ಕೊರೊನಾ ಕಾಲಕ್ಕೆ ಗಾನಸುಧೆ ಹರಿಸಿದ ಬೆಳವಾಡಿ ಅಮ್ಮ-ಮಗಳು

ಮನಸಿನ ಸ್ಲೇಟನು ಖಾಲಿ ಇಡು

'ಕಳೆದುಹೋದುದಕೆ ಕೊರಗ ಬಿಡು ಉಳಿದಿದೆ ಎಷ್ಟೋ ಹರುಷ ಪಡು ಕಳೆಯುವ ಕೂಡುವ ಲೆಕ್ಕವ ಅಳಿಸಿ, ಮನಸಿನ ಸ್ಲೇಟನು ಖಾಲಿ ಇಡು' ಎಂಬ ಅರ್ಥವತ್ತಾದ ಸಾಲುಗಳನ್ನು ಹಾಡು ಒಳಗೊಂಡಿದೆ.

'ತಾಳುವ ಧೀರ, ಆಳುವ ಊರ'

'ತಾಳುವುದಾ ನೀ ಕಲಿಮಗು, ಬಾಳುವುದಾ ನೀ ಕಲಿ ಮಗು, ತಾಳುವ ಧೀರ, ಆಳುವ ಊರ, ಎನ್ನುವುದಾ ನೀ ನೆನಪಿಡು..' ಎಂದು ತಾಳ್ಮೆಯ ಅವಶ್ಯಕತೆ ಬಗ್ಗೆ ಹಾಡಿನಲ್ಲಿ ಪ್ರಸ್ತಾಪ ಮಾಡಿದ್ದಾರೆ ಸುಧಾ ಮತ್ತು ಸಂಯುಕ್ತಾ.

'ನೆಚ್ಚಿದ ಗೆಳೆಯರ ನಂಟ ಬಿಡು'

'ನೆಚ್ಚದ ಗೆಳೆಯರ ನಂಟ ಬಿಡು, ಚುಚ್ಚಲು, ಗೆಳೆಯ ನಕ್ಕು ಬಿಡು, ಮೆಚ್ಚಿದರಾಯಿತು ಮೇಲಿನ ದೈವ, ಹಚ್ಚಿಕೊಳ್ಳದೇ ಇದ್ದುಬಿಡು' ಎಂಬ ಸಾಳಿನ ಮೂಲಕ, ಯಾರನ್ನೂ ನೆಚ್ಚಿಕೊಳ್ಳಬೇಡ, ನಗುವು ಹಾಗೂ ದೇವರ ಮೇಲಿನ ನಂಬಿಕೆಯೊಂದು ಜೊತೆಗಿರಲಿ ಎಂದು ಸಾಂತ್ವನವನ್ನು ಹಾಡು ಒಳಗೊಂಡಿದೆ.

20 ಸಾವಿರ ಮಂದಿ ವೀಕ್ಷಿಸಿದ್ದಾರೆ

ಸಂಯುಕ್ತಾ ಹೊರನಾಡು ಅವರ ಇನ್‌ಸ್ಟಾಗ್ರಾಂ ನಲ್ಲಿ ಹಾಡಿನ ವಿಡಿಯೋವನ್ನು ಹಂಚಿಕೊಳ್ಳಲಾಗಿದೆ. ಹಾಡನ್ನು ಸುಮಾರು 20 ಸಾವಿರ ಮಂದಿ ವೀಕ್ಷಿಸಿದ್ದಾರೆ ಮತ್ತು ಮೆಚ್ಚಿಕೊಂಡಿದ್ದಾರೆ.