ಕನ್ನಡ ನಟರಿಗೆ ಈ 'ಸ್ಟಾರ್'ಗಳು ಹೇಗೆ ಬರುತ್ತೆ: ಹಿಂದಿ ಮೀಡಿಯಾ ಪ್ರಶ್ನೆ.?

ನಮಗೆ ಹೆಮ್ಮೆ ಇದೆ

ರಾಕಿಂಗ್ ಸ್ಟಾರ್, ರೆಬೆಲ್ ಸ್ಟಾರ್, ಚಾಲೆಂಜಿಂಗ್ ಸ್ಟಾರ್ ಏನಿದು ಸೌತ್ ನಟರಲ್ಲಿ ಈ ರೀತಿ ಸ್ಟಾರ್ ಗಳು ಹೇಗೆ ಬರುತ್ತೆ, ಇದರ ಬಗ್ಗೆ ತಿಳಿಸಿ ಎಂದು ಪತ್ರಕರ್ತರೊಬ್ಬರು ಯಶ್ ಬಳಿ ಕೇಳಿದ್ದಾರೆ. ಅದಕ್ಕೆ ಉತ್ತರಿಸಿದ ಯಶ್, ''ಇದು ನಮಗೆ ಸಿಗುವ ಪ್ರೀತಿ ಮತ್ತು ಗೌರವ. ಇದು ಅಭಿಮಾನಿಗಳು ನೀಡುವುದು'' ಎಂದಿದ್ದಾರೆ.

ಪ್ರತಿಯೊಬ್ಬ ಹೀರೋಗೂ ಐದಾರು ಬಿರುದು ಇದೆ

''ನಮ್ಮಲ್ಲಿ ಪ್ರತಿಯೊಬ್ಬ ಹೀರೋಗೂ ಐದಾರು ಬಿರುದುಗಳು ಇರುತ್ತೆ. ಪ್ರತಿಯೊಬ್ಬರಿಗೂ ಅವರ ಅಭಿಮಾನಿಗಳ ಸಂಘ ಇರುತ್ತೆ. ಅವರು ಪ್ರೀತಿಯಿಂದ ಒಂದೊಂದು ಹೆಸರಿನಿಂದ ಕರೆಯುತ್ತಾರೆ. ಯಾವುದು ಹೆಚ್ಚು ಖ್ಯಾತಿಗಳಿಸುತ್ತೋ ಅದನ್ನ ನಿರ್ದೇಶಕರು ಸ್ಕ್ರೀನ್ ಮೇಲೆ ಹಾಕ್ತಾರೆ. ಜನರು ನಿರೀಕ್ಷೆ ಮಾಡಿದ್ದನ್ನ ಈ ರೀತಿ ಕೊಡ್ತಿದ್ದೀವಿ ಎಂದು ಅಲ್ಲಿ ತೋರಿಸ್ತಾರೆ. ಹೀಗೆ ಈ ಸ್ಟಾರ್ ಗಳು ಹುಟ್ಟುತ್ತಿವೆ'' ಎಂದು ಅವರಿಗೆ ತಿಳಿಸಿದರು.

ಹಿಂದಿಯಲ್ಲಿ ಸ್ಟಾರ್ ಬೇಡ

ಅಂದ್ಹಾಗೆ, ಹಿಂದಿಯಲ್ಲಿ ಕೆಜಿಎಫ್ ಸಿನಿಮಾ ರಿಲೀಸ್ ಆಗ್ತಿದೆ. ಹೀಗಾಗಿ, ಈ ಚಿತ್ರದ ಮೂಲಕ ಬಾಲಿವುಡ್ ನಲ್ಲಿ ಯಾವುದಾದರೂ ಬಿರುದು ನೀಡಬಹುದು ಎನ್ನಲಾಗ್ತಿದೆ. ಸಾಮಾಜಿಕ ಜಾಲತಾಣದಲ್ಲಿ ಯಶ್ 'ನ್ಯಾಷನಲ್ ಸ್ಟಾರ್' ಎಂದು ಬಿಂಬಿತವಾಗ್ತಿದ್ದಾರೆ. ಆದ್ರೆ, 'ಹಿಂದಿಯಲ್ಲಿ ಈ ರೀತಿ ಯಾವುದು ಬೇಡ' ಎಂದು ಯಶ್ ಮೊದಲೇ ಸೂಚಿಸಿದ್ದಾರಂತೆ.

ಫರಾನ್ ಅಖ್ತರ್ ಏನಂದ್ರು

ಸ್ಟಾರ್ ಪಟ್ಟದ ಬಗ್ಗೆ ಯಶ್ ಹೇಳಿದ್ದನ್ನ ಕೇಳಿದ ವಿತರಕ ಫರಾನ್ ಅಖ್ತರ್'' ಯಶ್ ಮಾತಿಗೆ ಬೆಂಬಲ ನೀಡಿದ್ದಾರೆ. ಹೌದು, ಅವರಿಗಾಗಿಯೇ ಸಿನಿಮಾ ಮಾಡೋದು, ಅವರೇ ಎಲ್ಲವನ್ನು ಕೊಡೋದು. ಅವರು ಇಷ್ಟಪಟ್ಟು ಕೊಡೋದನ್ನ ತಗೋಬೇಕಾಗುತ್ತೆ'' ಎಂದು ಅಭಿಪ್ರಾಯಪಟ್ಟರು.