ಸೆಲ್ಫಿ ಕ್ರೇಜ್‌ನಲ್ಲಿ 'ಆಟೋಗ್ರಾಫ್' ಮರೆಯುತ್ತಿದ್ದಾರಾ ಫ್ಯಾನ್ಸ್? 'ಸಹಿ'ಯಲ್ಲೂ ದರ್ಶನ್ ಕನ್ನಡ 'ಕ್ರಾಂತಿ'!

'ಆಟೋಗ್ರಾಫ್'ಗಿಂತ 'ಸೆಲ್ಫಿ' ಮೇಲೆ ಒಲವು

ಒಂದು ಕಾಲದಲ್ಲಿ ಅಭಿಮಾನಿಗಳ ಮಧ್ಯೆ ದರ್ಶನ್ ಏನಾದರೂ ಸಿಕ್ಕಿಬಿದ್ದರೆ, ಅಭಿಮಾನಿಗಳು ಆಟೋಗ್ರಾಫ್‌ಗಾಗಿ ಮುಗಿಬೀಳುತ್ತಿದ್ದರು. ಇತ್ತ ದರ್ಶನ್ ಕೂಡ 'ಆಟೋಗ್ರಾಫ್' ಕೊಟ್ಟು ಸುಸ್ತಾಗಿಬಿಡುತ್ತಿದ್ದರು. ಅದ್ಯಾವಾಗ, ಮೊಬೈಲ್, ಸೆಲ್ಫಿ ಕ್ರೇಜ್ ಹೆಚ್ಚಾಯ್ತೋ ಅಲ್ಲಿಂದ 'ಆಟೋಗ್ರಾಫ್' ತೆಗೆದುಕೊಳ್ಳುವುದನ್ನೇ ಮರೆತುಬಿಟ್ಟಿದ್ದಾರೆ. ಆದರೆ, ದರ್ಶನ್ ಅಭಿಮಾನಿಗಳಿಗೆ ನೀಡುವ ಆಟೋಗ್ರಾಫ್ ಹೇಗಿದೆ ಗೊತ್ತಾ? ಅವರು ಸಹಿ ಮಾಡೋ ಶೈಲಿ ಹೇಗಿದೆ ನೋಡಿದ್ದೀರಾ?

ಕನ್ನಡದಲ್ಲೇ 'ಆಟೋಗ್ರಾಫ್'

ದರ್ಶನ್ ತಮ್ಮ ಸೆಲೆಬ್ರೆಟಿಗಳಿಗೆ ಅದೆಷ್ಟೋ ಬಾರಿ ಆಟೋಗ್ರಾಫ್ ಕೊಟ್ಟಿದ್ದಾರೆ. ಇತ್ತೀಚೆಗಷ್ಟೇ ಅಭಿಮಾನಿಗಳೂ ಮರೆತಿದ್ದಾರೆ. ಸೆಲೆಬ್ರೆಟಿಗಳಿಂದ ದರ್ಶನ್ ಕೂಡ ಆಟೋಗ್ರಾಫ್ ಕೊಡುವುದನ್ನು ಮರೆತಿದ್ದಾರೆ. ಆದರೆ, ಈ ಹಿಂದೆ ನೀಡಿರುವ ದರ್ಶನ್ 'ಆಟೋಗ್ರಾಫ್‌' ಸಖತ್ತಾಗಿದೆ. ದರ್ಶನ್ ಯಾವಾಗಲೂ ಅಚ್ಚ ಕನ್ನಡದಲ್ಲಿಯೇ ಸಹಿ ಹಾಕುತ್ತಾರೆ. ಹಾಗಂತ ಕೇವಲ ಕನ್ನಡದಲ್ಲಷ್ಟೇ ಅಲ್ಲ. ಸ್ಟೈಲಿಶ್ ಆಗಿಯೂ ಇದೆ.

ಆಟೋ, ಕಾರಿನ ಮೇಲೂ ಆಟೋಗ್ರಾಫ್

ಅಭಿಮಾನಿಗಳು ದರ್ಶನ್ ಬಳಿ ಸುಮ್‌ಸುಮ್ಮನೆ ಬರೋದಿಲ್ಲ. ತಮ್ಮ ಆಟೋದಲ್ಲೋ, ಬೈಕ್‌ನಲ್ಲೋ ಇಲ್ಲಾ ಕಾರಿನಲ್ಲೋ ಬರುತ್ತಾರೆ. ಬಂದಾಗಲೆಲ್ಲಾ ತಮ್ಮ ಕಾರಿನ ಮೇಲೆ, ಆಟೋ ಮೇಲೆ ದರ್ಶನ್ ಹಸ್ತಾಕ್ಷರವನ್ನು ಹಾಕಿಸಿಕೊಳ್ಳುತ್ತಿದ್ದರು. ಅಂತಹ ಎಷ್ಟೋ ಫೋಟೊಗಳು ಸೋಶಿಯಲ್ ಮೀಡಿಯಾದಲ್ಲಿ ಹರಿದಾಡುತ್ತಲೇ ಇರುತ್ತೆ. ಆದ್ರೀಗ ಅದೇ ಸಂಸ್ಕೃತಿ ಸೆಲ್ಫಿಯಾಗಿ ಬದಲಾಗಿದೆ.

ಬರ್ತ್‌ಡೇಯಂದೇ ಹೊಸ ಸಿನಿಮಾ ಅನೌನ್ಸ್

'ಕ್ರಾಂತಿ' ಬಳಿಕ 'ಕಾಟೇರ' ಸಿನಿಮಾದ ಶೂಟಿಂಗ್ ನಡೆಯುತ್ತಿದೆ. ಮುಂದೆ ಯಾವ ಸಿನಿಮಾ ಮಾಡುತ್ತಾರೆ? ದರ್ಶನ್ ಕೈಯಲ್ಲಿ ಎಷ್ಟು ಸಿನಿಮಾಗಳಿವೆ? ಅನ್ನೋ ಕುತೂಹಲಕ್ಕೆ ಬರ್ತ್‌ಡೇಯಂದೇ ತೆರೆಬಿದ್ದಿದೆ. ಒಬ್ಬರಲ್ಲ, ಇಬ್ಬರಲ್ಲ ಆರು ಮಂದಿ ನಿರ್ಮಾಪಕರು ದರ್ಶನ್ ಜೊತೆ ಸಿನಿಮಾ ಮಾಡಲು ಮುಂದಾಗಿದ್ದಾರೆ. ಆದ್ರೀಗ ಇವರಲ್ಲಿ ಯಾರ ಸಿನಿಮಾ ಮೊದಲು ಸೆಟ್ಟೇರುತ್ತೆ ಅನ್ನೋ ಕುತೂಹಲವಿದೆ.