ಒಂದೇ ದಿನ ತಾನ್ಯ 2 ಸಿನಿಮಾ : 'ಯಜಮಾನ'ನಿಗೆ ಬಸಣ್ಣಿಯೇ ಕಾಂಪಿಟೇಶನ್

ತಾನ್ಯ ತಮಿಳು ಚಿತ್ರ ರಿಲೀಸ್

ತಾನ್ಯ ಹೋಪ್ ಅಭಿನಯದ ತಮಿಳು ಸಿನಿಮಾ ಕೂಡ ಬಿಡುಗಡೆಗೆ ಸಿದ್ಧವಾಗಿ ನಿಂತಿದೆ. ವಿಶೇಷ ಅಂದರೆ, ಆ ಸಿನಿಮಾ ಸಹ ಮಾರ್ಚ್ 1 ರಂದು ಅಂದರೆ, 'ಯಜಮಾನ' ಚಿತ್ರದ ರಿಲೀಸ್ ಆಗುವ ದಿನವೇ ಥಿಯೇಟರ್ ಗೆ ಬರುತ್ತಿದೆ. ಒಂದೇ ದಿನ ತಮ್ಮ ಎರಡೂ ಚಿತ್ರಗಳ ಬಿಡುಗಡೆಗೆ ಕಾಣುತ್ತಿದ್ದಾರೆ ತಾನ್ಯ.

'ತಡಂ' ಚಿತ್ರದಲ್ಲಿ ನಟನೆ

'ತಡಂ' ಎಂಬ ತಮಿಳು ಸಿನಿಮಾದಲ್ಲಿ ತಾನ್ಯ ನಟಿಸಿದ್ದರು. ಈ ಸಿನಿಮಾ ಮಾರ್ಚ್ 1 ರಂದು ತೆರೆಗೆ ಬರುತ್ತಿದೆ. ಅರುಣ್ ವಿಜಯ್ ಚಿತ್ರದ ನಾಯಕನಾಗಿದ್ದಾರೆ. ವಿದ್ಯಾ ಪ್ರದೀಪ್ ಚಿತ್ರದ ಮತ್ತೊಬ್ಬ ನಾಯಕಿ. 'ತಡಂ' ಒಂದು ಥಿಲ್ಲರ್ ಸಿನಿಮಾವಾಗಿದ್ದು, ಟ್ರೇಲರ್ ಗೆ ಒಳ್ಳೆಯ ಪ್ರತಿಕ್ರಿಯೆ ಸಿಕ್ಕಿದೆ.

'ಯಜಮಾನ' ಪ್ರೆಸ್ ಮೀಟ್ ನಲ್ಲಿ ನಡೆದ 6 ವಿಶೇಷ ಕ್ಷಣಗಳು

ಇದು ಐದನೇ ಸಿನಿಮಾ

'ತಡಂ' ತಾನ್ಯ ಹೋಪ್ ನಟನೆಯ ಐದನೇ ಸಿನಿಮಾವಾಗಿದೆ. 2016ರಲ್ಲಿ ತೆಲುಗಿನ 'ನೇನು ಶೈಲಜಾ' ಚಿತ್ರದಲ್ಲಿ ಒಂದು ವಿಶೇಷ ಪಾತ್ರ ಮಾಡುವ ಮೂಲಕ ಆಕೆ ಚಿತ್ರರಂಗಕ್ಕೆ ಕಾಲಿಟ್ಟರು. ಅದರ ಬಳಿಕ ತಮಿಳು, ತೆಲುಗು ಹಾಗೂ ಕನ್ನಡ ಸಿನಿಮಾಗಳಲ್ಲಿ ನಟಿಸಿದ್ದಾರೆ. 'ಯಜಮಾನ' ಅವರ ಮೊದಲ ಕನ್ನಡ ಚಿತ್ರವಾಗಿದೆ.

ಮುಂದಿನ ಸಿನಿಮಾಗಳು

'ಯಜಮಾನ' ಬಳಿಕ ತಾನ್ಯಗೆ ಆಫರ್ ಮೇಲೆ ಆಫರ್ ಬರುತ್ತಿದೆ. ಅಭಿಷೇಕ್ ಅಂಬರೀಶ್ ನಟನೆಯ 'ಅಮರ್' ಸಿನಿಮಾದಲ್ಲಿ ತಾನ್ಯ ಕಾಣಿಸಿಕೊಳ್ಳುತ್ತಿದ್ದಾರೆ. ಉಪೇಂದ್ರ ಅಭಿನಯದ 'ಹೋಮ್ ಮಿನಿಸ್ಟರ್' ಹಾಗೂ 'ಉದ್ಘರ್ಷ' ಸಿನಿಮಾಗಳಲ್ಲಿ ಅವರು ನಟಿಸುತ್ತಿದ್ದಾರೆ. 'ಯಜಮಾನ' ಚಿತ್ರದ ಬಿಡುಗಡೆಯ ಬಳಿಕ ಇನ್ನಷ್ಟು ಆಫರ್ ಗಳು ಅವರ ಪಾಲಾಗಬಹುದು.