ಕಾರಿನ ಮೇಲೆ ಸೋನು ಸೂದ್ ಸೇವೆಯ ಮಾಹಿತಿ; ಬಂಟ್ವಾಳ ಅಭಿಮಾನಿ ಪ್ರೀತಿಗೆ 'ರಿಯಲ್ ಹೀರೋ' ಮೆಚ್ಚುಗೆ

ಬಂಡ್ವಾಳ ಅಭಿಮಾನಿಯ ವಿಶೇಷ ಅಭಿಮಾನ

ಬಂಟ್ವಾಳದ ಛಾಯಾಗ್ರಾಹಕ ಶ್ರೀಪ್ರಸಾದ್ ಆಚಾರ್ಯ ತನ್ನ ಕಾರಿನ ತುಂಬಾ ಫೋಟೋ, ಕೊರೊನಾ ಸಂದರ್ಭದ ನೆರವಿನ ಚಿತ್ರಗಳು, ಲೇಖನಗಳನ್ನು ಸ್ಟಿಕರಿಂಗ್ ಮಾಡುವ ಮೂಲಕ ಸೋನು ಸೋದ್ ಮೇಲಿನ ಅಭಿಮಾನವನ್ನು ತೋರಿಸಿದ್ದಾರೆ.

ಕಾರಿನ ಮೇಲೆ ಸೋನು ಸೂದ್ ಸೇವೆಯ ವಿವರ

ಶ್ರೀ ಪ್ರಸಾದ್ ಆಚಾರ್ಯ ಇಯಾನ್ ಕಾರಿನ ಮೇಲೆಲ್ಲಾ ಸೋನು ಚಿತ್ರಗಳನ್ನು ಹಾಕಿಕೊಂಡಿದ್ದಾರೆ. ಕಾರಿನ ಒಂದು ಭಾಗದಲ್ಲಿ ಸೂದ್ ಚಿತ್ರವನ್ನು ಹಾಕಿಸಿಕೊಂಡರೆ ಉಳಿದ ಭಾಗದಲ್ಲಿ ಸೋನು ಸೂದ್ ಕೋವಿಡ್ ಸಂದರ್ಭದಲ್ಲಿ ಮಾಡಿದ ಸೇವೆಯ ವಿವರವಿದೆ.

ತಂಗಿ ನೀಡಿದ ಸಲಹೆ

ಶ್ರೀಪ್ರಸಾದ್ ಮತ್ತು ಅವರ ತಂಗಿ ಉಷಾ ಜಗದೀಶ್ ಆಚಾರ್ಯ ಸೋನು ಸೋದ್ ಅವರ ಅಪ್ಪಟ ಅಭಿಮಾನಿಗಳು. ಅಂದಹಾಗೆ ಕಾರ್‌ ಮರುವಿನ್ಯಾಸಗೊಳಿಸಲು ತಂಗಿ ಉಷಾ ಸಲಹೆ ನೀಡಿದ್ದರಂತೆ. ಅದರಂತೆ ಶ್ರೀಪಾದ್ ತನ್ನ ಕಾರಿನ ಮೇಲೆ ಸೋನು ಬಗ್ಗೆ ವಿವರದ ಸ್ಟಿಕರಿಂಗ್ ಮಾಡಿಸಿದ್ದಾರೆ.

Recommended Video

ಶಿವರಾಜ್ ಕುಮಾರ್ ಹುಟ್ಟಿದ ದಿನ ಅಣ್ಣಾವ್ರು ಏನ್ ಮಾಡಿದ್ರು ಗೊತ್ತಾ? | Filmibeat Kannada

ಶ್ರೀಪಾದ್ ಪ್ರತಿಕ್ರಿಯೆ

ಈ ಬಗ್ಗೆ ಪ್ರತಿಕ್ರಿಯೆ ನೀಡಿದ ಶ್ರೀ ಪ್ರಸಾದ್ ಆಚಾರ್ಯ, "ಕೋವಿಡ್ ಸಂದರ್ಭದಲ್ಲಿ ಸೋನು ಸೂದ್ ನೀಡಿದ ಸೇವೆ ಎಂದಿಗೂ ಅಮರವಾಗಿರುತ್ತದೆ. ಅವರಿಗೆ ಹೇಗೆ ಕೃತಜ್ಞತೆ ಸಲ್ಲಿಸಬೇಕೆಂದು ತಿಳಿಯದೇ ಈ ಮೂಲಕ ಗೌರವ ತೋರಿಸಿದ್ದೇವೆ" ಎಂದಿದ್ದಾರೆ.