Don't Miss!
- News Dingaleshwar Swamiji: ಕೋಟಿ ಒಡೆಯ ದಿಂಗಾಲೇಶ್ವರ ಸ್ವಾಮೀಜಿಯ ಆಸ್ತಿ ವಿವರ ತಿಳಿಯಿರಿ
- Sports PBKS vs MI: ಐಪಿಎಲ್ನಲ್ಲಿ ಈ ಇತಿಹಾಸ ನಿರ್ಮಿಸಿದ 2ನೇ ಆಟಗಾರ ರೋಹಿತ್ ಶರ್ಮಾ
- Automobiles ಎಲೆಕ್ಟ್ರಿಕ್ ಕಾರು ಖರೀದಿಸಿ ಪರಿಸರ ಪ್ರೇಮ ಮೆರೆದ ನಟಿ: ಬೆಲೆ ಕೇಳಿದ್ರೆ ತಲೆ ತಿರುಗುತ್ತೆ!
- Lifestyle ಊಟದ ರುಚಿ ಹೆಚ್ಚಿಸುತ್ತೆ ಚೌಳಿಕಾಯಿ ಪಲ್ಯ..! ಹೀಗೆ ಮಾಡಿ
- Finance ಬಿಸಿಲ ಬೇಗೆಯಿಂದ ರಕ್ಷಿಸಿಕೊಳ್ಳಲು ಟ್ರಾಫಿಕ್ ಪೊಲೀಸರಿಗೆ ರಿಲಿಫ್: ಬಂತು ಹವಾನಿಯಂತ್ರಿತ ಎಸಿ ಹೆಲ್ಮೆಟ್!
- Technology Samsung: ಸ್ಯಾಮ್ಸಂಗ್ನ ಈ ಸರಣಿ ಫೋನ್ಗಳಲ್ಲಿ ಗ್ರೀನ್ ಲೈನ್ ಸಮಸ್ಯೆ! ವರದಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಧೂಳೆಬ್ಬಿಸುತ್ತಿದೆ 'ರಾಬರ್ಟ್' ಚಿತ್ರದ 'ದೋಸ್ತಾ ಕಣೋ... ಬ್ರದರ್ ಫ್ರಂ ಅನದರ್ ಮದರ್'
ಸಿನಿಮಾಗಳೂ ಬಿಡುಗಡೆಯಾಗುತ್ತಿಲ್ಲ, ಚಿತ್ರಮಂದಿರಗಳು ಪ್ರದರ್ಶನ ಮಾಡುತ್ತಿಲ್ಲ, ಚಿತ್ರೀಕರಣಗಳೂ ನಿಂತು ಹೋಗಿವೆ. ಹಾಗೆಂದು ಅಭಿಮಾನಿಗಳು ನಿರಾಶರಾಗಿ ಕುಳಿತಿಲ್ಲ. ಏಕೆಂದರೆ ಅವರ ನೆಚ್ಚಿನ ನಟರ ಸಿನಿಮಾಗಳಿಂದ ಒಂದೊಂದೇ ಖುಷಿ ನೀಡುವ ಕೊಡುಗೆಗಳು ನಿರಂತರವಾಗಿ ಸಿಗುತ್ತಿವೆ. ಇದಕ್ಕೆ ಹೊಸ ಸೇರ್ಪಡೆ ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಅವರ 'ದೋಸ್ತಾ ಕಣೋ...'.
'ರಾಬರ್ಟ್' ಚಿತ್ರತಂಡ ಈ ತಿಂಗಳಲ್ಲಿ ಬಿಡುಗಡೆ ಮಾಡಿರುವ ಮೂರನೇ ಲಿರಿಕಲ್ ವಿಡಿಯೋ 'ಯೂಟ್ಯೂಬ್'ನಲ್ಲಿ ತನ್ನ ಕರಾಮತ್ತು ಪ್ರದರ್ಶಿಸಿದೆ. ಬಿಡುಗಡೆಯಾದ ಕೆಲವೇ ನಿಮಿಷಗಳಲ್ಲಿ ಲಕ್ಷಗಟ್ಟಲೆ ಬಾರಿ ವೀಕ್ಷಣೆಗೊಳಗಾಗಿ ದಾಖಲೆಯತ್ತ ಸಾಗಿದೆ. 'ರಾಬರ್ಟ್' ಚಿತ್ರದ ಎರಡು ಹಾಡುಗಳು ಈಗಾಗಲೇ ಜನಪ್ರಿಯವಾಗಿವೆ. ಅದರ ಮೂರನೇ ಹಾಡು ಈ ಎರಡೂ ಹಾಡುಗಳ ದಾಖಲೆಯನ್ನು ಮೀರಿಸಿರುವುದು ವಿಶೇಷ.
'ದೋಸ್ತಾ ಕಣೋ...'ಎಂದು ಗೆಳೆತನದ ಬಗ್ಗೆ ಹೇಳಲು ಬರ್ತಿದ್ದಾರೆ ದರ್ಶನ್
ಲಕ್ಷಗಟ್ಟಲೆ ವೀಕ್ಷಣೆ
ಸ್ನೇಹದ ಮಹತ್ವವನ್ನು ಸಾರುವ 'ದೋಸ್ತಾ ಕಣೋ...' ಸಾಮಾಜಿಕ ಜಾಲತಾಣಗಳಲ್ಲಿ ಭಾರಿ ಸದ್ದು ಮಾಡುತ್ತಿದೆ. ಯೂಟ್ಯೂಬ್ನಲ್ಲಿ ಬಿಡುಗಡೆಯಾದ ಎರಡೇ ಗಂಟೆಯಲ್ಲಿ ಸುಮಾರು 5 ಲಕ್ಷದಷ್ಟು ಬಾರಿ ವೀಕ್ಷಣೆಗೆ ಒಳಗಾಗಿರುವುದು, ಫ್ಯಾನ್ಸ್ ಯಾವ ಪರಿ ಇದನ್ನು ಮೆಚ್ಚಿಕೊಂಡಿದ್ದಾರೆ ಎಂಬುದಕ್ಕೆ ಸಾಕ್ಷಿ.
ದರ್ಶನ್-ಸುದೀಪ್ ಒಂದಾಗಲಿ
4.23 ನಿಮಿಷದ ಈ ಹಾಡಿಗೆ ಎರಡೇ ಗಂಟೆಯಲ್ಲಿ 66 ಸಾವಿರ ಲೈಕ್ಸ್ ಬಂದಿವೆ. 'ಕುಚ್ಚುಕು ಕುಚ್ಚುಕು' ಹಾಡಿನ ಬಳಿಕ ಗೆಳೆತನದ ವಿಚಾರದಲ್ಲಿ ಎಲ್ಲರ ಬಾಯಲ್ಲಿ ಗುನುಗುಟ್ಟುವಂತಹ ಮತ್ತೊಂದು ಹಾಡು ಇದು. ಈ ಹಾಡು ದರ್ಶನ್ ಮತ್ತು ಸುದೀಪ್ ಅವರಿಗೆ ಸೂಪರ್ ಆಗಿ ಹೊಂದಿಕೆಯಾಗುತ್ತದೆ. ಅವರಿಬ್ಬರೂ ಬೇಗ ಒಂದಾಗಬೇಕು ಎಂದು ಅವರ ಅಭಿಮಾನಿಗಳು ಅಭಿಪ್ರಾಯಪಟ್ಟಿದ್ದಾರೆ.
'ರಾಬರ್ಟ್' ಬಿಜಿಎಂ ಕಾಪಿ ಮಾಡಿದ ತೆಲುಗಿನ 'ರಾವಣ ಲಂಕಾ': ದರ್ಶನ್ ಅಭಿಮಾನಿಗಳ ಆಕ್ರೋಶ
ವಿಜಯ ಪ್ರಕಾಶ್-ಹೇಮಂತ್ ಹಾಡು
ಚೇತನ್ ಕುಮಾರ್ ಬರೆದಿರುವ ಈ ಹಾಡನ್ನು ಖ್ಯಾತ ಗಾಯಕರಾದ ವಿಜಯ ಪ್ರಕಾಶ್ ಮತ್ತು ಹೇಮಂತ್ ಕುಮಾರ್ ಹಾಡಿದ್ದಾರೆ. ಇದೇ ಮೊದಲ ಬಾರಿ ಇವರಿಬ್ಬರೂ ಜತೆಯಾಗಿ ಹಾಡಿರುವುದು. ಹಾಡಿನ ಉದ್ದಕ್ಕೂ 'ರಾಬರ್ಟ್' ಚಿತ್ರತಂಡದ ಗೆಳೆಯರು, ನಟರು, ನಿರ್ದೇಶಕರು, ತಂತ್ರಜ್ಞರು, ನಿರ್ಮಾಪಕರ ಸ್ನೇಹಿತರ ಬಳಗದ ಚಿತ್ರಗಳನ್ನು ತೋರಿಸುವ ಮೂಲಕ ಗೆಳೆತನಕ್ಕೆ ಅರ್ಪಿಸಲಾಗಿದೆ.
ಮೈ ಬ್ರದರ್ ಫ್ರಂ ಅನದರ್ ಮದರ್
ಬೈದು ಬುದ್ದಿ ಹೇಳೋ ಫಾದರ್ ಕಣೋ ಇವನು
ನೋವಲ್ಲಿ ಕಣ್ಣೀರು ಒರೆಸೋ ಮದರು ಕಣೋ
ಜೀವನಕ್ಕೆ ಪಾಠ ಟೀಚರ್ ಕಣೋ ಇವನು
ಲೈಫು ಪಾರ್ಟರ್ಗಿಂತ ಕ್ಲೋಸು ಕಣೋ
ರಕ್ತ ಸಂಬಂಧ ಮೀರಿದ ಬಂಧು ಇವನು
ಜಾತಿ ಮತಕ್ಕಿಂತ ತುಂಬಾ ದೊಡ್ಡವನು ಇವನು... ಎಂದು ಶುರುವಾಗುವ ಹಾಡು 'ಮೈ ಬ್ರದರ್ ಫ್ರಂ ಅನದರ್ ಮದರ್' ಎಂಬ ತತ್ವವನ್ನು ಸಾರುತ್ತದೆ.
ರಾಬರ್ಟ್ ಚಿತ್ರದ ಮೂರನೇ ಹಾಡು
ರಾಬರ್ಟ್ ಚಿತ್ರದ ಇಂಟ್ರೊಡಕ್ಷನ್ ಸಾಂಗ್ 'ಬಾ ಬಾ ಬಾ ನಾ ರೆಡಿ ಮೂರು ಮಿಲಿಯನ್ಗೂ ಅಧಿಕ ವೀಕ್ಷಣೆಗೆ ಒಳಪಟ್ಟಿದೆ. ಬಳಿಕ ಬಿಡುಗಡೆಯಾದ 'ಜೈ ಶ್ರೀರಾಂ' 1.4 ಮಿಲಿಯನ್ ವೀಕ್ಷಣೆ ಪಡೆದುಕೊಂಡಿದೆ. 'ದೋಸ್ತಾ ಕಣೋ' ಈ ಎರಡೂ ಹಾಡುಗಳನ್ನು ಮೀರಿ ಮುಂದೆ ಸಾಗುವ ಸೂಚನೆ ನೀಡಿದೆ.