Happy Birthday Darshan : ದರ್ಶನ್ ಹುಟ್ಟುಹಬ್ಬಕ್ಕೆ ಚಿತ್ರರಂಗದ ತಾರೆಯರು, ರಾಜಕೀಯ ಗಣ್ಯರ ಶುಭಾಶಯ

ಧನಂಜಯ ಶುಭ ಹಾರೈಕೆ

"ಆತ್ಮೀಯ ಸಹೋದರ ದರ್ಶನ್‌ ಅವರಿಗೆ ಹುಟ್ಟುಹಬ್ಬದ ಶುಭಾಶಯ" ಎಂದು ನಟ ಧನಂಜಯ ಟ್ವೀಟ್ ಮಾಡಿದ್ದಾರೆ. ದರ್ಶನ್ ಜೊತೆಗಿನ ಫೋಟೊ ಜೊತೆಗೆ 'ಕಾಟೇರ' ಚಿತ್ರದ ಪೋಸ್ಟರ್‌ ಅನ್ನು ಡಾಲಿ ಹಂಚಿಕೊಂಡಿದ್ದಾರೆ. 'ಯಜಮಾನ' ಚಿತ್ರದಲ್ಲಿ ದರ್ಶನ್ ಜೊತೆಗೆ ಧನಂಜಯ ನಟಿಸಿದ್ದರು. ಹುಂಬತನ ಇರುವ ಮಿಠಾಯಿ ಸೂರಿ ಎನ್ನುವ ಪಾತ್ರದಲ್ಲಿ ಧನು ಮಿಂಚಿದ್ದರು. ಸಣ್ಣ ಪಾತ್ರ ಆದರೂ ಡಾಲಿ ಗಮನ ಸೆಳೆದಿದ್ದರು.

ಸ್ನೇಹಿತನಿಗೆ ಕ್ರೇಜಿ ಕ್ವೀನ್ ವಿಶ್

ನಟಿ ರಕ್ಷಿತಾ ಪ್ರೇಮ್ ಆತ್ಮೀಯ ಸ್ನೇಹಿತನಿಗೆ ಹುಟ್ಟುಹಬ್ಬದ ಶುಭ ಕೋರಿದ್ದಾರೆ. ಇತ್ತೀಚೆಗೆ 'ಕ್ರಾಂತಿ' ಚಿತ್ರ ತಂಡದ ಜೊತೆ ರಕ್ಷಿತಾ ಪಾರ್ಟಿ ಮಾಡಿದ್ದರು. ಆಗ ಕ್ಲಿಕ್ಕಿಸಿಕೊಂಡ ಫೋಟೊ ಹಂಚಿಕೊಂಡು "ಅಂದು ಸಂಜೆ ಸೆರೆಹಿಡಿದ ಫೋಟೊಗಳಲ್ಲಿ ಇದು ಮೆಚ್ಚಿನ ಚಿತ್ರ. ಸುಂದರ ನೆನಪುಗಳು ಹಾಗೂ ಬೆಂಬಲಕ್ಕೆ ಧನ್ಯವಾದಗಳು. ಹುಟ್ಟುಹಬ್ಬದ ಶುಭಾಶಯಗಳು ನನ್ನ ಆತ್ಮೀಯ ದರ್ಶನ್" ಎಂದು ರಕ್ಷಿತಾ ಟ್ವೀಟ್ ಮಾಡಿದ್ದಾರೆ.

ಮದರ್ ಇಂಡಿಯಾ ಶುಭಾಶಯ

"ಪ್ರತಿಭೆಗೆ ತಕ್ಕಂತೆ ಅಪಾರ ಪರಿಶ್ರಮದಿಂದ ಕೋಟ್ಯಂತರ ಅಭಿಮಾನಿಗಳನ್ನು ಸಂಪಾದಿಸಿ ಚಿತ್ರರಂಗದಲ್ಲಿ ಧ್ರುವ ನಕ್ಷತ್ರದಂತೆ ಪ್ರಜ್ವಲಿಸುತ್ತಿರುವ ಪ್ರೀತಿಯ ದರ್ಶನ್'ಗೆ ಹುಟ್ಟುಹಬ್ಬದ ಶುಭ ಹಾರೈಕೆಗಳು. ಆ ಭಗವಂತ ದೀರ್ಘ ಆಯಸ್ಸು ,ಉತ್ತಮ ಆರೋಗ್ಯ ಕರುಣಿಸಿ ಕಾಪಾಡಲಿ ಎಂದು ಪ್ರಾರ್ಥಿಸುವೆ. ನೀವಿಡುವ ಎಲ್ಲ ಹೆಜ್ಜೆಗಳಿಗೆ ಗೆಲುವಾಗಲಿ ದರ್ಶನ್" ಎಂದು ಸಂಸದೆ ಸುಮಲತಾ ಅಂಬರೀಶ್ ಟ್ವೀಟ್ ಮಾಡಿದ್ದಾರೆ.

ರಾಜಕೀಯ ಗಣ್ಯರ ಶುಭ ಹಾರೈಕೆ

ಮಾಜಿ ಸಿಎಂ ಜಗದೀಶ್ ಶೆಟ್ಟರ್, ಸಂಸದರಾದ ಪ್ರತಾಪ್ ಸಿಂಹ, ಪಿ. ಸಿ ಮೋಹನ್, ಮಾಜಿ ಸಚಿವರಾದ ಸಿ. ಪಿ ಯೋಗೇಶ್ವರ್, ಸಚಿವರಾದ ಮುನಿರತ್ನ, ಡಾ. ಸುಧಾಕರ್, ಡಾ. ಅಶ್ವಥ್ ನಾರಾಯಣ್, ನಟ ನವರಸ ನಾಯಕ ಜಗ್ಗೇಶ್, ನಟಿ ನಿಮಿಕಾ ರತ್ನಾಕರ್, ನಿರ್ಮಾಪಕಿ ಶೈಲಜಾ ನಾಗ್, ನಟ ಸೃಜನ್ ಲೋಕೇಶ್, ನಟ ಪ್ರಮೋದ್, ನಿರ್ದೇಶಕ ಸುನಿ ಸೇರಿದಂತೆ ಸಾಕಷ್ಟು ಗಣ್ಯರು ನಟ ದರ್ಶನ್‌ಗೆ ಹುಟ್ಟುಹಬ್ಬದ ಶುಭಕೋರಿದ್ದಾರೆ.