Don't Miss!
- News 500 ವರ್ಷಗಳ ವನವಾಸಕ್ಕೆ ಮುಕ್ತಿ, ಪ್ರಧಾನಿ ನರೇಂದ್ರ ಮೋದಿ ಅವರಿಂದ ರಾಮರಾಜ್ಯ ನಿರ್ಮಾಣ: ಡಾ. ಕೆ. ಸುಧಾಕರ್
- Lifestyle ಬದಲಾಯ್ತು ಡಿಡಿ ಲೋಗೋ: ಕೇಸರಿ ಬಣ್ಣಕ್ಕೆ ತಿರುಗಿರುವುದಕ್ಕೆ ಕೆಲವರ ಮೆಚ್ಚುಗೆ, ಕೆಲವರ ಟೀಕೆ
- Automobiles ಸುಜುಕಿ ಹಯಬುಸಾ 25ನೇ ಆನಿವರ್ಸರಿ ಎಡಿಷನ್ ಬಿಡುಗಡೆ: ಬೆಲೆ ಎಷ್ಟು?
- Sports GT vs DC: ಟಾಸ್ ಗೆದ್ದ ಡೆಲ್ಲಿ ಕ್ಯಾಪಿಟಲ್ಸ್ ಬೌಲಿಂಗ್ ಆಯ್ಕೆ
- Finance ಇನ್ಮುಂದೆ EMI ಕಟ್ಟೋದು ತಡವಾದ್ರೆ ಚಿಂತಿಸೋಹಾಗಿಲ್ಲ, ಫೈನ್ ಕೂಡ ಕಟ್ಟುವಂತಿಲ್ಲ!
- Technology ಸದ್ಯ ಎಂಟ್ರಿ ಲೆವೆಲ್ನಲ್ಲಿ ಇವೇ ಬೆಸ್ಟ್ ಸ್ಮಾರ್ಟ್ಫೋನ್ಗಳು!..ಫೀಚರ್ಸ್ ಏನು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಡ್ರಗ್ಸ್ ಪ್ರಕರಣ: ವಿಚಾರಣೆ ಮುಗಿಸಿದ ನಟ ಯೋಗಿ, ಕ್ರಿಕೆಟಿಗ ಎನ್ಸಿ ಅಯ್ಯಪ್ಪ
ರಾಗಿಣಿ ದ್ವಿವೇದಿ, ಸಂಜನಾ ಗಲ್ರಾನಿ ಸೇರಿದಂತೆ ಇನ್ನೂ ಹಲವರಿಗೆ ಉರುಳಾಗಿ ಪರಿಣಮಿಸಿರುವ ಡ್ರಗ್ಸ್ ಪ್ರಕರಣ ಸಿನಿಮಾ ಜಗತ್ತಿನ ಇನ್ನೂ ಕೆಲವರಿಗೆ ಕಂಟಕವಾಗುವ ಮುನ್ಸೂಚನೆ ನೀಡಿದೆ.
ನಟ ದಿಗಂತ್, ನಟಿ ಐಂದ್ರಿತಾ, ಅಕುಲ್ ಬಾಲಾಜಿ, ನಟ ಸಂತೋಶ್ ಅವರುಗಳನ್ನು ಇದೇ ಪ್ರಕರಣದಲ್ಲಿ ವಿಚಾರಣೆಗೆ ಒಳಪಡಿಸಿರುವ ಸಿಸಿಬಿ ಪೊಲೀಸರು ಈಗ ಇನ್ನೂ ಕೆಲವು ಪ್ರಮುಖ ಸೆಲೆಬ್ರಿಟಿಗಳಿಗೆ ಇದೇ ಪ್ರಕರಣಕ್ಕೆ ಸಂಬಂಧಿಸಿದಂತೆ ನೊಟೀಸ್ ನೀಡಿದ್ದಾರೆ.
ಖ್ಯಾತ ನಟ ಲೂಸ್ ಮಾದಾ ಖ್ಯಾತಿಯ ಯೋಗಿ ಗೆ ಮೂರು ದಿನಗಳ ಹಿಂದೆಯೇ ನೊಟೀಸ್ ನೀಡಿದ್ದು, ಯೋಗಿ ಈಗಾಗಲೇ ವಿಚಾರಣೆಗೆ ನೀಡಿ ಬಂದಿದ್ದಾರೆ.
ಎನ್ಸಿ ಅಯ್ಯಪ್ಪ ಸಹ ವಿಚಾರಣೆ ಎದುರಿಸಿದ್ದಾರೆ
ನಟ ಯೋಗಿ ಮಾತ್ರವೇ ಅಲ್ಲದೆ ಮಾಜಿ ಕ್ರಿಕೆಟಿಗ, ಬಿಗ್ಬಾಸ್ ಮಾಜಿ ಸ್ಪರ್ಧಿ ಎಂಸಿ ಅಯ್ಯಪ್ಪ ಗೂ ಸಹ ಸಿಸಿಬಿ ನೊಟೀಸ್ ನೀಡಿ ವಿಚಾರಣೆಗೆ ಹಾಜರಾಗುವಂತೆ ತಿಳಿಸಿತ್ತು. ಬಿಜೆಪಿಯ ಮಾಜಿ ಸಂಸದರ ಪುತ್ರರೊಬ್ಬರಿಗೂ ನೊಟೀಸ್ ಹೋಗಿತ್ತು ಎನ್ನಲಾಗುತ್ತಿದೆ.
ಡ್ರಗ್ ಪೆಡ್ಲರ್ ಮಾಹಿತಿ ಮೇರೆಗೆ ನೊಟೀಸ್
ಡ್ರಗ್ ಪೆಡ್ಲರ್ ಒಬ್ಬನ ಮಾಹಿತಿ ಆಧಾರದ ಮೇಲೆ ನಟ ಯೋಗಿ, ಕ್ರಿಕೆಟಿಗ ಎನ್ಸಿ ಅಯ್ಯಪ್ಪ ಗೆ ನೊಟೀಸ್ ನೀಡಲಾಗಿತ್ತು. ರಾಜಕಾರಣಿ ಪುತ್ರ ಒಬ್ಬರು ವಿಚಾರಣೆ ಎದುರಿಸಿದ್ದಾರೆ ಎನ್ನಲಾಗುತ್ತಿದೆ, ಆ ಬಗ್ಗೆ ಇನ್ನಷ್ಟು ಮಾಹಿತಿ ಲಭ್ಯವಾಗಬೇಕಿದೆ.
ಶನಿವಾರವೇ ನೊಟೀಸ್ ಬಂದಿತ್ತು: ಸಿದ್ದರಾಜು
ಮಾಧ್ಯಮವೊಂದಕ್ಕೆ ಪ್ರತಿಕ್ರಿಯೆ ನೀಡಿರುವ, ಯೋಗಿ ತಂದೆ ನಿರ್ಮಾಪಕ ಸಿದ್ದರಾಜು 'ಶನಿವಾರವೇ ನೊಟೀಸ್ ಬಂದಿತ್ತು. ಹಾಗಾಗಿ ಇಂದು ವಿಚಾರಣೆ ಮುಗಿಸಿ ವಾಪಸ್ ಬಂದಿದ್ದಾನೆ (ಯೋಗಿ), ಮತ್ತೆ ಬರಲು ಹೇಳಿಲ್ಲ' ಎಂದಿದ್ದಾರೆ.
Recommended Video
20 ಮಂದಿಗೆ ನೊಟೀಸ್ ನೀಡಿರುವ ಸಾಧ್ಯತೆ
ಇಬ್ಬರು ಮಾತ್ರವಲ್ಲದೆ ಚಿತ್ರರಂಗ ಹಾಗೂ ಇತರೆ ರಂಗಗಳ ಸುಮಾರು 20 ಮಂದಿಗೆ ನೊಟೀಸ್ ನೀಡಲಾಗಿದೆ ಎನ್ನಲಾಗುತ್ತಿದೆ. ನಟ ದಿಗಂತ್, ನಟಿ ಐಂದ್ರಿತಾ ರೇ, ಅಕುಲ್ ಬಾಲಾಜಿ, ನಟ ಸಂತೋಶ್ ಅವರುಗಳು ವಿಚಾರಣೆ ಈಗಾಗಲೇ ಮುಗಿದಿದೆ.