'ಪೈಲ್ವಾನ್' ನಂತರ ಮತ್ತೊಂದು ಕನ್ನಡ ಸಿನಿಮಾದಲ್ಲಿ ಸುನಿಲ್ ಶೆಟ್ಟಿ.!

'ಪಿರಂಗಿಪುರ' ಚಿತ್ರದಲ್ಲಿ ಸುನಿಲ್ ಶೆಟ್ಟಿ ಅಂತೆ.!

ಸಂಚಾರಿ ವಿಜಯ್ ಅಭಿನಯದ ಬಹುಭಾಷಾ ಸಿನಿಮಾ 'ಪಿರಂಗಿಪುರ' ಚಿತ್ರದಲ್ಲಿ ಸುನಿಲ್ ಶೆಟ್ಟಿ ಅಭಿನಯಿಸಲಿದ್ದಾರೆ ಎನ್ನಲಾಗುತ್ತಿದೆ. ಇತ್ತೀಚೆಗಷ್ಟೆ ಸುನಿಲ್ ಶೆಟ್ಟಿ ಅವರನ್ನ ಪಿರಂಗಿಪುರ ಚಿತ್ರತಂಡ ಭೇಟಿ ಮಾಡಿದ್ದು, ಈ ಬಗ್ಗೆ ಮಾತುಕತೆ ನಡೆಸಿದೆ. ಆದ್ರೆ, ಈ ಬಗ್ಗೆ ಸುನಿಲ್ ಶೆಟ್ಟಿ ಯಾವುದೇ ಒಪ್ಪಿಗೆ ಕೊಟ್ಟಿಲ್ಲವೆಂಬುದು ಅಸಲಿ ನಿಜ.

ವಿಲನ್ ಪಾತ್ರದಲ್ಲಿ ಬಾಲಿವುಡ್ ನಟ.!

ಸುದೀಪ್ ಅಭಿನಯಿಸುತ್ತಿರುವ 'ಪೈಲ್ವಾನ್' ಚಿತ್ರದಲ್ಲಿ ಸುನಿಲ್ ಶೆಟ್ಟಿ ಅವರ ಪಾತ್ರದ ಬಗ್ಗೆ ಬಿಟ್ಟುಕೊಟ್ಟಿಲ್ಲ. ಒಂದು ವೇಳೆ ಸುನಿಲ್ ಶೆಟ್ಟಿ ಈ ಸಿನಿಮಾ ಒಪ್ಪಿಕೊಂಡ್ರೆ, ಮುಖ್ಯ ಖಳನಾಯಕನಾಗಿ ಕೊಳ್ಳಬಹುದಂತೆ. ಒಬ್ಬ ಕ್ರೂರ ರಾಜನಾಗಿ ಬಣ್ಣ ಹಚ್ಚಬಹುದು.

ಐದು ಭಾಷೆಯಲ್ಲಿ ಬರಲಿದೆ 'ಪಿರಂಗಿಪುರ'

ಜನಾರ್ದನ್ ಪಿ. ಜಾನಿ ನಿರ್ದೇಶಿಸುತ್ತಿರುವ ಈ ಚಿತ್ರದ ಫಸ್ಟ್​ಲುಕ್ ಈಗಾಗಲೇ ರಿಲೀಸ್ ಆಗಿ ಗಮನ ಸೆಳೆದಿದೆ. ಆರಂಭದಲ್ಲಿ ಈ ಚಿತ್ರ ಕನ್ನಡ ಮತ್ತು ತಮಿಳಿನಲ್ಲಿ ಬಿಡುಗಡೆಯಾಗುತ್ತೆ ಎನ್ನಲಾಗಿತ್ತು. ಆದ್ರೀಗ, ಗುಜರಾತಿನ ಅದಾನಿ ಟೆಲಿಫಿಲ್ಮ್ ಸಂಸ್ಥೆ ಸಾಥ್ ನೀಡಿರುವುದರಿಂದ ಕನ್ನಡ, ತಮಿಳು, ತೆಲುಗು, ಮಲಯಾಳಂ ಮತ್ತು ಹಿಂದಿ ಭಾಷೆಯಲ್ಲಿ ಸಿನಿಮಾ ಸಿದ್ಧವಾಗಿತ್ತಿದೆಯಂತೆ.

25 ಕೋಟಿ ವೆಚ್ಚದಲ್ಲಿ ಚಿತ್ರೀಕರಣ

ಅಂದ್ಹಾಗೆ, ಪಿರಂಗಿಪುರ ಸಿನಿಮಾ ಸಂಪೂರ್ಣ ಗ್ರಾಫಿಕ್ಸ್ ತಂತ್ರಜ್ಞಾನದಲ್ಲಿ ತಯಾರಾಗುತ್ತಿದೆ. ಕಥೆಗೆ ಅಗತ್ಯವಿರುವ ಲೊಕೇಷನ್​ಗಳ ಪೈಕಿ ಶೇ. 20 ಭಾಗ ಸೆಟ್ ನಿರ್ವಿುಸಿದರೆ, ಇನ್ನುಳಿದ 80 ಭಾಗ ವಿಎಫ್​ಎಕ್ಸ್ ಮೂಲಕ ಕಟ್ಟಿಕೊಡುವ ಪ್ಲ್ಯಾನ್ ಚಿತ್ರತಂಡದ್ದು. ಇದಕ್ಕಾಗಿ ಕಳೆದ 9 ತಿಂಗಳುಗಳಿಂದ ನುರಿತ 12 ತಂತ್ರಜ್ಞರ ತಂಡ ಶ್ರಮಿಸುತ್ತಿದೆಯಂತೆ.