ಡ್ರಗ್ಸ್ ಪ್ರಕರಣದ ಬಗ್ಗೆ ಸಿಸಿಬಿ ಅಧಿಕಾರಿಗಳು ಪ್ರಶ್ನೆ ಕೇಳಲಿಲ್ಲ: ಸೌಂದರ್ಯ ಜಗದೀಶ್

ರಾಮ್‌ಲೀಲಾ ಸಿನಿಮಾದಲ್ಲಿ ಸಂಜನಾ ಗಲ್ರಾನಿ

'ನಾವು ರಾಮ್‌ಲೀಲಾ ಎಂಬ ಸಿನಿಮಾ ನಿರ್ಮಾಣ ಮಾಡಿದ್ದೆವು, ಅದರಲ್ಲಿ ಸಂಜನಾ ಗಲ್ರಾನಿ ನಟಿಸಿದ್ದರು. ಆ ಸಿನಿಮಾದ ಕುರಿತು ವಿಚಾರಣೆಗೆಂದು ಸಿಸಿಬಿ ಅಧಿಕಾರಿಗಳು ಕರೆದಿದ್ದರು. ಡ್ರಗ್ಸ್ ಪ್ರಕರಣದ ವಿಚಾರಣೆಗೆ ನಮ್ಮನ್ನು ಕರೆದಿರಲಿಲ್ಲ' ಎಂದರು ಸೌದರ್ಯ ಜಗದೀಶ್.

'ಸಂಜನಾ ಗೆ ಸಂಭಾವನೆ ಚೆಕ್‌ನಲ್ಲಿ ಕೊಟ್ರಾ ನಗದು ರೂಪದಲ್ಲಾ'

ರಾಮ್‌ಲೀಲಾ ಸಿನಿಮಾದಲ್ಲಿ ನಟಿಸಿದ್ದ ಸಂಜನಾ ಗಲ್ರಾನಿಗೆ ಎಷ್ಟು ಹಣ ಸಂಭಾವನೆಯಾಗಿ ಕೊಟ್ಟಿರಿ? ಸಂಭಾವನೆಯನ್ನು ಚೆಕ್‌ನಲ್ಲಿ ಕೊಟ್ಟಿದ್ರಾ ಅಥವಾ ನಗದು ರೂಪದಲ್ಲಿ ಕೊಟ್ಟಿದ್ದಿರಾ ಎಂದು ಪ್ರಶ್ನೆ ಮಾಡಿದರು. ಸಿಸಿಬಿ ಅವರ ಬಹುತೇಕ ಪ್ರಶ್ನೆಗಳು ಸಿನಿಮಾದ ಸುತ್ತವೇ ಇತ್ತು ಎಂದಿದ್ದಾರೆ ದಂಪತಿ.

'ನಮಗೆ ಡ್ರಗ್ಸ್ ಪ್ರಕರಣದೊಂದಿಗೆ ಸಂಬಂಧವಿಲ್ಲ'

ಸಿಸಿಬಿ ಅವರು ಕೇಳಿದ ಎಲ್ಲಾ ಪ್ರಶ್ನೆಗೂ ನಾವು ಸೂಕ್ತವಾದ ಉತ್ತರ ನೀಡಿದ್ದೇವೆ, ನಮಗೆ ಡ್ರಗ್ಸ್ ಪ್ರಕರಣದೊಂದಿಗೆ ಯಾವುದೇ ನಂಟು ಇಲ್ಲ. ಮತ್ತೆ ವಿಚಾರಣೆಗೆ ಬರುವಂತೆ ಸಿಸಿಬಿ ಅವರು ಹೇಳಿಲ್ಲ, ಒಂದೊಮ್ಮೆ ಮತ್ತೆ ಕರೆದರೆ ಬರುತ್ತೇವೆ ಎಂದು ದಂಪತಿ ಹೇಳಿದ್ದಾರೆ.

Recommended Video

ಸೇಲ್ಸ್ ಮೆನ್ ಆಗಿ ಜಂಟಲ್ ಮೆನ್ ಚಿತ್ರದಲ್ಲಿ ಪ್ರಜ್ವಲ್ ಮಿಂಚಿದ್ದು ಹೀಗೆ | Filmibeat Kannada

ರಾಗಿಣಿ-ಸಂಜನಾ ಬಂಧನ

ಡ್ರಗ್ಸ್ ಪ್ರಕರಣಕ್ಕೆ ಸಂಬಂಧಿಸಿದಂತೆ ನಟಿ ಸಂಜನಾ ಗಲ್ರಾನಿ, ರಾಗಿಣಿ ದ್ವಿವೇದಿ ಹಾಗೂ ಇನ್ನೂ ಹಲವರನ್ನು ಸಿಸಿಬಿ ಪೊಲೀಸರು ಬಂಧಿಸಿದ್ದಾರೆ. ಇದೇ ಪ್ರಕರಣಕ್ಕೆ ಸಂಬಂಧಿಸಿದಂತೆ, ನಟ ದಿಗಂತ್ ನಟಿ ಐಂದ್ರಿತಾ ರೈ, ನಟ ಯೋಗಿ, ನಿರೂಪಕ ಅಕುಲ್ ಬಾಲಾಜಿ, ನಿರೂಪಕಿ ಅನುಶ್ರೀ ಇನ್ನೂ ಹಲವರನ್ನು ವಿಚಾರಣೆಗೆ ಒಳಪಡಿಸಲಾಗಿದೆ.