ಮುಖಪುಟ

ಸಿನಿ ಸಮಾಚಾರ

ಮಂಸೋರೆ ನಿರ್ದೇಶಿಸಿ, ಯಜ್ಞಾ ಶೆಟ್ಟಿ ಹಾಗೂ ಇತರರು ನಟಿಸಿರುವ ಆಕ್ಟ್-1978 ಸಿನಿಮಾಕ್ಕೆ ಭಾರಿ ಪ್ರಶಂಸೆ ವ್ಯಕ್ತವಾಗಿದೆ. ಹಲವು ವರ್ಗದ ಮಂದಿಯನ್ನು ಒಟ್ಟಿಗೆ ಸೆಳೆದಿದೆ ಸಿನಿಮಾ.

Recommended Video

ಇದೀಗ, ಬೆಂಗಳೂರು ಡಿಸಿಪಿ ನಿಶಾ ಜೇಮ್ಸ್ ಅವರು ಆಕ್ಟ್-1978 ಸಿನಿಮಾ ವೀಕ್ಷಿಸಿದ್ದು, ಬಹುವಾಗ ಮೆಚ್ಚಿಕೊಂಡಿದ್ದಾರೆ. ಅಷ್ಟೆ ಅಲ್ಲದೆ ಬೆಂಗಳೂರು ಪೊಲೀಸ್ ಕಮೀಷನರ್ ಕಚೇರಿ ಸಿಬ್ಬಂದಿಗೆ ಸಿನಿಮಾವನ್ನು ತೋರಿಸಿದ್ದಾರೆ ಡಿಸಿಪಿ ನಿಶಾ ಜೇಮ್ಸ್.

ಮಂಸೋರೆ, ಸಂಚಾರಿ ವಿಜಯ್ ಹಾಗೂ ಚಿತ್ರತಂಡವನ್ನು ಕಮೀಷನರ್ ಕಚೇರಿಗೆ ಆಹ್ವಾನಿಸಿ ಅಭಿನಂದನೆಗಳನ್ನು ಸಹ ನಿಶಾ ಜೇಮ್ಸ್ ತಿಳಿಸಿದ್ದಾರೆ. ನಿಶಾ ಜೇಮ್ಸ್ ಅವರು ಸಿನಿಮಾ ಬಗ್ಗೆ ಒಳ್ಳೆಯ ಮಾತುಗಳನ್ನಾಡಿದ್ದುದನ್ನು ಚಿತ್ರತಂಡ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದೆ.

ಆಕ್ಟ್-1978 ಸಿನಿಮಾವನ್ನು ವೀಕ್ಷಿಸಿರುವ ಕನ್ನಡ ಚಿತ್ರರಂಗದ ಹಲವು ಖ್ಯಾತ ಸೆಲೆಬ್ರಿಟಿಗಳು ಚಿತ್ರವನ್ನು ಮೆಚ್ಚಿಕೊಂಡು ಚಿತ್ರತಂಡದ ಬೆನ್ನುತಟ್ಟಿದ್ದಾರೆ. ಸಿನಿಮಾ ನೋಡಿದ ದರ್ಶನ್, ಚಿತ್ರತಂಡವನ್ನು ಮನೆಗೆ ಆಹ್ವಾನಿಸಿ ಅಭಿನಂದನೆಗಳನ್ನು ತಿಳಿಸಿದ್ದರು.

ಕೊರೊನಾ ಭಯದ ನಡುವೆಯೂ ಬಿಡುಗಡೆ ಆಗಿರುವ ಆಕ್ಟ್-1978 ಸಿನಿಮಾ ತುಂಬಿದ ಗೃಹಗಳ ಪ್ರದರ್ಶನ ಕಾಣುತ್ತಿದೆ.