CCL 2025: ಚೆನ್ನೈ ವಿರುದ್ಧ ಗೆದ್ದು ಸಿಸಿಎಲ್ ಟ್ರೋಫಿ ಎತ್ತಿ ಹಿಡಿದ ಪಂಜಾಬ್

ಸಿಸಿಎಲ್ 2025 ಟೂರ್ನಿಗೆ ತೆರೆ ಬಿದ್ದಿದೆ. ಫೈನಲ್ ಪಂದ್ಯದಲ್ಲಿ ಚೆನ್ನೈ ರೈನೋಸ್ ಎದುರು ಪಂಜಾಬ್ ದೇ ಶೇರ್ ತಂಡ ಗೆದ್ದಿದೆ. 2 ಓವರ್ ಬಾಕಿ ಇರುವಂತೆ ಗೆಲುವಿನ ಗುರಿ ತಲುಪಿ ಟ್ರೋಫಿ ಎತ್ತಿ ಹಿಡಿದಿದೆ. ಅಂತಿಮವಾಗಿ 8 ವಿಕೆಟ್‌ಗಳ ಗೆಲುವು ಸಾಧಿಸಿದೆ.

71 ರನ್‌ಗಳ ಗುರಿ ಬೆನ್ನಟ್ಟಿರುವ ಪಂಜಾಬ್ ಗೆಲುವಿನತ್ತ ಮುಖ ಮಾಡಿದೆ. ಮೊದಲ 5 ಓವರ್‌ಗಳಲ್ಲಿ 1 ವಿಕೆಟ್ ನಷ್ಟಕ್ಕೆ 43 ರನ್ ಕಲೆ ಹಾಕಿದೆ. ಗೆಲ್ಲಲು 30 ಎಸೆತಗಳಲ್ಲಿ 29 ರನ್ ಗಳಿಸಬೇಕಿದೆ.

ಚೆನ್ನೈ ರೈನೋಸ್ 2ನೇ ಇನ್ನಿಂಗ್ಸ್‌ನಲ್ಲಿ 85 ರನ್ ಗಳಿಸಿತು. ಆ ಮೂಲಕ ಪಂಜಾಬ್ ತಂಡ ಗೆಲ್ಲಲು 71 ರನ್‌ಗಳ ಗುರಿ ನೀಡಿದೆ. ಪಂಜಾಬ್ 2ನೇ ಇನ್ನಿಂಗ್ಸ್‌ನಲ್ಲಿ 60 ಎಸೆತಗಳಲ್ಲಿ 71 ರನ್ ಗಳಿಸಿದರೆ ಸಿಸಿಎಲ್ 2025 ಚಾಂಪಿಯನ್ ಆಗಲಿದೆ.

ಚೆನ್ನೈ ರೈನೋಸ್ ಹಾಗೂ ಪಂಜಾಬ್ ದೇ ಶೇರ್ ನಡುವಿನ ಫೈನಲ್ ಪಂದ್ಯ ವೀಕ್ಷಿಸಲು ನಟ ಸುದೀಪ್ ಆಗಮಿಸಿದ್ದಾರೆ. ಪ್ರೇಕ್ಷಕರ ಗ್ಯಾಲರಿ ಅಭಿಮಾನಿಗಳು ಕಿಚ್ಚನನ್ನು ನೋಡಿ ಖುಷಿಯಾಗಿದ್ದರು. ಕರ್ನಾಟಕ ಬುಲ್ಡೋಜರ್ಸ್ ತಂಡ ಸೆಮಿ ಫೈನಲ್ ಪಂದ್ಯದಲ್ಲಿ ಸೊತು ನಿರಾಸೆ ಅನುಭವಿಸಿತ್ತು. ಈ ಬಗ್ಗೆ ಸುದೀಪ್ ಸಹ ಟ್ವೀಟ್ ಮಾಡಿ ಪ್ರತಿಕ್ರಿಯಿಸಿದ್ದರು.

ಚೆನ್ನೈ ರೈನೋಸ್ ಭಾರೀ ಮೊತ್ತದ ಗುರಿಯನ್ನು ಪಂಜಾಬ್ ತಂಡಕ್ಕೆ ನೀಡಲು ಪ್ರಯತ್ನಿಸುತ್ತಿದೆ. ಆದರೆ ನಿಯಮಿತವಾಗಿ ವಿಕೆಟ್ ಕಳೆದುಕೊಂಡು ತಂಡ ಸಂಕಷ್ಟಕ್ಕೆ ಸಿಲುಕಿದೆ. 7 ಓವರ್‌ಗಳಲ್ಲಿ 5 ವಿಕೆಟ್ ನಷ್ಟಕ್ಕೆ 61 ರನ್ ಗಳಿಸಿದೆ.

ಚೆನ್ನೈ ರೈನೋಸ್ 2ನೇ ಇನ್ನಿಂಗ್ಸ್ ಆರಂಭದಲ್ಲೇ ಮುಗ್ಗರಿಸಿದೆ. 14 ರನ್ ಗಳಿಸುವಷ್ಟರಲ್ಲಿ 3 ವಿಕೆಟ್ ಕಳೆದುಕೊಂಡಿದೆ. ಇದು ಪಂಜಾಬ್ ಸಂತಸ ಹೆಚ್ಚುವಂತೆ ಮಾಡಿದೆ. ಮೊದಲ 3 ಓವರ್ ಅಂತ್ಯಕ್ಕೆ 3 ವಿಕೆಟ್ ಕಳೆದುಕೊಂಡು 22 ರನ್ ಸೇರಿಸಿದೆ. 8 ರನ್ ಮುನ್ನಡೆ ಕಾಯ್ದುಕೊಂಡಿದೆ.

2ನೇ ಇನ್ನಿಂಗ್ಸ್ ಆರಂಭಿಸಿರುವ ಚೆನ್ನೈ ಆರಂಭದಲ್ಲೇ 2 ವಿಕೆಟ್ ಕಳೆದುಕೊಂಡು ಸಂಕಷ್ಟಕ್ಕೆ ಸಿಲುಕಿದೆ. ಮೊದಲ ಓವರ್‌ನಲ್ಲಿ 8 ರನ್ ಮಾತ್ರ ಗಳಿಸಿದೆ. ಗೆಲ್ಲಲು ಭಾರೀ ಮೊತ್ತದ ಟಾರ್ಗೆಟ್ ನೀಡಬೇಕಿದೆ. ಪಂಜಾಬ್ ಬ್ಯಾಟಿಂಗ್ ಲೈನಪ್ ಚೆನ್ನಾಗಿದ್ದು ಚೆನ್ನೈ ಎಷ್ಟು ರನ್ ಗುರಿ ನೀಡುತ್ತದೆ ಕಾದು ನೋಡಬೇಕಿದೆ.

ಪಂಜಾಬ್ ದೇ ಶೇರ್ ತಂಡ ಮೊದಲ ಇನ್ನಿಂಗ್ಸ್‌ ಮುಗಿಸಿದೆ. 10 ಓವರ್‌ಗಳಲ್ಲಿ 1 ವಿಕೆಟ್ ಕಳೆದುಕೊಂಡು 103ರನ್ ಗಳಿಸಿದೆ. ಆ ಮೂಲಕ 15 ರನ್ ಮುನ್ನಡೆ ಕಾಯ್ದುಕೊಂಡಂತೆ ಆಗಿದೆ. ಪಂಜಾಬ್ ಪರ ಬಬಲ್ 40 ರನ್, ರಾಹುಲ್ ಔಟಾಗಲೇ 43 ರನ್ ಗಳಿಸಿ ತಂಡಕ್ಕೆ ಆಸರೆ ಆದರು.

ರಾಹುಲ್ ಜೇಟ್ಲಿ ಮತ್ತು ಬಬಲ್ ರೈ ಅವರ ಜೊತೆಯಾಟದ ನೆರವಿನಿಂದ ಪಂಜಾಬ್ ತಂಡ 7 ಓವರ್‌ಗಳಲ್ಲಿ 79 ರನ್‌ಗಳನ್ನು ಗಳಿಸಿದೆ. ಮುನ್ನಡೆ ಸಾಧಿಸಲು ಇನ್ನು 10 ರನ್‌ಗಳ ಅವಶ್ಯಕತೆ ಇದ್ದು 18 ಬಾಲ್‌ಗಳು ಬಾಕಿ ಇವೆ.

ಚೆನ್ನೈ ತಂಡದ ವಿರುದ್ದ ಪಂಜಾಬ್ ಮೈಲುಗೈ ಸಾಧಿಸುತ್ತಿದೆ. ಆರಂಭದಿಂದ ಆಕ್ರಮಣಕಾರಿ ಆಟವನ್ನು ಆಡುತ್ತಿರುವ ಪಂಜಾಬ್ ತಂಡ ಸದ್ಯ 6 ಓವರ್‌ಗಳಲ್ಲಿ 67 ರನ್‌ಗಳನ್ನು ಗಳಿಸಿದೆ. ಚೆನ್ನೈಗಿಂತ ಪಂಜಾಬ್ ಕೇವಲ 22 ರನ್‌ಗಳಿಂದ ಹಿಂದೆ ಇದ್ದು ಮುಂದಿನ ನಾಲ್ಕು ಓವರ್‌ಗಳಲ್ಲಿ ಪಂಜಾಬ್ ಎಷ್ಟು ಮೊತ್ತ ಗಳಿಸಲಿದೆ ಎನ್ನುವುದನ್ನು ಕಾದು ನೋಡಬೇಕಿದೆ.

ಪಂಜಾಬ್ ತಂಡ ತನ್ನ ಮೊದಲ ಇನಿಂಗ್ಸ್‌ನಲ್ಲಿ 4 ಓವರ್‌ನಲ್ಲಿ 45 ರನ್ ಗಳಿಸಿದೆ. ಬಬಲ್ ರೈ ಆಕ್ರಮಣಕಾರಿ ಆಟವನ್ನು ಆಡುತ್ತಿದ್ದು ಕೇವಲ 10 ಎಸೆತಗಳಲ್ಲಿ 21 ರನ್ ಗಳಿಸಿದ್ದಾರೆ. ಕರಣ್ ವಾಹಿ 13 ರನ್‌ಗೆ ವಿಕೆಟ್ ಒಪ್ಪಿಸಿದ್ದು ರಾಹುಲ್ ಜೇಟ್ಲಿ ಕ್ರಿಸ್‌ಗೆ ಬಂದಿದ್ದಾರೆ.

ಪಂಜಾಬ್ ತಂಡ ತನ್ನ ಮೊದಲ ಇನಿಂಗ್ಸ್‌ನಲ್ಲಿ ಅತ್ಯುತ್ತಮವಾದ ಆರಂಭ ಪಡೆದುಕೊಂಡಿದೆ. ಆರಂಭಿಕರಾಗಿ ಕಣಕ್ಕಿಳಿದ ಬಬಲ್ ರೈ ಮತ್ತು ಕರಣ್ ವಾಹಿ ಚೆನ್ನೈ ಬೌಲರ್‌ಗಳನ್ನು ದಂಡಿಸುತ್ತಿದ್ದು ಕೇವಲ ಎರಡು ಓವರ್‌ಗಳಲ್ಲಿ 27 ರನ್‌ ಕಲೆ ಹಾಕಿದ್ದಾರೆ. ಚೆನ್ನೈ ಪರ ಶರಣ್ ಕೇವಲ ಒಂದೇ ಓವರ್‌ನಲ್ಲಿ 18 ರನ್‌ಗಳನ್ನು ಬಿಟ್ಟು ಕೊಟ್ಟಿದ್ದಾರೆ.

ಚೆನ್ನೈ ತನ್ನ ಮೊದಲ ಇನಿಂಗ್ಸ್‌ನಲ್ಲಿ 89 ರನ್ ಗಳಿಸಿದೆ. ನಾಲ್ಕು ವಿಕೆಟ್ ಕಳೆದುಕೊಂಡು ಚೆನ್ನೈ ಈ ಮೊತ್ತವನ್ನು ಕಲೆ ಹಾಕಿದ್ದು ಚೆನ್ನೈ ಪರ ಪೃಥ್ವಿ ಅತ್ಯಧಿಕ 23 ರನ್ ಗಳಿಸಿದ್ದಾರೆ. ಸೂಯುಶ್ ರೈ, ದಕ್ಷ್ ಸಿಂಗ್ ಮತ್ತು ಬಬಲ್ ರೈ ತಲಾ ಒಂದೊಂದು ವಿಕೆಟ್ ಪಡೆದಿದ್ದಾರೆ. ದಕ್ಷ್ ಅವರ 10ನೇ ಓವರ್‌ನ ಕೊನೆಯ ಎಸೆತದಲ್ಲಿ ದಸರತಿ ಸಿಕ್ಸ್ ಬಾರಿಸಿದ್ದು ವಿಶೇಷ.

7ನೇ ಓವರ್ ಅಂತ್ಯಕ್ಕೆ ಚೆನ್ನೈ ತಂಡ 57 ರನ್ ಗಳಿಸಿದೆ. ಪೃಥ್ವಿ 11 ಮತ್ತು ಅಜಯ್ 8 ರನ್ ಗಳಿಸಿದರೆ ಬಬಲ್ ರೈ ಬೌಲಿಂಗ್ ಮಾಡುತ್ತಿದ್ದಾರೆ. ಇನ್ನೂ 3 ಓವರ್ ಮಾತ್ರ ಬಾಕಿ ಇದ್ದು ಚೆನ್ನೈ ಎಷ್ಟು ಗಳಿಸಬಹುದು ಎನ್ನುವುದು ಸದ್ಯದ ಕುತೂಹಲ

ಚೆನ್ನೈ ತಂಡ ಮೊದಲ ಆರು ಓವರ್‌ಗಳಲ್ಲಿ 44 ರನ್ ಗಳಿಸಿದೆ. ತಂಡದ ನಾಯಕ ವಿಕ್ರಾಂತ್ ಮತ್ತು ರಮಣ ಮರಳಿ ಗೂಡು ಸೇರಿದ್ದು ಸದ್ಯ ಪೃಥ್ವಿ ಮತ್ತು ಅಜಯ್ ಬ್ಯಾಟಿಂಗ್ ಮಾಡುತ್ತಿದ್ಧಾರೆ. ಸೂಯುಶ್ ರೈ ಎರಡು ವಿಕೆಟ್‌ಗಳನ್ನು ತಮ್ಮದಾಗಿಸಿಕೊಂಡಿದ್ದಾರೆ.

ಮೊದಲ 5 ಓವರ್‌ಗಳಲ್ಲಿ ಒಂದು ವಿಕೆಡ್ ಕಳೆದುಕೊಂಡು ಚೆನ್ನೈ 41 ರನ್ ಗಳಿಸಿದೆ. ವಿಕ್ರಾಂತ್ ಔಟ್ ಆಗಿದ್ದು ರಮಣ ಹಾಗೂ ಪೃಥ್ವಿ ಕ್ರೀಸ್‌ನಲ್ಲಿ ಇದ್ದಾರೆ. ಚೆನ್ನೈ ನಿಧಾನಗತಿಯಲ್ಲಿ ಮೊದಲ ಇನ್ನಿಂಗ್ಸ್ ಆರಂಭಿಸಿದ್ದು ಮುಂದೆ ದೊಡ್ಡ ಹೊಡೆತಗಳಿಗೆ ಕೈ ಹಾಕುವ ಸಾಧ್ಯತೆಯಿದೆ.

ಮೊದಲ ಓವರ್ ಯಾವುದೇ ವಿಕೆಟ್ ನಷ್ಟವಿಲ್ಲದೇ ಚೆನ್ನೈ ರೈನೋಸ್ ತಂಡ 4 ರನ್ ಗಳಿಸಿದೆ. ಪಂಜಾಬ್ ತಂಡದ ನಾಯಕ ಹಾರ್ಡಿ ಸಂಧು ಬೌಲಿಂಗ್‌ನಲ್ಲಿ ರಮಣ ಹಾಗೂ ವಿಕ್ರಾಂತ್ ಬ್ಯಾಟ್ ಬೀಸಿದರು.

ಪಂಜಾಬ್ ತಂಡ ಕೂಡ ಲೀಗ್ ಹಂತದ 4 ಪಂದ್ಯಗಳಲ್ಲಿ 2 ಪಂದ್ಯಗಳಲ್ಲಿ ಗೆದ್ದು ಎರಡನ್ನು ಸೋತಿತ್ತು. ಆದರೆ ಬಲಿಷ್ಠ ಕರ್ನಾಟಕ ಬುಲ್ಡೋಜರ್ಸ್ ತಂಡದ ಎದುರು ಗೆಲುವಿನ ನಗೆ ಬೀರಿತ್ತು. ಇದೀಗ ಸೆಮಿಫೈನಲ್ ಗೆದ್ದು ಫೈನಲ್ ಹಂತಕ್ಕೆ ಬಂದಿದ್ದಾರೆ. ಹಾರ್ಡಿ ಸಂಧು ತಂಡವನ್ನು ಮುನ್ನಡೆಸುತ್ತಿದ್ದಾರೆ.

ಚೆನ್ನೈ ರೈನೋಸ್ vs ಪಂಜಾಬ್ ದೇ ಶೇರ್ ತಂಡಗಳ ನಡುವಿನ ಸಿಸಿಎಲ್ 2025 ಫೈನಲ್ ಪಂದ್ಯ ಆರಂಭವಾಗಿದೆ. ಟಾಸ್ ಗೆದ್ದ ಪಂಜಾಬ್ ತಂಡ ಬೌಲಿಂಗ್ ಆಯ್ಕೆ ಮಾಡಿಕೊಂಡಿದೆ. ಹಾಗಾಗಿ ಚೆನ್ನೈ ಬ್ಯಾಟಿಂಗ್ ಆರಂಭಿಸಿ ಮೊದಲ ಇನ್ನಿಂಗ್ಸ್‌ನಲ್ಲಿ ಎಷ್ಟು ರನ್ ಕಲೆ ಹಾಕುತ್ತಾರೆ ಕಾದು ನೋಡಬೇಕಿದೆ.

ಆಡಿದ 4 ಲೀಗ್ ಪಂದ್ಯಗಳಲ್ಲಿ ಚೆನ್ನೈ ರೈನೋಸ್ 2 ಪಂದ್ಯಗಳಲ್ಲಿ ಮಾತ್ರ ಗೆದ್ದಿತ್ತು. ಆದರೆ ಸೆಮಿಫೈನಲ್ ಪಂದ್ಯದಲ್ಲಿ ಕರ್ನಾಟಕ ಬುಲ್ಡೋಜರ್ಸ್ ತಂಡದ ವಿರುದ್ಧ ಗೆದ್ದು ಅಚ್ಚರಿ ಎನ್ನುವಂತೆ ಫೈನಲ್ ಪ್ರವೇಶಿಸಿದೆ. ಆರ್ಯ, ವಿಕ್ರಾಂತ್ ತಂಡದ ಪ್ರಮುಖ ಆಟಗಾರರಾಗಿದ್ದು ಯಾವುದೇ ಕ್ಷಣದಲ್ಲಿ ಪಂದ್ಯದ ಗತಿ ಬದಲಿಸಬಲ್ಲರು.

ಈ ಬಾರಿ ಸೆಮಿ ಫೈನಲ್ ಹಾಗೂ ಫೈನಲ್ ಪಂದ್ಯ ಮೈಸೂರಿನ ಮೈಸೂರಿನ ಶ್ರೀಕಂಠ ನರಸಿಂಹರಾಜ ದತ್ತ ಒಡೆಯರ್ ಮೈದಾನದಲ್ಲಿ ನಡೆಯುತ್ತಿದೆ. ಅರಮನೆ ನಗರಿಯಲ್ಲಿ ಅಭಿಮಾನಿಗಳ ನಡುವೆ ಪಂದ್ಯ ಆಡಿ ಸುದೀಪ್ ಅಂಡ್ ಟೀಂ ಎಂಜಾಯ್ ಮಾಡಿತ್ತು. ಆತ್ಮೀಯ ಸ್ವಾಗತ ಮತ್ತು ಪ್ರೀತಿ ನೀಡಿದ ಮೈಸೂರಿನ ಎಲ್ಲಾ ಸ್ನೇಹಿತರಿಗೆ ಧನ್ಯವಾದಗಳು. ಫೈನಲ್ ಪಂದ್ಯ ಆಡುತ್ತಿರುವ ಚೆನ್ನೈ ರೈನೋಸ್ ಮತ್ತು ಪಂಜಾಬ್ ದೇ ಶೇರ್ ತಂಡಗಳಿಗೆ ಶುಭಾಶಯಗಳು" ಎಂದು ಸುದೀಪ್ ಟ್ವೀಟ್‌ ಮಾಡಿದ್ದಾರೆ.

ಸೆಮಿಫೈನಲ್ ಪಂದ್ಯದಲ್ಲಿ ಕರ್ನಾಟಕ ಬುಲ್ಡೋಜರ್ಸ್ ತಂಡ ಸೋಲುಂಡ ಬಗ್ಗೆ ಸುದೀಪ್ ಪ್ರತಿಕ್ರಿಯಿಸಿದ್ದಾರೆ. ಈ ಬಗ್ಗೆ ಟ್ವಿಟ್ಟರ್‌ನಲ್ಲಿ ಪೋಸ್ಟ್ ಮಾಡಿದ್ದಾರೆ. "ಕರ್ನಾಟಕ ಬುಲ್ಡೋಜರ್ಸ್ ತಂಡಕ್ಕೆ ಬೆಂಬಲ ನೀಡಿದ ನಿಮ್ಮೆಲ್ಲರಿಗೂ ಧನ್ಯವಾದಗಳು.. ಖಂಡಿತ ನಮ್ಮದು ಟ್ರೋಫಿ ಗೆಲ್ಲಲು ಅರ್ಹ ತಂಡವಾಗಿತ್ತು. ಆದರೂ ತಂಡ ಅತ್ಯುತ್ತಮ ಪ್ರದರ್ಶನ ನೀಡಿದೆ" ಎಂದು ಬರೆದುಕೊಂಡಿದ್ದಾರೆ.