ಫೋಟೋ ಆಲ್ಬಂ: ವಿದೇಶಿ ಯುವಕನ ಜೊತೆ ಕನ್ನಡ ನಟಿ ಸ್ನೇಹಾ ಮದುವೆ

ಯಾರು ಈ ರಾಯನ್.?

ನ್ಯೂಯಾರ್ಕ್ ಮೂಲದವರಾದರೂ ರಾಯನ್ ಕೆಲಸ ಮಾಡುತ್ತಿರುವುದು ಬೆಂಗಳೂರಿನಲ್ಲಿ. ಮೂರು ವರ್ಷಗಳಿಂದ ಬೆಂಗಳೂರಿನಲ್ಲೇ ರಾಯನ್ ಕೆಲಸ ಮಾಡುತ್ತಿದ್ದಾರೆ. ಈ ನಡುವೆ ಅವರಿಗೆ ಸ್ನೇಹಾ ಆಚಾರ್ಯ ಪರಿಚಯವಾಗಿದೆ. ಪರಿಚಯ ಪ್ರೀತಿಗೆ ತಿರುಗಿ ಇದೀಗ ಇಬ್ಬರೂ ಹಸೆಮಣೆ ಏರಿದ್ದಾರೆ.

ಇಬ್ಬರ ನಡುವೆ ಪ್ರೀತಿ ಮೂಡಿದ್ದು ಹೇಗೆ.?

ವೃತ್ತಿಯಲ್ಲಿ ಸ್ನೇಹಾ ಆಚಾರ್ಯ ಡ್ಯಾನ್ಸರ್. ಮುಂಬೈನಲ್ಲಿ ನೃತ್ಯ ಸಂಯೋಜಕಿ ಆಗಿರುವ ಸ್ನೇಹಾ ಆಚಾರ್ಯ, ಗೋವಿಂದಾ, ಶಾಹಿದ್ ಕಪೂರ್, ಪ್ರಭುದೇವ, ಪ್ರಿಯಾಂಕಾ ಛೋಪ್ರಾಗೆ ಕೊರಿಯೋಗ್ರಫಿ ಮಾಡುವ ತಂಡದಲ್ಲಿ ಇದ್ದಾರೆ. ಸ್ನೇಹಾ ಆಚಾರ್ಯ ಅವರ ನೃತ್ಯ ನೋಡಿ ರಾಯನ್ ಕ್ಲೀನ್ ಬೌಲ್ಡ್ ಆಗಿದ್ದರಂತೆ.

ಪ್ರಪೋಸ್ ಮಾಡಿದ ರಾಯನ್

ಸ್ನೇಹಾ ಆಚಾರ್ಯಗಾಗಿ ನಿಗದಿಗಿಂತ ಹೆಚ್ಚು ಸಮಯ ಬೆಂಗಳೂರಿನಲ್ಲೇ ಕಳೆದಿದ್ದಾರೆ ರಾಯನ್. ಅಲ್ಲದೇ, ಸ್ನೇಹಾಗೆ ಪ್ರಪೋಸ್ ಮಾಡಿದ್ದು ಕೂಡ ರಾಯನ್. ಹೀಗಾಗಿ, ರಾಯನ್ ಪ್ರೀತಿಗೆ ಸಮ್ಮತಿ ನೀಡಿ ಸ್ನೇಹಾ ಆಚಾರ್ಯ ಮದುವೆ ಆಗಿದ್ದಾರೆ.

ಮರಳಿ 'ಬಿಗ್ ಬಾಸ್'ಗೆ ಬರ್ತಾರಾ ಸ್ನೇಹಾ.?

ಮದುವೆ ಮೊದಲೇ ಫಿಕ್ಸ್ ಆಗಿದ್ದಕ್ಕೋ ಏನೋ.. ಮೂರು ವಾರಗಳಲ್ಲೇ ಸ್ನೇಹಾ 'ಬಿಗ್ ಬಾಸ್' ಮನೆಯಿಂದ ಹೊರಗೆ ಬಂದುಬಿಟ್ಟರು. ಇದೀಗ ಮದುವೆ ಮುಗಿದಿದೆ. ವೈಲ್ಡ್ ಕಾರ್ಡ್ ಎಂಟ್ರಿ ಸ್ನೇಹಾಗೆ ಸಿಗುತ್ತಾ.? ನೋಡಬೇಕು.