'ಮಿಷನ್ ಇಂಪಾಸಿಬಲ್' ಸಿನಿಮಾ ಕನ್ನಡಕ್ಕೆ ಡಬ್ ಆಗಿ ಬರ್ತಿದೆ!

ಸಾಕಷ್ಟು ಜನರ ಮನವಿ

ಟ್ವಿಟ್ಟರ್ ನಲ್ಲಿ ಈಗಾಗಲೇ 'ಮಿಷನ್ ಇಂಪಾಸಿಬಲ್' ಡಬ್ ಅಭಿಯಾನ ಶುರು ಆಗಿದೆ. #MissionImpossibleInKannada ಎಂಬ ಹ್ಯಾಶ್ ಟ್ಯಾಗ್ ಬಳಸಿ ಸಾಕಷ್ಟು ಜನ ಸರಣಿ ಟ್ವೀಟ್ ಗಳನ್ನು ಮಾಡುತ್ತಿದ್ದಾರೆ. ಈ ಮೂಲಕ ಡಬ್ಬಿಂಗ್ ಗಾಗಿ ಹೋರಾಟ ಶುರುವಾಗಿದೆ.

ಟ್ವಿಟ್ಟರ್ ನಲ್ಲಿ ಟ್ರೆಂಡ್

'ಮಿಷನ್ ಇಂಪಾಸಿಬಲ್' ಕನ್ನಡಕ್ಕೆ ಡಬ್ ಆಗಬೇಕು ಎಂಬ ಅಭಿಯಾನ ಇಂದು ಸಂಜೆ 5 ಗಂಟೆಯಿಂದ ಟ್ವಿಟ್ಟರ್ ನಲ್ಲಿ ಶುರುವಾಗಿದೆ. ಜೊತೆಗೆ ಎಂಟೇ ನಿಮಿಷದಲ್ಲಿ ಟ್ವಿಟ್ಟರ್ ನಲ್ಲಿ 'ಮಿಷನ್ ಇಂಪಾಸಿಬಲ್' ಟ್ರೆಂಡ್ ಆಗಿರುವುದು ವಿಶೇಷ.

ಇದು ನಮ್ಮ ಹಕ್ಕು

''ಮನೋರಂಜನೆ ಮಾತೃ ಭಾಷೆಯಲ್ಲಿ ಪಡೆಯುವುದು ನಮ್ಮ ಹಕ್ಕು. ಅಲ್ಲದೆ ಬೇರೆ ಭಾಷೆಗೆ ಹೋಲಿಸಿದರೆ ಕರ್ನಾಟಕದಲ್ಲಿ ಅಂತರ್ಜಾಲ ಬಳಕೆದಾರರ ಪ್ರಮಾಣ ಹೆಚ್ಚಿದೆ. ಈ ಕಾರಣದಿಂದ 'ಮಿಷನ್ ಇಂಪಾಸಿಬಲ್' ಚಿತ್ರವನ್ನು ಕನ್ನಡಕ್ಕೆ ಡಬ್ ಮಾಡಬೇಕು'' ಎಂದು ಟ್ವಿಟ್ಟರ್ ನಲ್ಲಿ ಡಬ್ಬಿಂಗ್ ಪರ ಇರುವವರ ಆಗ್ರಹವಾಗಿದೆ.

'ಮಿಷನ್ ಇಂಪಾಸಿಬಲ್' ಚಿತ್ರದ ಬಗ್ಗೆ

'ಮಿಷನ್ ಇಂಪಾಸಿಬಲ್' ಹಾಲಿವುಡ್ ನಲ್ಲಿ ಬಂದಿರುವ ಸೂಪರ್ ಹಿಟ್ ಚಿತ್ರ. ಪಕ್ಕಾ ಆಕ್ಷನ್ ಸಿನಿಮಾವಾಗಿರುವ ಈ ಸಿನಿಮಾದ ಮೊದಲ ಸರಣಿ 1996ರಲ್ಲಿ ತೆರೆಗೆ ಬಂದಿತ್ತು. ಈವರೆಗೂ ಐದು ಸರಣಿಗಳು ರಿಲೀಸ್ ಆಗಿದ್ದು, ಆರನೆಯ ಸರಣಿ ಇದೇ ವರ್ಷ ಬಿಡುಗಡೆಯಾಗಲಿದೆ.