ಮುಖಪುಟ

ಸಿನಿ ಸಮಾಚಾರ

ಡಾರ್ಲಿಂಗ್ ಕೃಷ್ಣ ಅಭಿನಯದ ಮತ್ತು ನಿರ್ದೇಶನದ 'ಲವ್ ಮಾಕ್ ಟೇಲ್' ಸಿನಿಮಾ ಸಕ್ಸಸ್ ನ ನಂತರ ಈಗ ಲವ್ ಮಾಕ್ ಟೇಲ್-2 ಸಿನಿಮಾದಲ್ಲಿ ಬ್ಯುಸಿಯಾಗಿದ್ದಾರೆ. ಈಗಾಗಲೆ ಪಾರ್ಟ್-2 ಚಿತ್ರದ ಕಥೆ ಮುಗಿಸಿ ಡಾರ್ಲಿಂಗ್ ಕೃಷ್ಣ ಮತ್ತು ಮಿಲನ ನಾಗರಾಜ್ ಸ್ಕ್ರಿಪ್ಟ್ ಪೂಜೆ ಕೂಡ ಮಾಡಿ ಮುಗಿಸಿದ್ದಾರೆ.

Recommended Video

ಚಿತ್ರೀಕರಣಕ್ಕೆ ಹೊರಡಲು ತುದಿಗಾಲಿನಲ್ಲಿ ನಿಂತಿರುವ ತಂಡ ಈಗ ಕಲಾವಿದರ ಆಯ್ಕೆಯಲ್ಲಿ ತೊಡಗಿಕೊಂಡಿದ್ದಾರೆ. ಕಲಾವಿದರು ಬೇಕಾಗಿದ್ದಾರೆ ಎಂದು ಸಿನಿಮಾತಂಡ ಅನೌನ್ಸ್ ಮಾಡಿದೆ. ಮಹಿಳಾ ಕಲಾವಿದೆ ಬೇಕು ಎಂದು ಡಾರ್ಲಿಂಗ್ ಕೃಷ್ಣ ಸಾಮಾಜಿಕ ಜಾಲತಾಣದಲ್ಲಿ ಬಹಿರಂಗಪಡಿಸಿದ್ದಾರೆ.

"ಲವ್ ಮಾಕ್ ಟೇಲ್-2 ಸಿನಿಮಾಗೆ ಮಹಿಳಾ ಕಲಾವಿದೆ ಬೇಕು. 22 ರಿಂದ 30 ವರ್ಷ ವಯಸ್ಸಿನವರು ಬೇಕಾಗಿದ್ದಾರೆ. ಫೋಟೋ ಮತ್ತು ನಿಮ್ಮ ಪರಿಚಯದ ವಿಡಿಯೋವನ್ನುಮೇಲ್ ಮಾಡಿ" ಎಂದು ಡಾರ್ಲಿಂಗ್ ಕೃಷ್ಣ ಪೋಸ್ಟ್ ಮಾಡಿದ್ದಾರೆ.

'ಲವ್ ಮಾಕ್‌ಟೇಲ್ 2' ಚಿತ್ರದ ಸ್ಕ್ರಿಪ್ಟ್‌ಗೆ ಪೂಜೆ ಸಲ್ಲಿಸಿದ 'ಆದಿ-ನಿಧಿಮಾ'

ಲವ್ ಮಾಕ್ ಟೇಲ್-2 ಸಿನಿಮಾದಲ್ಲಿ ಮತ್ತು ಡಾರ್ಲಿಂಗ್ ಕೃಷ್ಣ ಜೊತೆ ಅಭಿನಯಿಸುವ ಆಸೆ ಇರುವವರು ಆಡಿಷನ್ ನಲ್ಲಿ ಭಾಗಿಯಾಗಬಹುದು. ಮೊದಲ ಭಾಗ ಸೂಪರ್ ಹಿಟ್ ಆದ ಪರಿಣಾಮ ಪಾರ್ಟ್-2ಮೇಲಿನ ನಿರೀಕ್ಷೆ ದುಪ್ಪಟ್ಟಾಗಿದೆ. ಅದರಲ್ಲೂ ಡಾರ್ಲಿಂಗ್ ಕೃಷ್ಣ ಎಲ್ಲರ ಮನಗೆದ್ದಿದ್ದಾರೆ. ಹಾಗಾಗಿ ಕೃಷ್ಣ ಜೊತೆ ನಟಿಸಲು ಹುಡುಗಿಯರು ಈಗ ತುದಿಗಾಲಿನಲ್ಲಿ ನಿಂಚಿದ್ದಾರೆ.

ಪಾರ್ಟ್-1ರಲ್ಲಿ ಇದ್ದ ಕಲಾವಿದರು ಪಾರ್ಟ್-2 ನಲ್ಲಿಯೂ ಮುಂದುವರೆಯಲಿದೆ. ಆದರೆ ಯಾರೆಲ್ಲ ಇರಲಿದ್ದಾರೆ ಎನ್ನುವುದು ಕುತೂಹಲ ಮೂಡಿಸಿದೆ. ಜೊತೆಗೆ ಹೊಸ ಪ್ರತಿಭೆಗಳು ಸಹ ಸಿನಿಮಾದಲ್ಲಿ ಇರಲಿದ್ದಾರೆ. ಪಾರ್ಟ್-2 ಹೇಗಿರಲಿದೆ ಎನ್ನುವ ಕಾತರಿಂದ ಪ್ರೇಕ್ಷಕರು ಕಾಯುತ್ತಿದ್ದಾರೆ.