ಮೊದಲ ದಿನವೇ ಬಾಕ್ಸ್ ಆಫೀಸ್ ಚಿಂದಿ ಉಡಾಯಿಸಿದ 'ಭರ್ಜರಿ' ಹುಡುಗ !

ಮೊದಲ ದಿನ 4.18 ಕೋಟಿ ಗಳಿಕೆ

ಕಳೆದ ಶುಕ್ರವಾರ (ಸಪ್ಟೆಂಬರ್ 15) ತೆರೆಗೆ ಬಂದ 'ಭರ್ಜರಿ' ಸಿನಿಮಾ ಮೊದಲ ದಿನವೇ 4.18 ಕೋಟಿ ಕಲೆಕ್ಷನ್ ಮಾಡಿದೆಯಂತೆ.

ವಿತರಕರ ಸಂತಸ

ಸಿನಿಮಾದ ಕಲೆಕ್ಷನ್ ನೋಡಿ ಚಿತ್ರತಂಡ ಫುಲ್ ಖುಷಿಯಾಗಿದೆ. ಚಿತ್ರದ ವಿತರಕರಾದ ಸುಪ್ರಿತ್ ''ಭರ್ಜರಿ' ಸಿನಿಮಾ 4.18 ಕೋಟಿ ಗಳಿಕೆ ಮಾಡುವ ಮೂಲಕ ಮೊದಲ ದಿನ ಅತಿ ಹೆಚ್ಚು ಕಲೆಕ್ಷನ್ ಮಾಡಿದ ಕನ್ನಡ ಚಿತ್ರವಾಗಿದೆ'' ಎಂದು ತಿಳಿಸಿದ್ದಾರೆ.

ಅಂದಾಜು ಗಳಿಕೆ

'ಭರ್ಜರಿ' ಚಿತ್ರದ ಕಲೆಕ್ಷನ್ ಲೆಕ್ಕಾಚಾರ ಮಾಡಿರುವ ಚಿತ್ರತಂಡ ಸಿನಿಮಾ ಮೂರು ದಿನದಲ್ಲಿ 12 ಕೋಟಿ ಮತ್ತು ಒಂದೇ ವಾರದಲ್ಲಿ 20 ಕೋಟಿ ಸಾಧ್ಯತೆ ಇದೆ ಎಂದು ಅಂದಾಜು ಮಾಡಿದೆ.

ಉತ್ತರ ಕರ್ನಾಟಕದಲ್ಲಿ ದೊಡ್ಡ ರೆಸ್ಪಾನ್ಸ್

'ಭರ್ಜರಿ' ಸಿನಿಮಾ ಉತ್ತರ ಕರ್ನಾಟಕದಲ್ಲಿ ದೊಡ್ಡ ಓಪನಿಂಗ್ ಪಡೆದುಕೊಂಡಿದೆ. ಉತ್ತರ ಕರ್ನಾಟಕದಲ್ಲಿ ಚಿತ್ರ ಸುಮಾರು 2.76 ಕೋಟಿ ಗಳಿಸಿದೆ ಎನ್ನಲಾಗಿದೆ.

ಸಿನಿಮಾ ಹೇಗಿದೆ..?

'ಭರ್ಜರಿ' ಸಿನಿಮಾ ಡಬಲ್ ಮೀನಿಂಗ್ ಡೈಲಾಗ್ಸ್ ಇಲ್ಲದ, ಐಟಂ ಸಾಂಗ್ಸ್ ತುರುಕದ, ಅಸಭ್ಯ ಸನ್ನಿವೇಶಗಳು ಇಲ್ಲದ ಕಂಪ್ಲೀಟ್ ಎಂಟರ್ ಟೇನರ್. ಧ್ರುವ ಸರ್ಜಾ ಅಭಿಮಾನಿಗಳಿಗೆ 'ಭರ್ಜರಿ' ಮನರಂಜನೆ ನೀಡುವ ಈ ಚಿತ್ರವನ್ನ ಆರಾಮಾಗಿ ಇಡೀ ಫ್ಯಾಮಿಲಿ ಕೂತು ನೋಡಬಹುದು.