ಸಿಂಬುಗೆ ಉಡುಗೊರೆ ಕಳುಹಿಸಿದ 'ಕನ್ನಡಮ್ಮ': ಗಿಫ್ಟ್ ನೋಡಿ ಭಾವುಕರಾದ ನಟ

ನೀರು ಕೇಳಿದ್ದ ನಟ ಸಿಂಬು

ಏಪ್ರಿಲ್ 11 ರಂದು ಮಧ್ಯಾಹ್ನ 3 ಗಂಟೆಯಿಂದ 6 ಗಂಟೆಯೊಳಗೆ ಕರ್ನಾಟಕ ಜನರು, 'ಒಂದು ಲೋಟದಲ್ಲಿ ತಮಿಳಿರಿಗೆ ನೀರು ಕೊಡಿ' ಎಂದು ನಟ ಸಿಂಬು ಕೇಳಿಕೊಂಡಿದ್ದ ಘಟನೆ ನೆನಪಿರಬಹುದು. ಸಿಂಬು ಅವರ ಈ ಮಾತಿಗೆ ಬೆಲೆ ಕೊಟ್ಟ ಕನ್ನಡಿಗರು ಬಾಟಲ್, ಲೋಟ, ಬಿಂದಿಗೆ ಹೀಗೆ ನೀರು ಕೊಟ್ಟು ಮಾನವೀಯತೆ ಮೆರೆದಿದ್ದರು. ಇದು ತಮಿಳುನಾಡಿನಲ್ಲಿ ಹೊಸ ಕ್ರಾಂತಿ ಹುಟ್ಟುಹಾಕಿತ್ತು.

ನೀರಿನ ಜೊತೆ ಉಡುಗೊರೆ ಕೊಟ್ಟ

ಈ ಅಭಿಯಾನದಲ್ಲಿ ಕರ್ನಾಟಕ ಮತ್ತು ತಮಿಳುನಾಡು ಜನರ ಹೃದಯ ಗೆದ್ದ ನಟ ಸಿಂಬುಗೆ ಕನ್ನಡ ತಾಯಿಯೊಬ್ಬರು ನೀರಿನ ಜೊತೆ ವಿಶೇಷವಾದ ಉಡುಗೊರೆಯನ್ನ ನೀಡಿದ್ದಾರೆ. ಒಂದು ಬಾಟಲ್ ನೀರು ಮತ್ತು ನೀರಿನ ಜೊತೆ ಒಂದು 'ಶ್ವೆಟ್ಟರ್'ನ್ನ ಕಳುಹಿಸಿದ್ದಾರೆ. ಬೆಂಗಳೂರು ಮೂಲದ ಆ ತಾಯಿ ಕಳುಹಿಸಿದ ನೀರನ್ನ ಸಿಂಬು ಕುಡಿದು ಖುಷಿ ಪಟ್ಟರು.

ಧನ್ಯವಾದ ತಿಳಿಸಿದ ಸಿಂಬು

ಬೆಂಗಳೂರಿನಿಂದ ಉಡುಗೊರೆ ಕಳುಹಿಸಿದ್ದ ಆ ತಾಯಿ ''ನೀನು ತುಂಬಾ ಚೆನ್ನಾಗಿ ಮಾತನಾಡಿದ್ದೀಯಾ. ಸಿಂಬು ನೀನು ಒಳ್ಳೆಯ ಕೆಲಸ ಮಾಡಿದ್ದೀಯಾ. ನಿನ್ನ ಜೊತೆ ನಾನು ಇರುತ್ತೇನೆ' ಎಂದು ವಿಡಿಯೋ ಮೂಲಕ ತಿಳಿಸಿದರು. ನಂತರ ಮಾತನಾಡಿದ ಸಿಂಬು ''ಆ ತಾಯಿ ಏನೂ ಮಾತಾಡಿದ್ರು ಎನ್ನುವುದು ನನಗೆ ಗೊತ್ತಾಗಿಲ್ಲ. ಆದ್ರೆ, ಆ ಮನಸ್ಸಿನಲ್ಲಿರುವ ಸಂಗತಿಗಳು ನನಗೆ ಅರ್ಥವಾಯಿತು. ಅವರಿಗೆ ನಾನು ಚಿರಋಣಿ'' ಎಂದರು.

ಟವಿ ಶೋನಲ್ಲಿ ಪೂರ್ತಿ ಪ್ರಸಾರ

ಜೀ ತಮಿಳು ವಾಹಿನಿಯಲ್ಲಿ ಪ್ರಸಾರವಾಗುವ ಡ್ಯಾನ್ಸ್ ಜೋಡಿ ಡ್ಯಾನ್ಸ್ 2 ಗ್ರ್ಯಾಂಡ್ ಫಿನಾಲೆಯಲ್ಲಿ ಈ ವಿಶೇಷವಾದ ಸಂಚಿಕೆ ಮೂಡಿ ಬಂದಿತ್ತು. ಈ ಕಾರ್ಯಕ್ರಮದ ಅತಿಥಿಯಾಗಿದ್ದ ಸಿಂಬು ಅವರಿಗೆ ಈ ಬಾಟಲ್ ನೀರು ಮತ್ತು ಉಡುಗೊರೆಯನ್ನ ನೀಡಿದರು.