ಜೋಗಿ ಪ್ರೇಮ್ ಹಾಗೂ ಧ್ರುವ ಸರ್ಜಾ ಸಿನಿಮಾಗೆ ಕೆಜಿಎಫ್ ವಿತರಕನ ಸಾಥ್: ಮತ್ತೊಂದು ದಾಖಲೆಗೆ ರೆಡಿ!

ಪ್ರೇಮ್-ಧ್ರುವ ಚಿತ್ರಕ್ಕೆ 'ಕೆಜಿಎಫ್' ವಿತರಕ ಸಾಥ್

ಜೋಗಿ ಪ್ರೇಮ್ ಸಿನಿಮಾ ಬಿಡುಗಡೆಗೂ ಮುನ್ನ ಸಿಕ್ಕಾಪಟ್ಟೆ ಸದ್ದು ಮಾಡುತ್ತೆ. ಈಗ ಧ್ರುವ ಸರ್ಜಾ ಸಿನಿಮಾ ಆರಂಭ ಆಗುವುದಕ್ಕೂ ಮುನ್ನವೇ ಸೌಂಡ್ ಮಾಡುವುದಕ್ಕೆ ಶುರು ಮಾಡಿದೆ. ಕೆವಿಎನ್ ಪ್ರೊಡಕ್ಷನ್ ಹೌಸ್ ನಿರ್ಮಿಸುತ್ತಿರುವ ಈ ಸಿನಿಮಾ ಜೊತೆ ಬಾಲಿವುಡ್‌ನಲ್ಲಿ 'ಕೆಜಿಎಫ್' ಸಿನಿಮಾ ವಿತರಿಸಿದ್ದ ಅನಿಲ್ ತಡಾನಿ ಕೈ ಜೋಡಿಸಿದ್ದಾರೆ. ಅನಿಲ್ ತಡಾನಿಯನ್ನು ಭೇಟಿ ಮಾಡಿದ್ದ ಫೋಟೊವನ್ನು ನಿರ್ದೇಶಕ ಜೋಗಿ ಪ್ರೇಮ್ ಹಂಚಿಕೊಂಡಿದ್ದಾರೆ.

ಧ್ರುವ ಸರ್ಜಾಗೆ ಕಷ್ಟದ ಕೆಲಸ ಕೊಟ್ಟ ಪ್ರೇಮ್; ಕನ್ನಡ ನಟರಲ್ಲಿ ಈ ಕೆಲಸ ಇದೇ ಮೊದಲು

ಬಿಗ್ ಸಿನಿಮಾಗಳ ವಿತಕರ ಅನಿಲ್ ತಡಾನಿ

ಬಾಲಿವುಡ್ ವಿತರಕ ಅನಿಲ್ ತಡಾನಿ ದಕ್ಷಿಣ ಭಾರತದ ಬ್ಲಾಕ್ ಬಸ್ಟರ್ ಸಿನಿಮಾಗಳನ್ನು ವಿತರಣೆ ಮಾಡಿದ್ದಾರೆ. ರಾಜಮೌಳಿ ನಿರ್ಮಿಸಿದ್ದ 'ಬಾಹುಬಲಿ', ರಾಕಿಂಗ್‌ ಸ್ಟಾರ್ ಯಶ್ ನಟಿಸಿದ್ದ 'ಕೆಜಿಎಫ್', ಅಲ್ಲು ಅರ್ಜನ್ ಸಿನಿಮಾ 'ಪುಷ್ಪ'ವನ್ನು ಬಾಲಿವುಡ್‌ನಲ್ಲಿ ವಿತರಣೆ ಮಾಡಿದ್ದಾರೆ. ಈಗ ಕೆವಿಎನ್ ಪ್ರೊಡಕ್ಷನ್ ಜೊತೆನೂ ಕೈ ಜೋಡಿಸಿದ್ದಾರೆ. ಈ ಮೂಲಕ ಪ್ರೇಮ್ ಹಾಗೂ ಧ್ರುವ ಕಾಂಬಿನೇಷನ್‌ ಸಿನಿಮಾ ಆನೆಬಲ ಬಂದಂತಾಗಿದೆ. ಮುಂಬೈನಲ್ಲಿ ಅನಿಲ್ ತಡಾನಿಯನ್ನು ಪ್ರೇಮ್ ಹಾಗೂ ಕೆವಿಎನ್ ಸಂಸ್ಥೆಯ ಬ್ಯುಸಿನೆಸ್ ಹಾಗೂ ಆಪರೇಷನ್ ಹೆಡ್ ಸುಪ್ರಿತ್ ಭೇಟಿ ಮಾಡಿದ್ದು, ಆ ಫೋಟೊ ವೈರಲ್ ಆಗಿದೆ.

ಟೈಟಲ್ ಟೀಸರ್ ಯಾವಾಗ?

ಜೋಗಿ ಪ್ರೇಮ್ ಟೈಟಲ್‌ನಿಂದಲೇ ಕುತೂಹಲವನ್ನು ಮೂಡಿಸುತ್ತಾರೆ. ಕೆಲವು ದಿನಗಳಿಂದ ಟೈಟಲ್‌ ಟೀಸರ್ ಲಾಂಚ್‌ಗಾಗಿಯೇ ಮುಂಬೈನಲ್ಲಿ ಬೀಡು ಬಿಟ್ಟಿದ್ದರು. ಸದ್ಯ ಈ ಟೈಟಲ್ ಟೀಸರ್ ಅನ್ನು ಯಾವಾಗ ರಿಲೀಸ್ ಮಾಡುತ್ತಾರೆ ಅನ್ನೋ ಕುತೂಹಲವಿತ್ತು. ಆ ಕ್ಯೂರಿಯಾಸಿಟಿಗೂ ಈಗ ತೆರೆಬಿದ್ದಿದೆ. ಸಿನಿಮಾದ ಟೈಟಲ್ ಯಾವಾಗ ರಿಲೀಸ್ ಆಗುತ್ತೆ ಅನ್ನೋದನ್ನುದಸರಾ ಹಬ್ಬ (ಅಕ್ಟೋಬರ್ 05)ದಂದು ರಿವೀಲ್ ಮಾಡುತ್ತಿದ್ದಾರೆ.

ಯಶ್ ರಾಜ್ ಸ್ಟುಡಿಯೋದಲ್ಲಿ ಅರ್ಜುನ್ ಜನ್ಯ,ಪ್ರೇಮ್: ಪಕ್ಕದಲ್ಲಿರೋ ದಿಗ್ಗಜ ಯಾರು?

ಜೋಗಿ ಪ್ರೇಮ್ ಫುಲ್ ಬ್ಯುಸಿ

ದೊಡ್ಡ ಮಟ್ಟದಲ್ಲಿ ಟೇಕ್ ಆಫ್ ಮಾಡುವುದಕ್ಕೆಂದೇ ಜೋಗಿ ಪ್ರೇಮ್ ಸ್ಕೆಚ್ ಹಾಕಿದಂತಿದೆ. ಅದಕ್ಕಾಗಿಯೇ ಕಳೆದ ಕೆಲವು ದಿನಗಳು ಅರ್ಜುನ್ ಜನ್ಯ ಜೊತೆ ಮುಂಬೈನಲ್ಲಿ ನೆಲೆಸಿದ್ದರು. ಹಗಲು ರಾತ್ರಿ ಎನ್ನದೆ ಪ್ರೇಮ್ ಹಾಗೂ ಅರ್ಜುನ್ ಹಿನ್ನೆಲೆ ಸಂಗೀತವನ್ನು ರೆಕಾರ್ಡ್ ಮಾಡಿದ್ದಾರೆ. ಇತ್ತೀಚೆಗೆ ಧ್ರುವ ಸರ್ಜಾ ಜೊತೆನೂ ಪ್ರೇಮ್ ಸ್ಟುಡಿಯೋದಲ್ಲಿ ಕಾಣಿಸಿಕೊಂಡಿದ್ದರು.