ಡಬ್ಬಿಂಗ್ ವಿರುದ್ಧ ಬೀದಿಗಿಳಿದು ಡಿಚ್ಚಿ ಕೊಟ್ಟ 'ದಾಸ' ದರ್ಶನ್.!

ಕನ್ನಡ ಉಳಿಸಿ-ಬೆಳೆಸುತ್ತಿರುವ ಕನ್ನಡಿಗರಿಗೆ ನಮಸ್ಕಾರಗಳು...

''ತಂದೆ-ತಾಯಿ ಸಮಾನರಾದ ಎಲ್ಲ ಗುರು-ಹಿರಿಯರಿಗೂ ನನ್ನ ನಮಸ್ಕಾರಗಳು.. ಅನ್ನ ಹಾಕಿದ ಎಲ್ಲ ಕನ್ನಡ... ಉಳಿಸೋಕೆ, ಬೆಳೆಸೋಕೆ ಪ್ರಯತ್ನ ಪಡುತ್ತಿರುವ ಕನ್ನಡಿಗರಿಗೆ ನನ್ನ ನಮಸ್ಕಾರಗಳು...'' ಅಂತ ಹೇಳಿ ಡಬ್ಬಿಂಗ್ ವಿರುದ್ಧ ಮಾತನಾಡಲು ನಟ ದರ್ಶನ್ ಶುರು ಮಾಡಿದರು.[ಬೆರಕೆ-ಕಲಬೆರಕೆ ಅಳಿಯಲಿ ಎಂದ ಕನ್ನಡದ ಕಂದ ಪ್ರಜ್ವಲ್ ದೇವರಾಜ್]

ನಾನು ಡಬ್ಬಿಂಗ್ ವಿರೋಧಿ

''ಖಂಡಿತ ನಾನು ಡಬ್ಬಿಂಗ್ ವಿರೋಧಿ. ಎಲ್ಲರೂ ದನಿ ಎತ್ತುತ್ತಿದ್ದಾರೆ. ಇದಕ್ಕೊಂದು ಸಣ್ಣ ಉದಾಹರಣೆ ಹೇಳ್ತೀನಿ. ಪಕ್ಕದ ಯಾವುದೇ ರಾಜ್ಯ ತೆಗೆದುಕೊಳ್ಳಿ. ಅದರ ಅಷ್ಟೂ ಊಟ ನಮ್ಮ ಕರ್ನಾಟಕದಲ್ಲಿ ಸಿಗುತ್ತೆ. ಅಲ್ಲಿಂದ ಇಲ್ಲಿಗೆ ಬಂದವರಿಗೆಲ್ಲ ಇಲ್ಲಿ ಊಟ ಸಿಗುತ್ತೆ. ಆದ್ರೆ, ಇಲ್ಲಿಂದ ಹೋಗಿ ಪಕ್ಕದ ರಾಜ್ಯದಲ್ಲಿ ಮುದ್ದೆ ಉಪ್ಪು ಸಾರು ಕೇಳಿದರೆ, ಯಾರೂ ಕೊಡಲ್ಲ. ಹಾಗಾದ್ರೆ, ಇಲ್ಲಿರುವವರು ಎಲ್ಲಿಗೆ ಹೋಗೋಣ.?'' - ದರ್ಶನ್, ನಟ ['ಕನ್ನಡದ ಹೆಸರಲ್ಲಿ ಅನಾಚಾರ': 'ಡಬ್ಬಿಂಗ್' ವಿರುದ್ಧ ಗುಡುಗಿದ ನಟ ಜಗ್ಗೇಶ್.!]

ನಿಮ್ಮ ಬೆಂಬಲ ನಮಗೆ ಇರಲಿ

''ನಾವು ಕಲಾವಿದರು ಸ್ವಲ್ಪ ಜನ ಅಷ್ಟೇ ಇರುವುದು. ಹೀಗಾಗಿ ಕನ್ನಡದ ಮೇಲೆ, ಕನ್ನಡ ಚಿತ್ರರಂಗದ ಮೇಲೆ ನಿಮ್ಮ ಸಾಥ್ ಸದಾ ಇರಲಿ'' - ದರ್ಶನ್, ನಟ

ನನ್ನ ಸಿನಿಮಾ ನಾನೇ ಐದು ನಿಮಿಷ ನೋಡಲು ಆಗಲಿಲ್ಲ

''ಪ್ರತಿಯೊಬ್ಬರ ವಾಯ್ಸ್ ಕೂಡ ಎಲ್ಲರಿಗೂ ಗೊತ್ತಿದೆ. ಇದಕ್ಕೊಂದು ಉದಾಹರಣೆ ನಾನೇ ಹೇಳ್ತೀನಿ. ನನ್ನ ಸಿನಿಮಾ ಹಿಂದಿಯಲ್ಲಿ ಡಬ್ ಆಗಿರುವುದನ್ನ ನನಗೆ ಐದು ನಿಮಿಷ ನೋಡಲು ಆಗಲಿಲ್ಲ. ಅಷ್ಟು ಬೇಗ ಆಫ್ ಮಾಡಿಬಿಟ್ಟೆ. ಹೀಗಾಗಿ ಪ್ರತಿಯೊಂದು ಸಿನಿಮಾ ಕೂಡ ಆಯಾ ಭಾಷೆಯಲ್ಲಿ ನೋಡಿದ್ರೆ ಚೆಂದ'' - ದರ್ಶನ್, ನಟ

ಯಾರದ್ದೋ ಮಗುವಿಗೆ ತಂದೆ ಯಾಕಾಗಬೇಕು.?

''ಇನ್ಯಾರೋ ಮಗುಗೆ ಇನ್ಯಾರೋ ತಂದೆ ಆದಂತೆ ಇರುತ್ತದೆ. ಹೀಗಾಗಿ ಡಬ್ಬಿಂಗ್ ಬೇಡ. ನಿಮ್ಮ ಆಶೀರ್ವಾದ ಬೆಂಬಲ ನಮ್ಮ ಮೇಲೆ ಸದಾ ಇರಲಿ ಅಂತ ಕೇಳಿಕೊಳ್ಳುತ್ತೇನೆ'' ಎಂದರು ನಟ ದರ್ಶನ್