ವಿವಾದಕ್ಕೆ ಬಗ್ಗೆ ಸ್ಪಷ್ಟನೆ ಕೊಟ್ಟ ಪ್ರೇಮ್, ಜೂನ್ 28ಕ್ಕೆ 'ದಿ ವಿಲನ್' ಟೀಸರ್

ಜೂನ್ 28ಕ್ಕೆ 'ದಿ ವಿಲನ್' ಟೀಸರ್

ಸುದೀಪ್ ಮತ್ತು ಶಿವರಾಜ್ ಕುಮಾರ್ ಅಭಿನಯದ ಜೋಗಿ ಪ್ರೇಮ್ ನಿರ್ದೇಶನದ 'ದಿ ವಿಲನ್' ಟೀಸರ್ ಜೂನ್ 28 ರಂದು ಬಿಡುಗಡೆ ಆಗುತ್ತಿದೆ. ಮಾಗಡಿ ರಸ್ತೆಯಲ್ಲಿರುವ ಜಿಟಿ ಮಾಲ್ ನಲ್ಲಿ ಸಂಜೆ 7 ಗಂಟೆಗೆ ಟೀಸರ್ ಬಿಡುಗಡೆಗೆ ಮುಹೂರ್ತ ಫಿಕ್ಸ್ ಆಗಿದೆ.

ಟೀಸರ್ ರಿಲೀಸ್ ಮಾಡಲಿರುವ ಸಿ ಎಂ

ರಾಜ್ಯ ಮುಖ್ಯಮಂತ್ರಿಗಳಾದ ಕುಮಾರಸ್ವಾಮಿ 'ದಿ ವಿಲನ್' ಚಿತ್ರದ ಟೀಸರ್ ಬಿಡುಗಡೆ ಮಾಡಲಿದ್ದಾರೆ. ಈಗಾಗಲೇ ಸಿನಿಮಾರಂಗದ ಜೊತೆಯಲ್ಲಿ ಉತ್ತಮ ಬಾಂಧವ್ಯ ಹೊಂದಿರುವ ಕುಮಾರಸ್ವಾಮಿ ಸಿ.ಎಂ ಆದ ನಂತರ ಭಾಗಿ ಆಗುತ್ತಿರುವ ಮೊದಲ ಸಿನಿಮಾ ಕಾರ್ಯಕ್ರಮವಿದು.

ಎಲ್ಲಾ ಸ್ಕ್ರೀನ್ ನಲ್ಲಿಯೂ 'ದಿ ವಿಲನ್'

ಜಿಟಿ ಮಾಲ್ ನಲ್ಲಿರುವ ಐದು ಸ್ಕ್ರೀನ್ ನಲ್ಲಿಯೂ 'ದಿ ವಿಲನ್' ಟೀಸರ್ ಬಿಡುಗಡೆ ಮಾಡಲು ಸಿನಿಮಾತಂಡ ತಯಾರಿ ಮಾಡಿಕೊಂಡಿದೆ. ಶಿವಣ್ಣ ಹಾಗೂ ಸುದೀಪ್ ಇಬ್ಬರಿಗೂ ಪ್ರತ್ಯೇಕವಾದ ಟೀಸರ್ ಅನ್ನು ಮಾಡಲಾಗಿದೆ.

ವಿವಾದ ಬೇಡ ಎಲ್ಲವೂ ಸಿನಿಮಾಗಾಗಿ

'ದಿ ವಿಲನ್' ಟೀಸರ್ ನೋಡಲು ಟಿಕೆಟ್ ಮಾಡಲಾಗಿದೆ. 500 ರೂಪಾಯಿ ಕೊಟ್ಟು ಟಿಕೆಟ್ ಪಡೆದು ಟೀಸರ್ ನೋಡಬೇಕು. ಟಿಕೆಟ್ ಹಣವನ್ನು ಚಿತ್ರರಂಗದಲ್ಲಿ ಸಂಕಷ್ಟದಲ್ಲಿರುವ ನಿರ್ದೇಶಕರಿಗೆ ನೀಡಲಾಗುತ್ತದೆ. ಇನ್ನು 'ದಿ ವಿಲನ್' ಸಾಂಗ್ ವಿವಾದ ಬಗ್ಗೆ ಸ್ಪಷ್ಟನೆ ನೀಡಿರುವ ಜೋಗಿ ಪ್ರೇಮ್ ಯಾರನ್ನೂ ನಿಂದಿಸಲು ಈ ರೀತಿ ಮಾಡಿಲ್ಲ. ಎಲ್ಲವೂ ಸಿನಿಮಾಗಾಗಿ ಸುಮ್ಮನೆ ವಿವಾದ ಮಾಡಬೇಡಿ ಎಂದಿದ್ದಾರೆ.