ಶ್ರೀರಾಮುಲು ಪರ ದುನಿಯಾ ವಿಜಯ್ ಪ್ರಚಾರ?

ನಿಜವಾಗಿಯೂ ಬಳ್ಳಾರಿ ಈಗ ಪ್ರತಿಷ್ಠೆಯ ಕಣವಾಗಿದೆ. ಎಲ್ಲಾ ಅಭ್ಯರ್ಥಿಗಳು ಹಾಗೂ ಪಕ್ಷಗಳು ವಿಭಿನ್ನ ಪ್ರಚಾರ ತಂತ್ರ ಅನುಸರಿಸುತ್ತಿವೆ. ಆದರೆ ಸ್ವತಂತ್ರ್ಯ ಅಭ್ಯರ್ಥಿ ಶ್ರೀರಾಮುಲು, ಸ್ಟಾರ್ ಪ್ರಚಾರಕರ ಕೊರತೆ ಎದುರಿಸುತ್ತಿದ್ದಾರೆ. ಈ ನಿಟ್ಟಿನಲ್ಲಿ ಪ್ರಯತ್ನಿಸಿರುವ ಅವರು ಸಾಕಷ್ಟು ನಟ-ನಟಿಯರನ್ನು ಸಂಪರ್ಕಿಸಿದ್ದು ದುನಿಯಾ ವಿಜಯ್ ಪ್ರಚಾರಕ್ಕಿಳಿಯುವ ಸಂಭವವಿದೆ.

ಎಲ್ಲಾ ಅಭ್ಯರ್ಥಿಗಳ ಕಣ್ಣೂ ಈಗ ಸ್ಟಾರ್ ನಟ-ನಟಿಯರ ಹಿಂದೆ ಬಿದ್ದಿದೆ. ರಾಜಕಾರಣಿಗಳನ್ನು ನೋಡಲು ಸೇರುವದಕ್ಕಿಂತ ಹೆಚ್ಚು ಸಿನಿಮಾ ನಟರನ್ನು ನೋಡಲು ಜನ ಮುಗಿಬೀಳುತ್ತಾರೆ. ಚೆನ್ನಾಗಿರುತ್ತಾರೆ ಎಂಬುದೇ ಕಾರಣವಲ್ಲ, ಜನರ ಕ್ರೇಜ್ ಹಾಗಿದೆ. ಈಗ ಶ್ರೀರಾಮುಲು ಕೂಡ ದುನಿಯಾ ವಿಜಯ್ ಬಳಸಿಕೊಂಡು ಗೆಲ್ಲಲು ಪ್ರಯತ್ನಿಸುತ್ತಿದ್ದಾರೆ ಅಷ್ಟೇ. (ಒನ್ ಇಂಡಿಯಾ ಕನ್ನಡ)