ಉಪ್ಪಿಯ 'ಬುದ್ಧಿವಂತ 2' ಸಿನಿಮಾ ನಾಳೆ ಲಾಂಚ್

ರಿಯಲ್ ಸ್ಟಾರ್ ಉಪೇಂದ್ರ ಅಭಿಮಾನಿಗಳಿಗೆ ಬಹಳ ಇಷ್ಟ ಆದ ಚಿತ್ರಗಳ ಪೈಕಿ 'ಬುದ್ಧಿವಂತ' ಕೂಡ ಒಂದು. ಉಪೇಂದ್ರ ಅವರ
ಆ ಸಿನಿಮಾದ ಡೈಲಾಗ್ ಇಂದಿಗೂ ಅಭಿಮಾನಿಗಳ ಚೆಪ್ಪಾಳೆ ಪಡೆಯುತ್ತದೆ.

ಈಗ ಅದೇ ಹೆಸರಿನಲ್ಲಿ ಉಪೇಂದ್ರ ಸಿನಿಮಾ ಮಾಡುತ್ತಿದ್ದಾರೆ. 'ಬುದ್ಧಿವಂತ 2' ಚಿತ್ರ ನಾಳೆ ಲಾಂಚ್ ಆಗುತ್ತಿದೆ. ಬೆಂಗಳೂರಿನ ಶ್ರೀ ಧರ್ಮಗಿರಿ ಮಂಜುನಾಥ ಸ್ವಾಮಿ ದೇವಾಲಯದಲ್ಲಿ ಸಿನಿಮಾ ಮುಹೂರ್ತ ನಡೆಯುತ್ತಿದೆ.

ನವ ನಿರ್ದೇಶಕ ಮೌರ್ಯ ಈ ಚಿತ್ರಕ್ಕೆ ಆಕ್ಷನ್ ಕಟ್ ಹೇಳುತ್ತಿದ್ದಾರೆ. ಮತ್ತೆ ಗುರುಕಿರಣ್ ಮತ್ತು ಉಪೇಂದ್ರ ಒಂದಾಗುತ್ತಿದ್ದಾರೆ. ಯೋಗರಾಜ್ ಭಟ್ ಹಾಗೂ ಮೌರ್ಯ ಹಾಡುಗಳನ್ನು ಬರೆಯಲಿದ್ದಾರೆ.

'ಅಯೋಗ್ಯ', 'ಚಮಕ್' ಹಾಗೂ 'ಬೀರ್ ಬಲ್' ಸಿನಿಮಾಗಳ ನಿರ್ಮಾಪಕ ಚಂದ್ರಶೇಖರ್ ಈ ಚಿತ್ರಕ್ಕೆ ಬಂಡವಾಳ ಹಾಕುತ್ತಿದ್ದಾರೆ.

ನಟ ಆದಿತ್ಯ ವಿಲನ್ ಆಗಿ ಕಾಣಿಸಿಕೊಳ್ಳುತ್ತಿದ್ದಾರೆ. ಪಂಚತಂತ್ರ ನಟಿ ಸೋನಾಲ್ ಹಾಗೂ ಮೇಘನಾ ರಾಜ್ ಚಿತ್ರದ ನಾಯಕಿಯರಾಗಿದ್ದಾರೆ. 'ಬುದ್ಧಿವಂತ 2' ಎಂಬ ಹೆಸರಿನ ಕಾರಣ ಸಿನಿಮಾದ ಮೇಲೆ ನಿರೀಕ್ಷೆ ದೊಡ್ಡದಾಗಿದೆ.