Click it and Unblock the Notifications
Don't Miss!
-
Suzuki Access Electric: ಸುಜುಕಿ ಆಕ್ಸೆಸ್ ಎಲೆಕ್ಟ್ರಿಕ್ ಸ್ಕೂಟರ್ ಈ ವರ್ಷ ಬಿಡುಗಡೆ ಸಾಧ್ಯತೆ! -
5 ಸೆಕೆಂಡ್ನಲ್ಲಿ ಈ ಚಿತ್ರದಲ್ಲಿರುವ ಮೇಕೆ ಮಾಲೀಕನ ಹುಡುಕಿ..! ಎಲ್ಲಿದ್ದಾನೆ ಗೊತ್ತಾ? -
ಏಪ್ರಿಲ್ 28ಕ್ಕೆ ಬೆಣ್ಣೆನಗರಿಗೆ ಪ್ರಧಾನಿ ನರೇಂದ್ರ ಮೋದಿ ಆಗಮನ: ಸಿದ್ಧತೆ ಹೇಗಿದೆ? ಮಾಹಿತಿ -
Bengaluru: ಆ ಆಪ್ ಇನ್ಸ್ಟಾಲ್ ಮಾಡಿದ್ದೇ ತಡ 5.2 ಕೋಟಿ ರೂ. ಮಾಯ.. ನೀವು ಎಚ್ಚರ -
ಟಿ20 ವಿಶ್ವಕಪ್ಗೆ 15 ಸದಸ್ಯರ ಭಾರತ ತಂಡದ ಆಯ್ಕೆ ಮಾಡಿದ ಇರ್ಫಾನ್ ಪಠಾಣ್; ಸಂಜು, ರಾಹುಲ್ಗೆ ಸ್ಥಾನವಿಲ್ಲ! -
ರಿಲಯನ್ಸ್ಗೆ 28,607 ಕೋಟಿ ನಷ್ಟ, ಕಾರಣ ಏನು ಗೊತ್ತೆ? -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಅಣ್ಣ-ತಮ್ಮಂದಿರಿಗೆ ಶರಣಾದ ಶಿವರಾಜ್ ಕುಮಾರ್
'ಶಿವ' ಚಿತ್ರ ಬಾಕ್ಸ್ ಆಫೀಸ್ ಗಳಿಕೆ ಪ್ರಕಾರ ಸೋತು ಸುಣ್ಣವಾದ ಚಿತ್ರವಾಗಿಲ್ಲ. ಆದರೆ, ಶಿವಣ್ಣರ ಅಭಿಮಾನಿಗಳಿಗೆ ಇದ್ದ ನಿರೀಕ್ಷೆ ಮಟ್ಟ ಮುಟ್ಟುವಲ್ಲಿ ವಿಫಲವಾಗಿ ನಿರಾಸೆ ಮೂಡಿಸಿದೆ. ಇದೀಗ ಶಿವಣ್ಣ ತಮ್ಮ ಮುಂಬರುವ ಚಿತ್ರ 'ಅಣ್ಣ ತಮ್ಮಂದಿರು' ಬಗ್ಗೆ ಬಹಳಷ್ಟು ನಿರೀಕ್ಷೆ ಇಟ್ಟುಕೊಂಡಿದ್ದಾರೆ. ಆ ಬಗ್ಗೆ ಬಹಿರಂಗವಾಗಿಯೇ ಹೇಳಿಕೊಂಡಿದ್ದಾರೆ. ಈ ಚಿತ್ರದ ನಿರೀಕ್ಷೆ ಬಗ್ಗೆ ಶಿವಣ್ಣ ಕೊಟ್ಟಿರುವ ಕಾರಣ ನಂಬಲರ್ಹವಾಗಿದೆ.
ಶಿವಣ್ಣರ ಪ್ರಕಾರ, ಅವರ ಅಭಿನಯದ ಚಿತ್ರಗಳಲ್ಲಿ ಸೆಂಟಿಮೆಂಟ್ ಆಧಾರಿತ ಚಿತ್ರಗಳೇ ಯಶಸ್ವಿಯಾಗಿದ್ದು ಹೆಚ್ಚು. ಅದರಲ್ಲೂ ರಾಧಿಕಾ ಜತೆ ನಟಿಸಿದ್ದ 'ಅಣ್ಣ ತಂಗಿ' ಹಾಗೂ 'ತವರಿಗೆ ಬಾ ತಂಗಿ' ಮುಂತಾದ ಚಿತ್ರಗಳು ಸೂಪರ್ ಹಿಟ್ ಆಗಿವೆ. ಅಷ್ಟೇ ಅಲ್ಲ, ಸೂಪರ್ ಹಿಟ್ ದಾಖಲಿಸಿದ್ದ ಪ್ರೇಮ್ ನಿರ್ದೇಶನದ 'ಜೋಗಿ' ಚಿತ್ರ, ಸಂಪೂರ್ಣವಾಗಿ 'ತಾಯಿ ಸೆಂಟಿಮೆಂಟ್' ಆಧಾರಿತವಾಗಿತ್ತು. ಇಂತಹ ಚಿತ್ರಗಳನ್ನು ಫ್ಯಾಮಿಲಿ ಪ್ರೇಕ್ಷಕರು ಹೆಚ್ಚಾಗಿ ನೋಡಿ ಶಿವಣ್ಣರಿಗೆ ಯಶಸ್ಸು ಸಿಕ್ಕಿತ್ತು.
ಅದೆಲ್ಲವನ್ನೂ ಅರಿತಿರುವ ಶಿವಣ್ಣ, ತಮ್ಮ ಮಚ್ಚು-ಲಾಂಗುಗಳ ಚಿತ್ರಗಳಿಗಿಂತ ಕೌಟುಂಬಿಕ ಚಿತ್ರಗಳನ್ನು ಪ್ರೇಕ್ಷಕರು ಹೆಚ್ಚು ಇಷ್ಟಪಡುತ್ತಾರೆ ಎಂಬುದನ್ನು ಗಮನಿಸಿದ್ದಾರೆ. ಹಳೆಯದೆಲ್ಲವನ್ನೂ ನೆನಪಿಸಿಕೊಂಡಿರುವ ಅವರು, ಮತ್ತೆ ಯಶಸ್ಸು ಪಡೆಯುವ ದಾರಿಯನ್ನು ಸಹಜವಾಗಿ ಯೋಚಿಸಿದ್ದಾರೆ. ಆಗ ಅವರು ಕಂಡುಕೊಂಡ ಸತ್ಯವೇ ಈ ಸೆಂಟಿಮೆಂಟ್ ಆಧಾರಿತ ಚಿತ್ರಗಳು. ಹೀಗಾಗಿಯೇ ಅವರೀಗ 'ಅಣ್ಣ ತಮ್ಮಂದಿರು' ಜಪ ಮಾಡುತ್ತಿದ್ದಾರೆ.
ಅಂದಹಾಗೆ, ಆರ್ ಮಾದೇಶ್ ನಿರ್ದೇಶನದ 'ಅಣ್ಣ ತಮ್ಮಂದಿರು' ಚಿತ್ರದಲ್ಲಿ ಅಣ್ಣನಾಗಿ ನಟಿಸಲಿರುವ ಶಿವಣ್ಣರಿಗೆ ತಮ್ಮಂದಿರಾಗಿ ಶ್ರೀನಗರ ಕಿಟ್ಟಿ ಹಾಗೂ ಯೋಗೇಶ್ ಜತೆಯಾಗಿದ್ದಾರೆ. ಈ ಮೊದಲು 'ಹುಡುಗರು' ಚಿತ್ರದಲ್ಲಿ ಪುನೀತ್ ಅವರಿಗೆ ಜೊತೆಯಾಗಿ ಯಶಸ್ಸು ಕಂಡಿದ್ದ ಈ ಕಿಟ್ಟಿ-ಯೋಗಿ ಜೋಡಿ, ಇದೀಗ ಶಿವಣ್ಣರನ್ನು ಸೇರಿಕೊಂಡಿದ್ದಾಗಿದೆ. ಹೀಗಾಗಿ, ಈ 'ಅಣ್ಣ ತಮ್ಮಂದಿರು' ಚಿತ್ರವು ನಿರೀಕ್ಷೆ ಮೂಡಿಸುತ್ತಿದೆ. ಮುಂದೇನಾಗುವುದೋ ಕಾದು ನೋಡಬೇಕು. (ಒನ್ ಇಂಡಿಯಾ ಕನ್ನಡ)
