ಬೆಳ್ಳಿತೆರೆ ಮೇಲೆ ಅಬ್ಬರಿಸಲಿದ್ದಾನೆ 'ಭೈರತಿ ರಣಗಲ್ಲು'

ಭೈರತಿ ರಣಗಲ್ಲು ಹೆಸರಿನಲ್ಲಿ ಸಿನಿಮಾ

ಭೈರತಿ ರಣಗಲ್ಲು ಮಫ್ತಿ ಸಿನಿಮಾದಲ್ಲಿ ಶಿವರಾಜ್ ಕುಮಾರ್ ನಿರ್ವಹಿಸಿದ್ದ ಪಾತ್ರ. ಚಿತ್ರ ನೋಡಿದ ಪ್ರೇಕ್ಷಕರು ಭೈರತಿ ರಣಗಲ್ಲು ಅಭಿನಯ ಹಾಗೂ ಪಾತ್ರವನ್ನ ನಿರ್ವಹಿಸಿರುವ ರೀತಿಯನ್ನ ನೋಡಿ ತುಂಬಾ ಇಷ್ಟ ಪಟ್ಟಿದ್ದರು. ಈಗ ಅದೇ ಹೆಸರಿನಲ್ಲಿ ಚಿತ್ರ ತೆರೆಗೆ ಬರಲು ಸಜ್ಜಾಗಿದೆ.

ರಿಜಿಸ್ಟರ್ ಆಯ್ತು ಟೈಟಲ್

ಭೈರತಿ ರಣಗಲ್ಲು ಪಾತ್ರ ಪ್ರೇಕ್ಷಕರ ಮೇಲಷ್ಟೇ ಅಲ್ಲದೆ ಹ್ಯಾಟ್ರಿಕ್ ಹೀರೋ ಶಿವರಾಜ್ ಕುಮಾರ್ ಅವರ ಮೇಲಿಯೂ ಅಷ್ಟೇ ಪ್ರಭಾವ ಬೀರಿದ್ದಾನೆ. ಇದೇ ಕಾರಣಕ್ಕೆ ಶಿವಣ್ಣ ತಮ್ಮ ಬ್ಯಾನರ್ ನಲ್ಲಿ ಟೈಟಲ್ ರಿಜಿಸ್ಟರ್ ಮಾಡಿಸಿದ್ದಾರೆ.

ನರ್ತನ್ ಡೈರೆಕ್ಷನ್ ನಲ್ಲಿ ಭರತಿ ರಣಗಲ್ಲು

ಭೈರತಿ ರಣಗಲ್ಲು ಪಾತ್ರವನ್ನ ಸೃಷ್ಠಿ ಮಾಡಿರುವ ನಿರ್ದೇಶಕ ನರ್ತನ್ ಈ ಚಿತ್ರವನ್ನ ಡೈರೆಕ್ಟ್ ಮಾಡಲಿದ್ದಾರೆ. ಶಿವರಾಜ್ ಕುಮಾರ್ ಅವರ ನಿರ್ಮಾಣ ಸಂಸ್ಥೆಯಲ್ಲಿ ಚಿತ್ರ ನಿರ್ಮಾಣವಾಗಲಿದೆ.

ಬೈರತಿ ಪಾತ್ರದಲ್ಲಿ ಶಿವರಾಜ್ ಕುಮಾರ್

ಮಫ್ತಿ ಸಿನಿಮಾದ ಯಶಸ್ಸಿನಲ್ಲಿರೋ ನಿರ್ದೇಶಕ ನರ್ತನ್ ತಮ್ಮ ಮುಂದಿನ ಚಿತ್ರದ ಕೆಲಸವನ್ನ ಹೊಸ ವರ್ಷದಿಂದ ಪ್ರಾರಂಭ ಮಾಡಲು ನಿರ್ಧರಿಸಿದ್ದಾರೆ.ಎರಡನೇ ಸಿನಿಮಾದ ನಂತರ ಶಿವಣ್ಣ ಅಭಿನಯದ ಭೈರತಿ ರಣಗಲ್ಲು ಸಿನಿಮಾವನ್ನ ಡೈರೆಕ್ಟ್ ಮಾಡಲಿದ್ದಾರೆ.