ಚಿತ್ರರಂಗದಲ್ಲಿ 40 ವರ್ಷ ಪೂರೈಸಿದ ನಟ ಜಗ್ಗೇಶ್: ಸಿನಿ ಗಣ್ಯರಿಂದ ಅಭಿನಂದನೆ

ನಿರ್ದೇಶಕ ಸಂತೋಷ್ ಆನಂದರಾಮ್

ಜಗ್ಗೇಶ್ ಅವರ ಕಾಮನ್ ಡಿಪಿ ರಿಲೀಸ್ ಮಾಡಲಾಗಿದೆ. ಸಿಂಹಾಸನದ ಮೇಲೆ ಕುಳಿತಿರುವ ಜಗ್ಗೇಶ್ ಫೋಟೋ ಶೇರ್ ಮಾಡಿ ಎಲ್ಲರೂ ವಿಶ್ ಮಾಡುತ್ತಿದ್ದಾರೆ. ನಿರ್ದೇಶಕ ಸಂತೋಷ್ ಆನಂದರಾಮ್ ವಿಶ್ ಮಾಡಿ, 'ಭಾರತೀಯ ಚಿತ್ರ ರಂಗದಲ್ಲೇ 40 ವರ್ಷಗಳಿಂದ ತಮ್ಮ ಹಾಸ್ಯ ಹಾಗು ಅಭಿನಯದಿಂದ ಜನಮಾನಸವನ್ನು ಗೆಲ್ಲುತ್ತಿರುವ, ಪ್ರಭಾವಿಸುತ್ತಿರುವ Drama ದಿಂದ Digital ವರೆಗೂ ತಮ್ಮ ನವರಸ ಅಭಿನಯವನ್ನ ಪ್ರದರ್ಶಿಸುತ್ತಿರುವ ನಿಮಗೆ ಅನಂತ ನಮನಗಳು' ಎಂದಿದ್ದಾರೆ.

ನಟ, ನಿರ್ದೇಶಕ ರಘುರಾಮ್

ಇನ್ನು ನಟ ಮತ್ತು ನಿರ್ದೇಶಕ ರಘುರಾಮ್ ಟ್ವೀಟ್ ಮಾಡಿ, 'ಅವಮಾನಗಳನ್ನು ಮೆಟ್ಟಿ, ಅನುಮಾನಗಳನ್ನು ಅಟ್ಟಿ, ಸದ್ಮಾರ್ಗದ, ಸನ್ಮಾನದ ಕಡೇ ದೃಷ್ಟಿ ಇಟ್ಟ ನಮ್ಮ ಜಗಣ್ಣನ ಬಣ್ಣದ ಬದುಕಿಗೆ 40 ವರ್ಷ.ಇನ್ನಷ್ಟು ನಮ್ಮನ್ನ ನಗಿಸಿ, ವಿಭಿನ್ನ ಪಾತ್ರಗಳಲ್ಲಿ ಅಭಿನಯಿಸಿ, ಸದಾಕಾಲ ಬೆಳ್ಳಿಪರದೆಯಲ್ಲಿ, ಕನ್ನಡಿಗರ ಹೃದಯದಲ್ಲಿ ವಿಜೃಂಭಿಸಿ .ಇದು ನಿಮ್ಮ ಗುರಿಗೆ ನಂಬಿಕೆಗೆ ಹಠಕ್ಕೆ, ಛಲಕ್ಕೆ, ಸಾಧನೆಗೆ 40ವರ್ಷ' ಎಂದಿದ್ದಾರೆ.

ಪವನ್ ಒಡೆಯರ್ ಮತ್ತು ಕಾರ್ತಿಕ್ ಗೌಡ

ನಿರ್ದೇಶಕ ಪವನ್ ಒಡೆಯರ್ ಸಹ ವಿಶ್ ಮಾಡಿದ್ದಾರೆ. 'ಹೃದಯ ಪೂರ್ವಕ ಶುಭಾಶಯಗಳು ಅಣ್ಣ' ಎಂದು ಹೇಳಿದ್ದಾರೆ. ನಿರ್ಮಾಪಕ ಕಾರ್ತಿಕ್ ಗೌಡ ಸಹ ಶುಭಾಶಯ ತಿಳಿಸಿದ್ದಾರೆ. 'ಶುಭಾಶಯಗಳು ಅಣ್ಣ' ಎಂದು ಟ್ವೀಟಿ ಮಾಡಿದ್ದಾರೆ.

ನಟ ರವಿಶಂಕರ್ ಗೌಡ

'ಕಷ್ಟ ಸಹಿಸಿ, ನೋವು ಅಳಿಸಿ, ಅವಮಾನ ಅನುಭವಿಸಿ, ಹಸಿವನ್ನು ಅದುಮಿ, ಯಶಸ್ವಿಯಾಗಿ 40 ವರ್ಷದಿಂದ ನಗಿಸುವ ಕಾಯಕ ಮಾಡುತ್ತಲೇ ಅಪಾರ ಅಭಿಮಾನಿಗಳನ್ನು ಗಳಿಸುವುದು ಇಂತಹ ಶ್ರೇಷ್ಠ ನಟನಿಗೆ ಮಾತ್ರ ಸಾಧ್ಯ. ಇಂದಿಗೂ ನಮ್ಮಂತವರಿಗೆ ಸ್ಫೂರ್ತಿಯ ಸೆಲೆಯಾಗಿರುವ ನೀವು ನೂರು ವರ್ಷ ಪೂರೈಸಿ. ಅಭಿನಂದನೆಗಳು ಪ್ರೀತಿಯ ಜಗ್ಗಣ್ಣ.' ಎಂದಿದ್ದಾರೆ.

Recommended Video

ರೆಬಲ್ ಸ್ಟಾರ್ ಮೇಲಿನ ಪ್ರೀತಿಯನ್ನು ಮತ್ತೆ ಸಾಬೀತು ಪಡಿಸಿದ ಮಂಡ್ಯ ಜನ | Filmibeat Kannada

ನಟ ನೆನಪಿರಲಿ ಪ್ರೇಮ್

ಜಗ್ಗೇಶ್ ಬಗ್ಗೆ ನಟ ಪ್ರೇಮ್ ಟ್ವೀಟ್ ಮಾಡಿ, 'ಕಲಾಬಂಧು, ನವರಸ ನಾಯಕ, ನಮ್ಮೆಲ್ಲರ ಪ್ರೀತಿಯ ಜಗ್ಗೇಶ್ ಅಣ್ಣ ಇಂದು ಸಿನಿರಂಗಕ್ಕೆ ಬಂದು 40 ವರ್ಷ ಪೂರ್ಣಗೊಂಡಿದ್ದು ಅವರಿಗೆ ತುಂಬು ಹೃದಯದ ಅಭಿನಂದನೆಗಳು' ಎಂದಿದ್ದಾರೆ.