ಈ ವಾರ ತೆರೆಗೆ ಬರುತ್ತಿರುವ ಚಿತ್ರಗಳಿವು: ನಿಮ್ಮ ಆಯ್ಕೆ ಯಾವುದು.?

ತೆರೆಗೆ ಬರುತ್ತಿದೆ 'ಬಜಾರ್'

ಸಿಂಪಲ್ ಸುನಿ ಕಥೆ-ಚಿತ್ರಕಥೆ ಬರೆದು ನಿರ್ದೇಶಿಸಿರುವ 'ಬಜಾರ್' ಚಿತ್ರಕ್ಕೆ ಧನ್ವೀರ್ ನಾಯಕ, ಅದಿತಿ ಪ್ರಭುದೇವ ನಾಯಕಿ. ಸಾಧು ಕೋಕಿಲ, ಶರತ್ ಲೋಹಿತಾಶ್ವ, ಚೇತನ್ ಚಂದ್ರ ಮುಂತಾದವರು ತಾರಾಬಳಗದಲ್ಲಿದ್ದಾರೆ. ಚಿತ್ರಕ್ಕೆ ರವಿ ಬಸ್ರೂರ್ ಸಂಗೀತ ನೀಡಿದ್ದಾರೆ. 'ಬಜಾರ್'ನಲ್ಲಿ ಲವ್ ಸ್ಟೋರಿ ಮತ್ತು ಪಂಚಿಂಗ್ ಡೈಲಾಗ್ಸ್ ಅಂತೂ ಇದ್ದೇ ಇರುತ್ತೆ. ಟ್ರೈಲರ್ ಮೂಲಕ ಕುತೂಹಲ ಕೆರಳಿಸಿರುವ 'ಬಜಾರ್' ಚಿತ್ರವನ್ನು ನೋಡಲು ನೀವು ರೆಡಿನಾ.?

ರಿಲೀಸ್ ಆಗುತ್ತಿದೆ 'ಮಟಾಶ್'

ಸಮರ್ಥ ನರಸಿಂಹರಾಜು, ಐಶ್ವರ್ಯ ಸಿಂಧೋಗಿ, ವಿ.ಮನೋಹರ್ ಸೇರಿದಂತೆ ಹಲವರು ನಟಿಸಿರುವ 'ಮಟಾಶ್' ಚಿತ್ರ ಇದೇ ವಾರ ರಾಜ್ಯಾದ್ಯಂತ ಬಿಡುಗಡೆ ಆಗಲಿದೆ. 'ಮಟಾಶ್' ಸಿನಿಮಾಗೆ ನಿರ್ದೇಶನದ ಜವಾಬ್ದಾರಿ ಜೊತೆಗೆ ಸಂಗೀತ ಸಂಯೋಜಿಸಿದ್ದಾರೆ ಎಸ್.ಡಿ.ಅರವಿಂದ್. ಗಾಂಧಿನಗರದಲ್ಲಿ ಸದ್ದು ಮಾಡುತ್ತಿರುವ 'ಮಟಾಶ್' ಚಿತ್ರವನ್ನು ನೀವು ನೋಡ್ತೀರಾ.?

ನಿಮ್ಮ ಮುಂದೆ ಬರಲಿದೆ 'ಅನುಕ್ತ'

ಹರೀಶ್ ಬಂಗೇರ ನಿರ್ಮಿಸಿರುವ ಅಶ್ವತ್ಥ್ ಸ್ಯಾಮುಯೆಲ್ ನಿರ್ದೇಶನ ಮಾಡಿರುವ 'ಅನುಕ್ತ' ಇದೇ ವಾರ ರಿಲೀಸ್ ಆಗಲಿದೆ. ನೊಬಿನ್ ಪೌಲ್ ಸಂಗೀತ, ಮನೋಹರ್ ಜೋಷಿ ಛಾಯಾಗ್ರಹಣ ಇರುವ ಈ ಚಿತ್ರದಲ್ಲಿ ಕಾರ್ತಿಕ್ ಅತ್ತಾವರ್, ಸಂಗೀತ ಭಟ್, ಅನು ಪ್ರಭಾಕರ್ ಮುಖರ್ಜಿ, ಉಷಾ ಭಂಡಾರಿ ನಟಿಸಿದ್ದಾರೆ.

ನಿಮ್ಮ ಆಯ್ಕೆ ಯಾವುದು.?

'ಬಜಾರ್', 'ಮಟಾಶ್' ಮತ್ತು 'ಅನುಕ್ತ'... ಈ ಮೂರು ಚಿತ್ರಗಳಲ್ಲಿ ಯಾವುದನ್ನು ನೀವು ನೋಡ್ತೀರಾ.? ನಿಮ್ಮ ಆಯ್ಕೆ ಯಾವುದು ಅಂತ ನಮಗೆ ತಿಳಿಸಿ.. ಕೆಳಗಿರುವ ಕಾಮೆಂಟ್ ಬಾಕ್ಸ್ ಮೂಲಕ.