ತೆಲುಗಿನ ಪವರ್ ಸ್ಟಾರ್ ಗೆ ಸೆಲೆಬ್ರಿಟಿಗಳಿಂದ ಟ್ವೀಟ್ ವಿಶ್

ತೆಲುಗು ನಟ ರಾಮ್ ಚರಣ್ ತೇಜಾ

ತೆಲುಗಿನ ಖ್ಯಾತ ನಟ ಮೆಗಾಸ್ಟಾರ್ ಚಿರಂಜೀವಿ ಪುತ್ರ ರಾಮ್ ಚರಣ್ ತೇಜಾ ಅವರು ತಮ್ಮ ಚಿಕ್ಕಪ್ಪ ಪವನ್ ಕಲ್ಯಾಣ್ ಅವರಿಗೆ ಹುಟ್ಟುಹಬ್ಬದ ಹಾರ್ದಿಕ ಶುಭಾಶಯಗಳನ್ನು ತಿಳಿಸಿದ್ದಾರೆ. ಜೊತೆಗೆ ಚಿಕ್ಕವಯಸ್ಸಿನಲ್ಲಿರುವಾಗ ಪವರ್ ಸ್ಟಾರ್ ಜೊತೆ ಕಳೆದ ಸಂಭ್ರಮದ ಕ್ಷಣಗಳನ್ನು ರಾಮ್ ಚರಣ್ ಹಂಚಿಕೊಂಡಿದ್ದಾರೆ.

ಸ್ಟೈಲೀಷ್ ಸ್ಟಾರ್ ಅಲ್ಲು ಅರ್ಜುನ್

ಟಾಲಿವುಡ್ ನ ಇನ್ನೋರ್ವ ಖ್ಯಾತ ನಟ ಸ್ಟೈಲೀಷ್ ಸ್ಟಾರ್ ಅಲ್ಲು ಅರ್ಜುನ್ ಅವರು ಪವರ್ ಸ್ಟಾರ್ ಪವನ್ ಕಲ್ಯಾಣ್ ಅವರಿಗೆ ಟ್ವಿಟ್ಟರ್ ಮೂಲಕ ಜನುಮದಿನದ ಶುಭಾಶಯ ಕೋರಿದ್ದಾರೆ.

ಟಾಲಿವುಡ್ ಸ್ಟಾರ್ ಅಲ್ಲು ಸಿರೀಷ್

ಟಾಲಿವುಡ್ ಕ್ಷೇತ್ರದ ಇನ್ನೊಬ್ಬ ನವ ನಟ ಅಲ್ಲು ಸಿರೀಷ್ ಅವರು 'ಹ್ಯಾಪಿ ಬರ್ತ್ ಡೇ ಪವರ್ ಸ್ಟಾರ್ ಪವನ್ ಕಲ್ಯಾಣ್ ಅವರಿಗೆ ನಿಮಗೆ ಸುಖ, ಶಾಂತಿ, ಆರೋಗ್ಯವನ್ನು ಆ ದೇವರು ನೀಡಲಿ ಎಂದು ಟ್ವಿಟ್ಟರ್ ಮೂಲಕ ಶುಭ ಹಾರೈಸಿದ್ದಾರೆ.

ರಾಕುಲ್ ಪ್ರೀತ್

ಸದ್ಯಕ್ಕೆ ಲೀಡಿಂಗ್ ನಲ್ಲಿರುವ ಟಾಲಿವುಡ್ ಕ್ಷೇತ್ರದ ಗ್ಲಾಮರ್ ಬೊಂಬೆ ರಾಕುಲ್ ಪ್ರೀತ್ ಅವರು ಪವನ್ ಕಲ್ಯಾಣ್ ಅವರಿಗೆ ಹುಟ್ಟುಹಬ್ಬದ ಶುಭಾಶಯ ಕೋರಿದ್ದಾರೆ. ಇವರು ರಾಮ್ ಚರಣ್ ಅವರೊಂದಿಗೆ 'ಬ್ರೂಸ್ ಲೀ' ಚಿತ್ರದಲ್ಲಿ ನಟಿಸುತ್ತಿದ್ದಾರೆ.

ತೆಲುಗು ನಟ ಸಾಯಿ ಧರ್ಮ ತೇಜ

ಸದ್ಯಕ್ಕೆ 2-3 ಚಿತ್ರಗಳನ್ನು ಮಾಡುವ ಮೂಲಕ ನಾಯಕನಾಗಿ ಅಂಬೆಗಾಲಿಕ್ಕುತ್ತಿರುವ ನಟ ಸಾಯಿ ಧರ್ಮ ತೇಜ ಅವರು ಪವರ್ ಸ್ಟಾರ್ ಪವನ್ ಕಲ್ಯಾಣ್ ಅವರನ್ನು ಗುರುಗಳಾಗಿ ಕಾಣುತ್ತಿದ್ದು, ಅವರಿಗೆ ಟ್ವಿಟ್ಟರ್ ಮೂಲಕ ಹುಟ್ಟುಹಬ್ಬದ ಶುಭಾಶಯ ಕೋರಿದ್ದಾರೆ.

ನಿರ್ದೇಶಕ ಹರೀಶ್ ಶಂಕರ್ ಎಸ್

ಪವನ್ ಕಲ್ಯಾಣ್ ಅವರ 'ಗಬ್ಬರ್ ಸಿಂಗ್' ಚಿತ್ರಕ್ಕೆ ಆಕ್ಷನ್-ಕಟ್ ಹೇಳಿದ್ದ ನಿರ್ದೇಶಕ ಹರೀಶ್ ಶಂಕರ್ ಎಸ್ ಅವರು ಬರ್ತ್ ಡೇ ಬಾಯ್ ಪವರ್ ಸ್ಟಾರ್ ಪವನ್ ಕಲ್ಯಾಣ್ ಅವರಿಗೆ 'ಹ್ಯಾಪಿ ಬರ್ತ್ ಡೇ ಮೈ ಗಬ್ಬರ್ ಸಿಂಗ್' ಎಂದು ಟ್ವೀಟ್ ಮಾಡುವ ಮೂಲಕ ಬರ್ತ್ ಡೇ ವಿಶ್ ಮಾಡಿದ್ದಾರೆ

ನಟ ವರುಣ್ ತೇಜ್

'ಕಂಚಿ' ಚಿತ್ರದ ನಾಯಕ ತೆಲುಗು ನಟ ವರುಣ್ ತೇಜ್ ಅವರು ಪವರ್ ಸ್ಟಾರ್ ಪವನ್ ಕಲ್ಯಾಣ್ ಅವರ ಹುಟ್ಟುಹಬ್ಬಕ್ಕೆ ಶುಭಾಶಯ ಕೋರಿದ್ದಾರೆ.

ತೆಲುಗು ನಟ ರಾಣಾ ದಗ್ಗುಬಾಟಿ

'ಬಾಹುಬಲಿ' ಚಿತ್ರದಲ್ಲಿ ಪ್ರಮುಖ ಪಾತ್ರ ವಹಿಸಿದ ನಾಯಕ ನಟ ರಾಣಾ ದಗ್ಗುಬಾಟಿ ಅವರು ಪವನ್ ಕಲ್ಯಾಣ್ ಅವರೊಂದಿಗಿರುವ ಹಳೇ ನೆನಪುಗಳನ್ನು ಹಂಚಿಕೊಳ್ಳುವ ಮೂಲಕ ಹುಟ್ಟುಹಬ್ಬದ ಶುಭಾಶಯ ಕೋರಿದ್ದಾರೆ.

ನಿರ್ದೇಶಕ ಕೋನ ವೆಂಕಟ್

ರಾಮ್ ಚರಣ್ ತೇಜಾ ಅವರ ಹೊಸ ಚಿತ್ರ 'ಬ್ರೂಸ್ ಲೀ' ಚಿತ್ರದ ನಿರ್ದೇಶಕ ಕೋನ ವೆಂಕಟ್ ಅವರು ಪವನ್ ಕಲ್ಯಾಣ್ ಅವರ ಹುಟ್ಟುಹಬ್ಬಕ್ಕೆ ಸ್ಪೆಷಲ್ ಸಾಂಗ್ ಅರ್ಪಿಸುವ ಮೂಲಕ ಹುಟ್ಟುಹಬ್ಬದ ಶುಭ ಕೋರಿದ್ದಾರೆ

ನಟ, ನಿರ್ಮಾಪಕ ಬಾಂದ್ಲಾ ಗಣೇಶ್ ಬಾಬು

ತೆಲುಗಿನ ನಟ, ನಿರ್ಮಾಪಕ ಬಾಂದ್ಲಾ ಗಣೇಶ್ ಬಾಬು ಅವರು ಪವರ್ ಸ್ಟಾರ್ ಪವನ್ ಕಲ್ಯಾಣ್ ಅವರಿಗೆ ಪವರ್ ಫುಲ್ ವಿಶ್ ಮಾಡಿದ್ದಾರೆ.