ಆಕ್ಷನ್ ಪ್ರಿನ್ಸ್ ಧ್ರುವ ಸರ್ಜಾ ಅಭಿನಯದ 'ಭರ್ಜರಿ' ಚಿತ್ರದ ಟೈಟಲ್ ಹಾಡು ಬಿಡುಗಡೆಯಾಗಿದ್ದು, ಸಾಮಾಜಿಕ ಜಾಲತಾಣದಲ್ಲಿ ಧೂಳೆಬ್ಬಿಸುತ್ತಿದೆ. ಬಿಡುಗಡೆಯಾದ ಎರಡೇ ದಿನದಲ್ಲಿ ಅತಿ ಹೆಚ್ಚು ವೀಕ್ಷಕರು ಈ ಹಾಡನ್ನ ನೋಡಿದ್ದು, 'ಭರ್ಜರಿ ಸೌಂಡು'ಗೆ ಫಿದಾ ಆಗಿದ್ದಾರೆ.
ಆಗಸ್ಟ್ 24 ರಂದು 'ಭರ್ಜರಿ' ಚಿತ್ರದ 'ಭರ್ಜರಿ ಸೌಂಡು' ಯ್ಯೂಟ್ಯುಬ್ ನಲ್ಲಿ ರಿಲೀಸ್ ಆಗಿತ್ತು. 26 ಗಂಟೆಯಲ್ಲಿ ಸುಮಾರು 4 ಲಕ್ಷ ವೀಕ್ಷಕರನ್ನ ಹೊಂದಿದ್ದ ಈ ಹಾಡನ್ನ, 48 ಗಂಟೆಯಲ್ಲಿ 8 ಲಕ್ಷ ವೀಕ್ಷಕರು ನೋಡಿದ್ದಾರೆ.
ಇವನೊಂಶ ಸರ್ಜಾ ರೀ,,,,ಇವನು ಆಲ್ವೇಸ್ 'ಭರ್ಜರಿ'.!
ನಿರ್ದೇಶಕ ಕಮ್ ಬರಹಗಾರ ಚೇತನ್ ಕುಮಾರ್ ಈ ಹಾಡಿಗೆ ಸಾಹಿತ್ಯ ಬರೆದಿದ್ದು, ವಿ.ಹರಿಕೃಷ್ಣ ಮ್ಯೂಸಿಕ್ ಕಂಪೋಸ್ ಮಾಡಿದ್ದಾರೆ. ಶಶಾಂಕ್ ಶೇಷಗಿರಿ ಅವರ ಕಂಠದಲ್ಲಿ ಈ ಹಾಡು ಮೂಡಿ ಬಂದಿದ್ದು, ಡಿ-ಬೀಟ್ಸ್ ಸಂಸ್ಥೆ ರಿಲೀಸ್ ಮಾಡಿದೆ.
ಇನ್ನು ಧ್ರುವ ಸರ್ಜಾಗೆ ಚಿತ್ರದಲ್ಲಿ ಡಿಂಪಲ್ ಕ್ವೀನ್ ರಚಿತಾ ರಾಮ್ ನಾಯಕಿಯಾಗಿ ಸಾಥ್ ಕೊಟ್ಟಿದ್ದು, ಚಿತ್ರದ ಮುಖ್ಯಪಾತ್ರವೊಂದರಲ್ಲಿ ಹರಿಪ್ರಿಯಾ ಕೂಡ ಕಾಣಿಸಿಕೊಂಡಿದ್ದಾರೆ. ಈಗಾಗಲೇ ಟೀಸರ್ ಮೂಲಕ ಅಬ್ಬರಿಸುತ್ತಿರುವ 'ಭರ್ಜರಿ' ಸೆಪ್ಟಂಬರ್ ನಲ್ಲಿ ತೆರೆ ಕಾಣಲಿದೆ.
