಡೈಲಾಗ್, ಹಾಡುಗಳನ್ನು ಕೇಳಿ ಕಂಠಪಾಠ ಮಾಡಿ ಹೇಳುತ್ತಿರುತ್ತಾರೆ. ಹಾಗಾಗಿ ಅದನ್ನೆ ಅಸ್ತ್ರವಾಗಿ ಬಳಸಿಕೊಂಡು ಕೊರೊನಾ ಜಾಗೃತಿ ಮೂಡಿಸಲು ಮುಂದಾಗಿದ್ದಾರೆ ಬೆಂಗಳೂರು ಪೊಲೀಸರು.

ಲವ್ ಮಾಕ್ ಟೇಲ್ ಮೊರೆ ಹೋದ ಪೊಲೀಸರು

ಇತ್ತೀಚಿಗೆ ರಿಲೀಸ್ ಆದ ಲವ್ ಮಾಕ್ಟೇಲ್ ಸಿನಿಮಾ ಸಿಕ್ಕಾಪಟ್ಟೆ ಸದ್ದು ಮಾಡುತ್ತಿದೆ. ಚಿತ್ರದ ಡೈಲಾಗ್ ಗಳು ಸಹ ಸಖತ್ ಟ್ರೆಂಡ್ ಆಗಿವೆ. ಅದರಲ್ಲೂ ಈ ಸಿನಿಮಾ ಅದಿತಿ ಪಾತ್ರ ಮಾಡಿದ ನಟಿ ರಚನಾ ಹೇಳುವ "ಹೆಂಗೆ ನಾವು?" ಡೈಲಾಗ್ ಸಖತ್ ಫೇಮಸ್. ಟ್ರೋಲ್ ಪೇಜ್ ಗಳಲ್ಲಿ ರಾರಾಜಿಸುತ್ತಿರುವ ಈ ಡೈಲಾಗ್ ಈಗ ಕೊರೊನಾ ಜಾಗೃತಿಗೂ ಬಳಕೆಯಾಗುತ್ತಿದೆ.

ಕೊರೊನಾ ಜಾಗೃತಿಗೆ ಅದಿತಿ ಡೈಲಾಗ್

'ಹೆಂಗೆ ನಾವು' ಡೈಲಾಗ್ ಬಳಸಿಕೊಂಡು ಬೆಂಗಳೂರು ಪೊಲೀಸರು ಟ್ವಿಟ್ಟರ್ ಮೂಲಕ ಕೊರೊನಾ ಬಗ್ಗೆ ಜಾಗೃತಿ ಮೂಡಿಸುತ್ತಿದ್ದಾರೆ. "ಕೊರೋನಾವನ್ನು ಹೊಡೆದೋಡಿಸಲು ನಾವು ಮನೆಯಲ್ಲಿಯೇ ಇರುತ್ತೇವೆ. ಹೆಂಗೆ ನಾವು"? ಎಂದು ನಟಿ ರಚನಾ ಫೋಟೋ ಹಾಕಿ ಪೋಸ್ಟರ್ ರಿಲೀಸ್ ಮಾಡಿದ್ದಾರೆ.

ಸಖತ್ ನೀವು: ಪೊಲೀಸರ ಟ್ವೀಟ್

ರಚನಾ ಫೋಟೋ ಜೊತೆಗೆ ಬೆಂಗಳೂರು ಪೊಲೀಸರು "ಲಾಕ್ ಡೌನ್ ಕ್ರಮಗಳನ್ನು ಶ್ರದ್ಧೆಯಿಂದ ಅನುಸರಿಸುತ್ತಿರುವ ಎಲ್ಲಾ ಬೆಂಗಳೂರಿಗರಿಗೆ ಚಪ್ಪಾಳೆ, ಸಖತ್ ನೀವು" ಎಂದು ಟ್ವೀಟ್ ಮಾಡಿ ಗಮನ ಸೆಳೆದಿದ್ದಾರೆ. ಈ ಟ್ವೀಟ್ ಈಗ ವೈರಲ್ ಆಗುತ್ತಿದೆ.