ಡ್ರಗ್ಸ್ ಪ್ರಕರಣ: ಸಂಜನಾ-ರಾಗಿಣಿ ವಿರುದ್ಧ ತಿಂಗಳ ಅಂತ್ಯಕ್ಕೆ ಚಾರ್ಜ್‌ಶೀಟ್

ಅನಿಕಾ ಬಂಧನದ ನಂತರ ತನಿಖೆ ಚುರುಕು

ಸೆಪ್ಟೆಂಬರ್ 4ರಂದು ಕಾಟನ್ ಪೇಟೆ ಪೊಲೀಸ್ ಠಾಣೆಯಲ್ಲಿ ಎಸಿಪಿ ಗೌತಮ್ ಅವರು ನೀಡಿದ ದೂರಿನ ಆಧಾರದಲ್ಲಿ ಕಳೆದ ಎರಡು ತಿಂಗಳಿನಿಂದ ಸಿಸಿಬಿ ತನಿಖೆ ನಡೆಸಿದೆ. ಎನ್‌ಸಿಬಿಯು ಬೆಂಗಳೂರಿನ ಕಲ್ಯಾಣ ನಗರದಲ್ಲಿ ವಾಸವಿದ್ದ ಅನಿಕಾ ಅನ್ನು ಬಂಧಿಸಿದ ಬಳಿಕ ಈ ಪ್ರಕರಣ ಬೆಳಕಿಗೆ ಬಂದಿತ್ತು. ನಂತರ ಸಿಸಿಬಿ ಅಧಿಕಾರಿಗಳು ತನಿಖೆ ಚುರುಕುಗೊಳಿಸಿದರು.

ನಟ-ನಟಿಯರ ಹೇಳಿಕೆಗಳು ದಾಖಲು

ಇದೇ ಪ್ರಕರಣಕ್ಕೆ ಸಂಬಂಧಿಸಿದಂತೆ ನಟ ಯೋಗಿ, ದಿಗಂತ್, ಐಂದ್ರಿತಾ ರೈ, ಅಕುಲ್ ಬಾಲಾಜಿ, ನಿರ್ಮಾಪಕ ಸೌಂದರ್ಯ, ಕಿರುತೆರೆ ನಟರು, ಉದ್ಯಮಿಗಳನ್ನು ಸಿಸಿಬಿ ವಿಚಾರಣೆಗೆ ಒಳಪಡಿಸಿ ಹೇಳಿಕೆಗಳನ್ನು ದಾಖಲಿಸಿಕೊಂಡಿದೆ. ಆ ಮಾಹಿತಿಯೂ ಸಹ ಚಾರ್ಜ್‌ ಶೀಟ್‌ನಲ್ಲಿ ದಾಖಲಾಗಲಿದೆ.

Recommended Video

ಆತ್ಮೀಯ ಗೆಳೆಯನಿಗೆ ವಿಶ್ ಮಾಡಿದ D Boss | Filmibeat Kannada

ಚಾರ್ಜ್ ಶೀಟ್ ಸಲ್ಲಿಕೆಯಾದ ನಂತರ ಜಾಮೀನು?

ಚಾರ್ಜ್‌ ಶೀಟ್ ಸಲ್ಲಿಕೆಯಾದ ನಂತರ ಆರೋಪಿಗಳಿಗೆ ಜಾಮೀನಿನ ಆಸೆ ಮತ್ತೆ ಚಿಗುರೊಡೆಯುವ ಸಾಧ್ಯತೆ ಇದೆ. ಚಾರ್ಜ್‌ ಶೀಟ್‌ ನಲ್ಲಿ ನಟಿಯರು ಹಾಗೂ ಇತರ ಆರೋಪಿಗಳ ಅಪರಾಧ ಗಂಭೀರ ಸ್ವರಪದ್ದೂ ಎನಿಸದೇ ಇದ್ದಲ್ಲಿ, ಅಥವಾ ತನಿಖೆ ಭಾಗಷಃ ಮುಗಿದಿದೆ ಎನಿಸಿದಲ್ಲಿ ಆರೋಪಿಗಳಿಗೆ ಜಾಮೀನು ದೊರಕುವ ಸಾಧ್ಯತೆ ಇದೆ. ಹಲವು ಪ್ರಕರಣಗಳಲ್ಲಿ ಜಾರ್ಜ್‌ ಶೀಟ್ ಸಲ್ಲಿಕೆ ನಂತರ ಜಾಮೀನು ದೊರಕುವ ಅವಕಾಶ ತುಸು ಹೆಚ್ಚಾಗುತ್ತದೆ.