ಸನ್ನಿ ಲಿಯೋನ್- ಗುರುಕಿರಣ್ ಮಧ್ಯೆ ಇದೆಂತಹ ಜುಗಲ್ ಬಂದಿ.?

ಮನರಂಜನಾ ಕ್ಷೇತ್ರದಲ್ಲಿ ಅಂಬೆಗಾಲಿಡುತ್ತಿರುವ ಕೆ.ಬಿ.ಜಿ. ಇವೆಂಟ್ ಮ್ಯಾನೇಜ್ ಮೆಂಟ್ ಕಂಪನಿಯವರು ಸನ್ನಿ ಲಿಯೋನ್ ಅಭಿಮಾನಿಗಳಿಗೋಸ್ಕರ ಹಾಟ್ ಬೆಡಗಿಯನ್ನು ಮತ್ತೊಮ್ಮೆ ಬೆಂಗಳೂರಿಗೆ ಕರೆ ತರುತ್ತಿದ್ದಾರೆ.

ಈ ಹಿಂದೆ 2 ಬಾರಿ ಆಕೆ ಸಿನಿಮಾಗಳಲ್ಲಿ ನಟಿಸಲು ಬೆಂಗಳೂರಿಗೆ ಬಂದಿದ್ದರೂ ಕೂಡ ಸಾರ್ವಜನಿಕವಾಗಿ ಎಲ್ಲೂ ಕಾಣಿಸಿಕೊಂಡಿರಲಿಲ್ಲ. ಇದೀಗ ಇದೇ ಮೊದಲ ಬಾರಿಗೆ ನಟಿ ಸನ್ನಿ ಲಿಯೋನ್ ಅವರು ಸಾರ್ವಜನಿಕ ಮನರಂಜನಾ ಕಾರ್ಯಕ್ರಮದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ.['ಗೂಗಲ್ ಸರ್ಚ್'ನಲ್ಲೂ ಸನ್ನಿ-ಸಲ್ಲುದೇ ದರ್ಬಾರ್]

ಅಂದಹಾಗೆ ಕೆ.ಬಿ.ಜಿ ಸಂಸ್ಥೆಯು ಚಲನಚಿತ್ರ ಸಂಗೀತ ಹಾಗೂ ನೃತ್ಯ ಪ್ರೇಮಿಗಳಿಗಾಗಿ ಇದೇ ಜುಲೈ 24ರ, ಭಾನುವಾರದಂದು "ಕೆ.ಬಿ.ಜಿ. ಅರ್ಬನ್ ಶೋ" ಎಂಬ ಸಂಗೀತ ನೃತ್ಯಗಾಯನ ಹಾಗೂ ಮನರಂಜನಾ ಕಾರ್ಯಕ್ರಮವನ್ನು ಏರ್ಪಡಿಸಿದೆ. ಈ ಕಲರ್ ಫುಲ್ ಕಾರ್ಯಕ್ರಮದಲ್ಲಿ ಸ್ಯಾಂಡಲ್ ವುಡ್ ಹಾಗೂ ಬಾಲಿವುಡ್‍ ನ ಹಲವಾರು ಸ್ಟಾರ್ ನಟ-ನಟಿಯರು ಪಾಲ್ಗೊಳ್ಳಲಿದ್ದಾರೆ.

ಬೆಂಗಳೂರಿನ ಹೆಬ್ಬಾಳ ಸಮೀಪದ 'ಮ್ಯಾನ್ ಪೊ ಕನ್‍ವೆನ್ ಷನ್ ಸೆಂಟರ್'(ಮಾನ್ಯತಾ ಟೆಕ್‍ ಪಾರ್ಕ್ ಬಳಿ) ನಲ್ಲಿ ಈ ಅದ್ದೂರಿ ಕಾರ್ಯಕ್ರಮ ನಡೆಯಲಿದೆ.[ಉದ್ಯಾನನಗರಿ ಬೆಂಗಳೂರನ್ನು ಮನಸಾರೆ ಹೊಗಳಿದ ಸನ್ನಿ ಲಿಯೋನ್]

ಜೊತೆಗೆ ಅಂದು ಸಂಜೆ 5 ಗಂಟೆಯಿಂದ ರಾತ್ರಿ 9 ರವರೆಗೆ ಸುಮಾರು 4 ಘಂಟೆಗಳ ಕಾಲ ನಡೆಯಲಿರುವ ಈ ವರ್ಣರಂಜಿತ ಮನರಂಜನಾ ಕಾರ್ಯಕ್ರಮದಲ್ಲಿ ಸ್ಯಾಂಡಲ್ ವುಡ್ ನ ಖ್ಯಾತ ಸಂಗೀತ ನಿರ್ದೇಶಕ ಗುರುಕಿರಣ್ ಹಾಗೂ ಅವರ ಸಂಗಡಿಗರಿಂದ ಕನ್ನಡ ಹಾಗೂ ಬಾಲಿವುಡ್‍ ನ ಪ್ರಖ್ಯಾತ ಚಲನಚಿತ್ರ ಗೀತೆಗಳ ಲೈವ್ ಪರ್ಫಾಮೆನ್ಸ್ ಜರುಗುತ್ತದೆ.

ವಿಶೇಷವಾಗಿ ಬಾಲಿವುಡ್‍ ನ ಹೆಸರಾಂತ ನಟಿ, ಮಾದಕ ಚೆಲುವೆ ಸನ್ನಿ ಲಿಯೋನ್ ಅವರು 'ಡಿಕೆ' ಚಿತ್ರದ ಶೇಷಮ್ಮ ಶೇಷಮ್ಮ ಎಂಬ ಹಾಡಿಗೆ ಸಖತ್ ಆಗಿ ಸೊಂಟ ಬಳುಕಿಸಲಿದ್ದಾರೆ.[ತಾಯ್ತನದ ಸುಖ ಅನುಭವಿಸಲು ಸನ್ನಿ ಲಿಯೋನ್ ಸಿದ್ಧ!]

ಇದರ ಜೊತೆಗೆ ಅಂತಾರಾಷ್ಟ್ರೀಯ ಫ್ಯಾಷನ್ ಡಿಸೈನರ್ ಆದ ಮಿ. ರಿಯಾಸ್ ಪಾಷಾ ಹಾಗೂ ಅವರ ತಂಡದಿಂದ ಫ್ಯಾಷನ್ ಶೋ ಕಾರ್ಯಕ್ರಮ ಕೂಡ ನಡೆಯಲಿದೆ. ಈ ಫ್ಯಾಷನ್ ಶೋದಲ್ಲಿ ರಾಷ್ಟ್ರೀಯ ಹಾಗೂ ಅಂತರರಾಷ್ಟ್ರೀಯ ಖ್ಯಾತಿಯ ಸೂಪರ್ ಮಾಡೆಲ್‍ ಗಳು ರ್ಯಾಂಪ್ ವಾಕ್ ಮಾಡಲಿದ್ದಾರೆ.[ಪಲ್ಲಕ್ಕಿ ಚಿತ್ರಕ್ಕೆ ಗುರು ಕಿರಣ್‌ ಸ್ವರಸಿಂಚನ]

ಸಂಸ್ಥೆಯ ಪರಿಚಯ: ಕೆ.ಬಿ.ಜಿ. ಇಂಟಗ್ರೇಡೆಡ್ ಇವೆಂಟ್ಸ್ ಕಂಪನಿಯು ಒಂದು ಇವೆಂಟ್ಸ್ ಆರ್ಗನೈಸೇಷನ್ ಸಂಸ್ಥೆಯಾಗಿದ್ದು ಪ್ರತೀ ವರ್ಷವೂ ಹಲವಾರು ಮನರಂಜನಾ ಕಾರ್ಯಕ್ರಮಗಳನ್ನು ಹಮ್ಮಿಕೊಂಡಿದೆ.ಇದರಿಂದ ಬರುವ ಲಾಭಾಂಶದಲ್ಲಿ ಕೆಲ ಭಾಗವನ್ನು ಅನಾಥ ಮಕ್ಕಳ ವಿದ್ಯಾಭ್ಯಾಸಕ್ಕಾಗಿ ವಿನಿಯೋಗಿಸುವ ಯೋಜನೆಯನ್ನು ಕೂಡ ಈ ಸಂಸ್ಥೆ ಹಾಕಿಕೊಂಡಿದೆ. ಇದರ ಸಲುವಾಗಿಯೇ ಈ ವರ್ಷ ಸನ್ನಿ ಲಿಯೋನ್ ಹಾಗೂ ಗುರುಕಿರಣ್ ಅವರ ಜುಗಲ್‍ಬಂದಿ ಸಂಗೀತ ಕಾರ್ಯಕ್ರಮವನ್ನು ಏರ್ಪಡಿಸಲಾಗಿದೆ.

ನಿಮಗೂ ಈ ಕಲರ್ ಫುಲ್ ಸಂಜೆ ಸಮಾರಂಭದಲ್ಲಿ ಭಾಗವಹಿಸಲು ಅವಕಾಶವಿದ್ದು, ನೆಚ್ಚಿನ ನಟಿ ಸನ್ನಿ ಲಿಯೋನ್ ಅವರನ್ನು ಬಹಳ ಹತ್ತಿರದಿಂದ ನೋಡುವ ಅವಕಾಶ ದೊರೆಯಲಿದೆ. ತಪ್ಪದೇ ಸಮಾರಂಭದಲ್ಲಿ ಪಾಲ್ಗೊಳ್ಳಿ.